Sósi óskar öllum til sjávar og sveita, hvað sem þeir heita gleðilegra jóla og farsæls komandi árs.

Gangið hægt um gleðinnar dyr elskurnar mínar og verið góð við menn og málleysingja yfir hátíðarnar.
Sósi kemur ferskur inn á nýju ári með glænýtt efni sem mun valda upplausn í þjóðfélaginu, so stay tuned and focused.

PS. Munið síðan að slökkva á öllum kertum áður en þið farið að sofa og látið það verða ykkar síðasta verk fyrir jólinn að kaupa slökkvitæki og reykskynjara ef þið eruð ekki þegar búin að því.

Mikið að gera hjá Ella

Eins og flestir vita, þá hefur verið mikið að gera hjá Elíasi undanfarna mánuði við að brjóta niður helstu hlutabréfamarkaði heims og byggja þá upp aftur, með það eitt að leiðarljósi að hámarka ágóða sinn í þessum harða heimi viðskiptanna. En nú hefur Elli einn síns liðs komið af stað heimskreppu sem sér ekki fyrir endann á. Mikið hefur verið að gera hjá Ella við að svara í símann, þar sem miðlarar héðan og þaðan reyna að afla skýringa á því hvernig einn maður getur staðið fyrir þvílíkum darraðardansi á mörkuðum með einungis hundraðþúsundkall til þess að spila úr. Hér til hliðar má sjá mynd af Elíasi þar sem hann svarar í símann staddur í New York með allt niður um sig (Lulli á hugmyndina að gemsaklefanum).

Þar skall hurð nærri hælum

Smyglarar skutu á þyrlu jólasveinsins

Dópsmyglarar í borginni Rio de Janeiro í Brasilíu hófu skothríð á þyrlu sem var með jólasvein innanborðs. Var hann á leið til einna af fátækari hverfum borgarinnar til að færa börnum þar gjafir. Smyglararnir héldu að um þyrlu á vegum lögreglunnar væri að ræða og skutu því í átt að henni. Allir sluppu ómeiddir frá atvikinu, en byssukúlurnar gerðu tvö göt á eldsneytistank vélarinnar.
Skotárásin kom ekki að sök, því sveinki heimsótti börnin í hverfinu og gaf þeim gjafirnar. Í samtali við brasilísku sjónvarpsstöðina TV Globo játaði hann þó að hann hefði óttast að þyrlan myndi brotlenda. Hann náði aftur á móti ró sinni á ný þegar hann sá hversu yfirvegaður flugmaðurinn var.

Voru hreyndýrin með gubbupest?

Mynd ársins að mati Unicef

Stálu fæti af helgum manni

Helgur maður á Indlandi er að ná sé á sjúkrahúsi eftir að tveir menn réðust á hann og skáru af honum hægri fótlegginn fyrir neðan hné og stálu honum. Yanadi Kondaiah er áttræður helgur maður sem hélt því fram að þeir sem snertu fótlegg hans hlytu blessun.
Þjófarnir hittu Kondaiah í þorpi nærri borginni Tirupati og báðu hann um að nota náðargáfu sína til að hjálpa sér. Þeir helltu hinn helga mann fullan í útjaðri þorpsins og skáru af honum fótlegginn með sigð eftir að hann hafði misst meðvitund af drykkju.
Litlu munaði að hinum helga manni blæddi út en honum var komið á sjúkrahús þar sem hann er á batavegi.
Samkvæmt Ananova fréttavefnum sagðist Kondaiah ekki skilja hvers vegna mennirnir réðust á hann með þessum hætti. „Ég hef ávalt verið góður við aðra og hjálpað öllum sem til mín leita. Hvernig stendur þá á því að ég lendi í þessu?” Var haft eftir hinum helga manni.

Lomman grínar út í eitt

Ef einhver skyldi ekki vita það, þá er Lomman mikill grínari, en í sumar þá fór kellingin eiginlega langt út fyrir öll þau mörk sem kalla má grín eða spé, þegar hún í tíma og ótíma var með eitthvað andsk... tippagrín. Sósi birtir hér nokkrar myndir sem sýna á hvað plan grínið er komið hjá Lommunni.

Þess má geta að Lomman er farin að vinna í gróðrastöðinni ÖSP um helgar, guð má vita af hverju.

...og enn er kellingin í gríngírnum

...Lomman óstöðvandi í gríninu

Lomman farin að vinna hjá Samtökum Iðnaðarins

Eins og flestir landsmenn vita, þá hóf frú Loðmfjörð að starfa hjá Samtökum Iðnaðarins ekki alls fyrir löngu. Þar unnir hún hag sínum vel og og hefur ekki út á neitt að setja. En í stuttu samtali við Sósa uppi í rúmi í gær sagði hún að kaffitímarnir væru soldið öðruvísi en hún ætti að venjast, þ.e.a.s. að í kaffitímunum væri bara alls ekki drukkið neitt kaffi, heldur þömbuðu allir Kók út í eitt. Sósi mætti því með vélina á kaffistofu SI nú í morgun og smellti þar þessari mynd af Lommunni þar sem hún sat og sötraði kók með vinnufélögum sínum.

Svindlari dauðans

Sósi fór með Lommunni sinni í pool um helgina og ætlaði að salta kellinguna í eitt skipti fyrir öll. Kellingin aftur á móti neitaði að láta salta sig og notaði öll trixin í bókinni til þess að koma í veg fyrir Sósasigur. Hér til hliðar má sjá eitt af trixunum, þetta er náttúrulega bannað.

Óskar Hafliði tekin við sem nýr landsliðsþjálfari

Óskar Hafliði Ragnarsson tók við stjórnartaumunum hjá íslenska karlalandsliðinu í morgun af Ólafi Jóhannessyni sem var rekinn á dögunum eftir slakan leik landsliðsins gegn Dönum. Ráðning Óskars kom flestum þeim sem vit hafa á knattspyrnu nokkuð á óvart, en Óskar hefur aldrei þjálfað nokkurt lið að því Sósi best veit. Á blaðamannafundi í morgunn þá virtist Óskar einnig vera nokkuð hissa á ráðningunni en sagðist engu að síður ætla að gera sitt besta til þess að rétta skútuna af. "Það var bara hringt í mig í gær og ég spurður hvort ég vildi taka við starfinu, sem ég þáði" sagði Óskar við blaðamenn er hann var inntur eftir aðdraganda ráðningarinnar. Framkvæmdastjóri KSÍ hafði sig lítið í frammi á fundinum og húkti skömmustulegur úti í horni og er ástæðan fyrir því samkvæmt heimildarmönnum Sósa að það hefði verið hringt í vitlaust númer þegar hringt var í Óskar. Þegar það síðan uppgötvaðist hefði það hreinlega verið orðið of seint og búið að skrifa undir þriggja ára samning.

Jói Fel og Þorgrímur Þráins rugla saman reitum

Sósa barst það til eyrna um síðustu helgi að Jói Fel og Þorgrímur Þráins væru farnir að rugla saman reitum og væru í rauninni búnir að vera í eldheitu ástarsambandi frá því í sumar. Jói vildi ekkert kannast við málið er Sósi sló á þráðinn, en Toggi vildi hvorki játa því né neita, en viðurkenndi að honum fyndist Jói algjör kanilsnúður. En nú geta Jói og Þorgrímur ekki lengur þrætt fyrir samlífið, því Sósa var send þessi mynd af þeim félögum þar sem þeir spókuðu sig grunlausir í Sitges á leðurbrókinni.


Andsk.. aftaníbossa hossarnir alltaf hreint!

Elli kominn í sveppina á ný!

Elías Sprelías Illugason oftast kenndur við Lulla sinn, er enn á ný komin í sveppina. Elías var á árum áður háður sveppaáti og var yfirleitt komin út úr kortinu fyrir hádegi. En eftir að hann kynntist Birnu sinni þá hefur hann alfarið haldið sig frá sveppaáti þar til nú. Sósa er ekki kunnugt um af hverju melurinn fór að leggja sér sveppi aftur til munns en Sósa grunar þó að það sé vegna erfiðleika á fiskmörkuðum. Elli hefur fjárfest gríðarlega í skarkolabræðslum um allt land, en eins og flestir vita þá hefur ekki veiðst skarkoli við Íslandsstrendur í tugi ára. Í samtali við markaðinn sagði Elli fyrir nokkrum dögum "Ég hélt að þessar Skarkolaveiðar færu að detta inn, en það hefur gjörsamlega brugðist" er hann var inntur eftir gangi mála.

Alltaf stutt í grínið hjá Lommunni!

Þorgeir Ástvalds heldur betur bætt á sig

Athugull vegfarandi smellti þessari mynd af dvergunum Þorgeir Ástvalds og Halla í "Halla og Ladda", þar sem þeir sátu á bekk í Hljómskálagarðinum og skoðuðu dót sem Halli hafði fengið í skóinn þó svo að jólasveinarnir séu ekki komnir til byggða. Ef maður grandskoðar myndinna þá er ekki betur séð en að Þorgeir hafi bætt töluvert á sig frá því er spurðist til hann síðast.
Er Halli var spurður að því hvort honum þætti ekki einkennilegt að fá í skóin í byrjun desember svaraði hann "neiii ekkert voðalega þetta er náttúrulega bara eitthvað glatað grín í Ladda bróður sem er endalaust með eitthvað dvergagrín".

Palli heiðrar minningu Jónasar

Páll Valsson oftast nefndur "hinn aldni" heiðraði minningu Jónasar Hallgrímssonar skálds á 200 ára afmælisári hans, með því að klæða sig upp í klæðnað sem margir samtíma menn Jónasar klæddust á þeim tíma. Hinn aldni Páll frá Kópavogi skellti sér síðan í myndatöku, og ekki er annað að sjá en að kallinn taki sig vel út í dressinu. Sósi er ekki frá því að hinn aldni hefði ekki síður sómt sér vel á þeim tíma er Jónas ritaði sín helstu meistaraverk.

Sósi skilinn útundan!

Sósi fékk heldur betur daprar fréttir í gærkveldi er lítill fugl hvíslaði að honum að allir vinir hans væru samankomnir á Kringlukránni þambandi jólaglögg í boði Studio Dabba Magg, og Sósa hefði ekki verið boðið til veislunnar. Sósi varð ofboðslega gramur við tíðindin og fór út í bílskúr að gráta, því ekki vildi hann gráta fyrir framan börn sín og konu. Sósi var engu að síður fljótur að jafna sig er hann fékk þær fregnir að jólaglöggið hefði verið eitrað og fyrrverandi vinir Sósa hefðu allir fengið í magann. Sósi sofnaði því svefni hinna réttlátu ekkert illt í mallakút með dúndrandi standp.....

Skál, pungur og pasta!

"Vertu súkkulaðisnúður" komin í verslanir

Sykursnúðsglassúrpungurinn Þorgrímur Þráinsson er búin að gefa út sjálfshjálparbók fyrir karlmenn á aldrinum 18 til 88 ára. Bókin heitir "Vertu súkkulaðisnúður" og er gefin út af forlaginu Algjört Krútt. Þorgrímur sagði í stuttu spjalli við Sósa í gegnum símtæki, að hann hefði gengið með þess hugmynd í pungnum í um 20 ár eða allt frá því að hann kynntist rjómasúkkulaði kellingunni sinni á skólaballi í Versló. "Okkur karlpeningnum hefur vantað svona bók í mörg ár og því kýldi ég bara á það sjálfur að skrifa hana. Karlmenn á Íslandi eru alltof röff og ekki nógu töff að mínu viti og mér fannst komin tími til að sykursnúða þá aðeins til" sagði Þorgrímur og hristi til sveittan makkann svo skein í súkkulaði húðaða bringuna. "Er ekki allt í lagi með þig" sagði Sósi þá við sykurpunginn og lét skína í mjallhvíta gervitönnina á móti. Sykurhúðaði ástarpungurinn gaf síðan Sósa eintak af bókinni áður en hann var rokinn í ræktina að "tékka á kellingum" eins og hann orðaði það.

Fyrsta plata Luxor komin í búðir

Fyrsta plata hljómsveitarinnar Luxor sem er afsprengi hins íturvaxna mallakúts Einars Bárðarsonar er nú loks komin í búðir. Þessari plötu sykursnúðanna í Luxor hefur verið beðið með mikilli eftirvæntingu og mörg veðmál í gangi um hvursu léleg hún yrði. Sósi setti plötuna í spilarann í dag og heldur því fram að þarna sé komin fram á sjónarsviðið ein misheppnaðasta plata hjá einni misheppnuðustu hljómsveit allra tíma. Það eina sem er í lagi á plötunni er umslagið, en það var einmitt Sósi sem hannaði það.

Ægir geðillskan uppmáluð

Sósi hitti Ægir á dögunum þar sem hann ráfaði um úfinn og illa til reika með reiðhjól á bakinu um mýrina í Skerjafirði. Sósa lék forvitni á að vita hvert hann væri að fara og hvaðan hann væri að koma og spurði því kauða beint út, "Hvert ertu að fara og hvaðan ertu að koma?". "Kemur þér ekki við fíflið þitt" hreytti þá kauði út úr sér og gaf Sósa illt auga, klóraði sér í rassinum og hélt sína leið með 10 gíra spítthjól á bakinu. Hvaða geðillska er þetta í nýgiftum manninum?

Otto með einn ískaldann

"Nei, ég gerði ekki neitt um helgina, var frekar slakur. Fékk mér reyndar einn á laugardaginn, thats it" sagði Otto við Sósa er þeir urðu samferða í lyftu í Domus Medica á dögunum.

Það er eitthvað svo rangt við þessa mynd en að sama skapi eitthvað svo ofboðslega kósí.

Bjarki's photoshoot

Sósi náði að telja Bjarka á að koma í myndatöku til þess að auglýsa nýjustu pelsana frá Guðgeiri feldskera með því að lofa honum nýjum pels upp í ermina. Bjarki settu þó fram þær kröfur að hann fengi að vera í háhæluðum og með sítt að aftan (guð má vita af hverju).
Hér til hliðar sjáum við auglýsinguna eins og hún mun birtast í blöðum.

Úr takkaskóm í pels

Sparktuðruathafnamennirnir Arnar og Bjarki Gunnlaugssynir fengu sér nýja pelsa á dögunum í tilefnu af útkomu nýjustu bókar þeirra félaga sem ber nafnið "'Úr takkaskóm í pels". Útgáfu bókarinnar hefur verið beðið með mikilli eftirvæntingu enda ekki á hverjum degi sem nauðaskollóttir tvíburar frá Akranesi gefa út bók saman og það um fótbolta og pelsa. "Oh.. þeir eru svo krúttlegir og snúllulegir eitthvað" sagði Vala Matt við Sósa.is er leitað var eftir áliti bleiku dýfunnar um nýju pelsanna sem þeir bræður spranga nú um götur bæjarins í. Arnar og Bjarki vildu ekki koma í viðtal hjá Sósa en vildu koma því á framfæri að þessir pelsar væru rándýrir og ekki fyrir neinn meðal Jón að fjárfesta í.

Sósinn komin með I-Phone!

Dabbi Magg fær síðbúna Jólagjöf

Davíð Magnússyni brá heldur betur í brún á dögunum þegar starfsmaður Póstsins birtist á tröppunum hjá honum með forláta pakkaskrifli í höndunum. Davíð sem átti ekki von á neinum pakka spurði því Póstburðarkvikindið hvurju sætti og fékk þau svör að þetta væri pakki sem hefði lent á milli þilja fyrir um 30 árum síðan og hefði verið að koma í leitirnar. Er Dabbi opnaði pakkann kom í ljós fagur rauður sleði með silfruðum meiðum sem skein á í sólskyninu. "Þetta er alveg eins sleði og ég bað um í jólagjöf þegar ég var 7 ára" öskraði Dabbi víst upp fyrir sig og færðist allur í aukana. "Prófaðu hann maður" sagði pósburðardrengurinn þá og lét Davíð ekki segja sér það tvisvar, skellti á sig hjálmnum og brunaði um iðagrænan túnfótinn það sem eftirlifði dags sér, póstfíflinu og öðrum til mikillar skemmtunar.

Olivier með ankannanlegan sjúkdóm

Ólífer mágur Sósa Sig var greindur á dögunum með sjúkdóminn "unstoppoloppopus heightolosys" sem er einn af fágæddustu sjúkdómum sem fyrirfinnast í heiminum. Sjúkdómurinn lýsir sér þannig að manneskjur byrja skyndilega að stækka óeðlilega mikið á miðjum aldri og virðast lítil takmörk fyrir því hvað þetta fólk getur stækkað mikið. Einungis er vitað um eitt annað skráð tilfelli, en það greindist á Indlandi fyrir um 400 árum síðan, sá aðili dó úr súrefnisleysi enda komin vel á annað þúsund metra kallinn. Ólífer er nú þegar orðin 2,40 eftir aðeins örfáa daga sem er samkvæmt kokkabókum Sósa allsendis óeðlilegt. Hér sést Ólífer ásamt vini sínum Lúsífer á fjórðungssjúkrahúsinu í Mónakó þar sem þeir voru við mælingar.
(meira andskotans bullið alltaf hreint)

Kalli glímukóngur á ný

Karl Ægir Karlsson svefnprófessor úr Reykjavík, kom sá og sigraði á árlegu glímumóti sem haldið var í Þorlákshöfn síðastliðna helgi. Karl hafði mikla yfirburði á mótinu og hreinlega saltaði alla andstæðinga sína niður í tunnu og dró þá eins og slý upp um alla veggi. Í samtali við Karl þá vildi hann þakka spúsu sinni Elsu Jó Man þennan frábæra árangur, en hún átti drjúgan þátt í því að Karl náði að bæta á sig einum 70 kílóum fyrir mótið.

Palli fær sér nýjar varpstöðvar

Hinn aldni en snoppufríði Páll Valsari, hefur fjárfest í nýjum varpstöðvum til brúks í spánýjum höfuðstöðvum sínum sem eru til húsa í JL höllinni vestur í bæ. Í stuttu samtali við Pál, þá sagði hann að þær varpstöðvar sem fyrir voru í húsnæðinu, hefðu ekki verið hundi á sigandi og hann hefði því tekið málin í sínar hendur og einhent nokkrum þúsurum úr djúpri pyngju sinni og splæst í eitt stykki tojara, svo hann og hinir akademísku fræðispekúlantar sem deila með honum húsnæði gætu verpt með reisn að nýju. Dröbban aðstoðaði Pál við að selflytja tojarann úr Húsamiðjunni, og ekki er annað að sjá en að það hafi verið hin mesta skemmtun.

Svenni búin að ná gelti í Póllandi

Sveinberg Gíslason oftast kallaður Lax-1 fór til villisvínaveiða í Póllandi í síðustu viku ásamt fríðu föruneyti. Ekkert hefur spurst til Svenna og félaga fyrr en nú, en Svenni hafði samband við Sósa nú í morgun og tjáði honum að allt gengi vonum framar og veiðin væri betri en engin. Svenni hefur til þessa skotið stærsta göltin og hér til hliðar ber að líta Svenna og bráðina (það er svipur með þeim).

Elli græðir á tá og fingri

Elías Óskar græðir nú sem aldrei fyrr og situr nú heima og telur seðla út í eitt. Elías sem varð næstum gjaldþrota um daginn og þurfti að selja allt sitt hafurtask til þess að eiga í sig og á hefur nú snúið við blaðinu og hefur með ótrúlegri þolinmæði náð að snúa taflinu sér í hag. Elli gerði víst góðan díl á bréfum í fyrirtæki sem ekki má nefna og hafa þau bréf ávaxtað sig með ógnarhraða síðustu vikur. Sósi tók þessa mynd af Ella á skrifstofu hans í Skaftahlíðinni þar sem hann fór með gamanmál og útdeildi dollurum til velunnara sinna hægri vinstri.

Otto Tynes í heimsókn hjá fjarskyldum ættingjum

Otto komst að því fyrir skömmu, er hann var fyrir rælni að skoða Íslendingabók, að hann á ættir að rekja til Kentucky sýslu í Bandaríkjunum. Hann ákvað því að renna vestur og banka uppá hjá frændfólki sínu. Þessi mynd var tekin viku eftir að hann hitti ættingjana í fyrsta skipti. "Mér leið eins og ég hefði alltaf átt heima þarna" sagði Otto við staðarblaðið Kentucky Post í stuttu viðtali um lífið og tilveruna. Otto er ekki enn komin tilbaka og fólkið á götunnu er farið að tala um að hann komi aldrei tilbaka aftur.

... helgin endaði síðan með því að hann lét pússa sig saman við draugfulla druslu úr Sandgerði hjá bæjarfógetanum í því ágæta sveitarfélagi.

....náði sér að sjálfsögðu í kellingu

...stal síðan vörubíl fullum af bjór og velti honum að sjálfsögðu. Hann lét það þó ekki stoppa sig í að fá sér einn kaldann á kanntinum.

... hann fór síðan í partý þar sem hann lét skjóta rakettu upp úr rassaborunnu á sér (geri aðrir betur)

Dabbi Magg skemmtir sér sem aldrei fyrr

Dabbi Magg tóka svera pakkann á það þegar hann fór út að skemmta sér um síðustu helgi og fór hamförum í allskyns gríni og fíflalátum. Öldruð kona í vesturbænum tók þessa mynd á laugaragsmorgun af kauða er hann renndi sér á sprellanum í ísilagðri rennibraut, næstum nakinn. Hann hafði þó séð sóma sinn í því að setja dýrið í sokk er hann tók salibununa.

Jórunn í kelerísstandi á Snæfellsnesi

Sósa voru rétt í þessu að berast þær fréttir til eyrna að Jórunn norðursins eða Jóka Lomm eins og hún er oftast kölluð, hefði laumas í skjóli nætur á Hótel Búðir um síðustu í helgi í slagtogi við alræmdan glaumgosa frá Þorlákshöfn. Samkvæmt áreiðanlegum heimildum þá áttu Jóka og gosinn ánægjulega helgi og fóru víst oft í sleik.
Þessi mynd náðist af parinu í fjöruborðinu á Búðum þar sem þau voru gómuð í miklum sleik svo skein í bleika góma.
Annars er það að frétta af Jókunni að hún unnir hag sínum vel á Seltjarnarnesi og þar er víst stöðugt fjör á bænum.

Heimsfrægur svefnprófessor leysir töfrateninginn á innan við mínútu

Svefnprófessorinn Karl Ægir Karlsson hefur sett sér það markmið að slá heimsmetið í að klára töfrateninginn á sem skemstum tíma, en metið er 37 sekúndur og var sett í síðustu viku af einhverjum Indverjaskratta. Karl Ægir sem hefur átt erfitt með svefn upp á síðkastið, notar nú hverja lausa mínútu til þess að æfa færni sína í lausn töfrateningsins. "Ég held ég hafi ekki sofið svona lítið í mörg ár" sagði Kalli er Sósi setti sig í samband við hann mjög svo undrandi á þessu nýja uppátæki kauða.

Elsa Yeoman ekki litið betur út í mörg ár!

Það hreinlega geislar af Elsu þessa dagana enda byrjuð í nýrri vinnu og nýkomin frá Amerkíku þar sem hún og hennar ektamaður spókuðu sig í sólinni í nokkra daga. Elsa sendi þessa mynd á Sósi.is þar sem hún er stödd við einhverja tjörn í Ohio, takið eftir öndinni vinstra megin á myndinni.

Ingibjörg Sólrún ekki litið jafn vel út í mörg ár

Sósa barst það til eyrna á dögunum að Ingibjörg Sólrún Gísladóttir hefði farið í yfirhalningu og ekki litið betur út í mörg ár, dæmi hver fyrir sig.

Sósi og Lomma auglýsa eyrnamerg fyrir flasskubb

Kaupsýslumaður kom að máli við Sósa og Lommu þegar þau voru á bæjarrölti í Barcelona um helgina og spurði hvort ekki væri hægt að plata þau í að sitja fyrir í einni auglýsingu eða svo fyrir eina flösku. Sósa og frú fannst það nú ekkert tiltökumál og slógu því til enda ekki á hverjum degi sem maður fær flösku hálf gefins. Er myndatökunni lauk vildu þau skötuhjú að sjálfsögðu fá laun erfiðis síns, og rukkuðu því kaupsýslumanninn um flöskuna. Kaupsýslumaðurinn tók vel í það, seildist ofan í vasa sinn og tók þar upp forláta flasskubb (átekinn) og rétti þeim skötuhjúum skellihlæjandi. Sósa og Lommu fannst þau svikinn af þessum viðskiptum en gátu svo sem ekkert gert til þess að rétta sinn hlut enda um munnlegan samning að ræða. Myndin að ofan er ein af þeim myndum sem birtast munu af parinu í erlendum glanstímaritum á næstunni.

Siggi Atla búin að missa það?

Sigurður Atlason Strandamaður og stórvinur Sósa sendi þessa mynd af sjálfum sér á dögunum, þar sem hann er staddur á einhverjum bar í Budapest. Sósa lék forvitni á að vita í hverju hann væri á myndinni og af hverju í andsk... hann væri í þessum ófögnuði. "Ég var náttúrulega rændur eina ferðina enn og átti því ekki í önnur föt að venda. Þetta dress fékk ég fyrir 10 slikk hjá götusala og var ég hæstánægður með þau kaup. Ég fékk óskipta athygli kvennpeningsins í þessu dressi og var meira að segja boðið upp á bjór af karlmanni, þannig að ég get ekki kvartað" sagði Siggi í stuttu samtali er Sósi sló á þráðinn til Budapest á dögunum. Siggi bað fyrir kærri kveðju til Íslands og vildi koma því á framfæri við aðstandendur sem eflaust hafa af honum miklar áhyggjur, að hann yndi hag sínum vel, ætti nóg af slikki og væri væntanlegur aftur til landsins í janúar.

Týnda myndin úr grettukeppninnni komin í leitirnar

Fyrir rúmum 15 árum síðan missti Davíð æskuvinur Sósa augað í hræðilegu slysi er hann var að vinna sem messagutti á línubát fyrir vestan.
Davíð tókst á við afleiðingar slyssins af mikilli karlmennsku og hefur ekki á neinn hátt látið afleiðingarnar há sér í einu né neinu. Davið er mikill húmoristi og átti hann það til að grínast á ótal vegu með þetta óhapp sitt. Eitt af uppáhalds uppátækjum hans, var að skora á menn í grettukeppni. Myndin hér til hliðar var tekin í fyrstu grettukeppninni sem haldin var heima hjá Dabba á Nönnustíg, en hún sýnir verðlaunagrettu Davíðs sem er ein sú svakalegasta sem sést hefur um víða veröld og þó víða væri leitað. Davíð átti síðan eftir að nota þessa grettu við ýmis önnur tækifæri samferða mönnum sínum til yndisauka.

Hrun á hlutabréfamörkuðum rakin til eins manns

Eins og flestir hafa tekið eftir þá hafa hlutabréf á mörkuðum hér heima og erlendis tekið mikla dýfu undanfarið. Greiningardeildir bankanna rekja þessa miklu lækkun til eins manns og kenna honum alfarið um hrunið. Maður þessi ber nafnið Elías Óskar Illugason og hefur honum tekist einn síns liðs að knésetja helstu hlutabréfamarkaði heimsins á örskotsstundu með illa ígrunduðum kaupum í félögum sem eru á hraðri niðurleið í von um skjótfenginn gróða. Sprellinn eins og hann er oftast kallaður hefur eins og gefur að skilja ekki farið varhluta af þessum heimskulegu kaupum sínum sjálfur og hefur hann nánast tapað öllu sínu fé og það á mettíma. Kallinn virðist þó ekki dauður úr öllum æðum og er Sósi talaði við hann fyrir skömmu var hann á leið niður í kauphöll á reiðskjóta sem hann festi kaup á í morgun (búið að hirða af honum bílana) og tjáði hann Sósa að hann ætlaði sér að gera góðan díl á bréfum í Icelandair sem væru á spottprís eins og hann orðaði það.

Svei þér strákskratti

Hinn hátt skrifaði og undurfagri aðstoðarmaður himna föðurins háa komst í hann krappann um helgina, er hann ásamt nokkrum bísness mönnum að austan helltu í sig helst til miklu kneifaröli (sem kennt er við sjálft Vatíkanið), í mikilli veislu sem páfagarður hélt um helgina í tilefni af engu. Páfinn lennti í "fight" eins og hann orðaði það og var því færður á nærliggjandi lögreglustöð þar sem hann fékk að sofa úr sér ölvímuna.

Páfagarður framleiðir bjór

Páfagarður eins og hann leggur sig tók þá ákvörðun á dögunum að hefja framleiðslu á áfengu kneifaröli til þess að renna styrkari stoðum undir fjárhag garðsins sem í gegnum aldirnar hefur þurft að lepja dauðann úr skel eins og flestir vita.
Fyrstu kippurnar komu í búðir um helgina og runnu út eins og heitar lummur, enda ekki á hverjum degi sem menn hlotnast að svolgra í sig heilögum bjór.

Rassinn á Sósa starir út í mannhafið

Sósi sem Senjoríta

Ekki nóg með að Sósi beraði á sér afturendann á árshátíðinni heldur fór Sósi líka í kjól og sló í gegn sem spönsk senjoríta.

Meira ruglið allaf hreint á honum Sósa!

Sósi sýnir á sér þjóhnappana

Sósi tók að sér veislustjórn á fyrstu árshátíð sameinaðs fyrirtækis VGK-Hönnunar hf. sem haldin var í Barcelona um helgina. Sósi er ekki þekktur fyrir að fara hefðbundnar leiðir og byrjaði því hátíðina með því að bera á sér afturendann fyrir framan 400 manns.

Sósi manar hvurn sem er að leika það eftir!