Vilhjálmur með hausinn á kafi í rassaborunni á sér

Vilhjálmur Vilhjálmsson borgarstjóraefni Sjaldgæfisflokksins tók þá ákvörðun nú í hádeginu að halda áfram sem borgarfulltrúi og taka við borgarstjórastólnum að ári. Vilhjálmur sagðist í stuttu spjalli við Sósa að hann ætlaði sér að stíga báruna og standa af sér þann ólgusjó sem í kringum hann er með því að nota "strútsaðferðina" þ.e. að stinga hausnum á sér á kaf í boruna og skella skollaeyrum við öllu því sem almennir kjósendur hafa við hann að segja. "Ég er farinn á barinn og hef ekkert meir um þessa ákvörðun mína að segja" sagði Villi að lokum og strauk hryssinsgslega yfir sveittan makkann svo söng í saumunum.

Fyrsti netborgarstjóri í heimi

Sigurður Atlason var í morgun krýndur af sjálfum sér fyrsti borgarstjóri í sinni eigin netborg sem hann hefur ötulega staðið í að byggja síðustu vikurnar. Þetta ku vera í fyrsta sinn sem maður af holdi og blóði er krýndur borgarstjóri í netheimum og óskum við hér á Sósi.is Sigurði hjartanlega til hamingju. "Þetta var mjög látlaus og tilfinningaþrungin viðhöfn sem haldin var á Café Riis á þriðjudagskvöldið. Þarna voru samankomnir velvildarmaður minn ég og laptoppurinn og þetta fór allt saman vel fram og ég var kosinn með yfirgnæfandi meirihluta atkvæða. Ég er mjög stoltur yfir embætisveitingunni og mun gera allt sem í mínu valdi stendur til þess að hífa borgina til hæstu metorða á meðal netverja" sagði Sigurður talsvert hífaður og hátt uppi er Sósi náði tali af honum í morgun.

Villi enn að hugsa sinn gang

Hárkollusnúðurinn og dómsdagsborgarfulltrúinn Vilhjálmur Vilhjálmsson situr enn á hækjum sér á Austurvelli og hugsar stíft um sína pólitísku framtíð. Villi hefur nú setið á hækjum sér í samfellt fjóra daga og aðeins drukkið tvo bjóra, sem gefur sterklega til kynna að hann sé djúpt hugsi. Samkvæmt heimildum Sósa er vona á svari frá honum í lok vikunnar.
Villi var hálf tætingslegur þegar ljósmyndari Sósa náði mynd af honum á hækjum sér nú í morgun.

Þingmaður græddi fúlgur fjár í fjárhættuspili dulbúin sem kelling

Birkir Jón Jónsson oftast nefndur "Biggi Beauty" þingmaður Framsóknarflokksins, tók um helgina þátt í skipulögðu fjárhættuspili í miðbæ Reykjavíkur. Birkir sem mætti til leiks dulbúin sem kelling með það að leiðarljósi að trufla andstæðinga sína við spilamennskuna rakaði hreinlega að sér seðlunum svo andstæðingar hans sáu aldrei til sólar . "Ég notaði þetta trix í glímunni hér í gamla daga og það gafst vel. Það þorði enginn að taka neitt á mér ekki frekar en í dag" sagði Birkir glaðhlakkalegur á svip með fullar fúlgur fjár í símaviðtali við Sósa í morgun. Er Sósi spurði hann hvort að það sæmdi þingmanni að taka þátt í ólöglega pókerspili og þar að auki að villa á sér heimildir svaraði hann "Póker, snóker, skítaróker ég er alvöru jóker" og skellihló svo undirtók í seðlunum.
Til Birkis sást síðan í morgun þar sem hann var að eyða fé í alls kyns óþarfa, svo sem trampólín, tjaldvagna, freyðivín og alls kyns svínarí sem sauðsvartur almúginn getur ekki annað en látið sig dreyma um að eignast á þessum síðustu og verstu.

Elijha Von Dörí í monkey business í Uganda.

Enn á ný hefur viðskiptamógullinn Elijha Von Döri áður Elías Óskar Illugason komist í verulegar álnir. Elijha stundar nú monkey business niðri í svörtustu Afríku og hreinlega rakar saman seðlunum. "Ég frétti af þessum bissness í gegnum talhólfið hjá mér, en þar hafði einhver ónafngreindur velvildarmaður minn lesið inn upplýsingar um hvernig komast mætti í álnir með þessu hætti. Þetta er náttúrulega doldið apaspil en ef maður er nógu þorinn að apa upp eftir öðrum þá getur maður efnast vel í þessum bransa" sagði Elijha við Sósa í gegnum myndsíma nú í morgun.

Annþór snýr við blaðinu

Innheimtumaðurinn Annþór Karlsson hefur hafið störf hjá innheimtufyrirtækinu Intrum Justitia og mun þar fyrst um sinn sjá um símrukkanir. "Það er mikill akkur fyrir okkur að fá Annþór til liðs við okkur enda einn öflugasti rukkari landsins" sagði Veturliði Hafsteinsson starfsmannastjóri við fréttamann Sósi.is nú í morgun. "Ég lét bara kylfu ráða kasti og ákvað að kýla á þetta þegar mér bauðst þessi vinna. Nú er bara að standa sig og berja niður alla fortíðardrauga sem ég hef verið með í eftirdragi í mjög langan tíma og fara að raka inn péningum á heiðvirðan hátt" sagði Annþór í spánnýrri rúllukragapeysu og ilmandi af kölnarvatni. Samkvæmt áreiðanlegum heimildum Sósa þá mun Annþór verða með 300 þús kall á mánuði í laun fyrsta mánuðinn og 10 þús. kall aukreitis fyrir hverja jákvæða símrukkun. Kallinn ætti því ekki að vera á flæðiskeri staddur og ætti samkvæmt útreikningum Íbúðalánasjóðs að geta keypt sér íbúð með eldhúsinnréttingu og allt.

Kastró hættur

Vindlaspúandi commonistinn, uppistandarinn og uppreisnarseggurinn Fidel Castró hefur sagt starfi sínu lausu sem harðstjóri á Kúbu. Í stuttu spjalli við Sósa nú í morgun sagðist Kastró ekki vera búin að gera upp við sig til hvaða starfa hann myndi hverfa, en hann væri með nokkur áhugaverð tilboð á borðinu sem hann væri að skoða. Kastró sem nú liggur á meltuni og hugsar sinn gang á eyjunni Súmötru sagðist vera mikill aðdáandi Bubba Morthens og að hann hlustaði oft á lagið "Stál og knífur" áður en hann færi að sofa á kvöldin.
Kastró bað að heilsa öllum á Íslandi og sendi stuðkveðjur úr sólinni á Súmötru.





Kastró flatmagandi í sólinni á Súmötru

Annþór reyndi að flýja úr skápnum!

Hér til hliðar má sjá mynd sem fréttaritari Sósa í Mosó náði af því er innheimtumaðurinn Annþór reynir að komast undan lögreglunni á hlaupum út úr skápnum sem hann hafði haldið til í eftir flóttann úr tugthúsinu. Ef spá má í svipinn á kauða virðist hann vera dauðskelkaður, illa til reika, geðillskan uppmáluð og banhungraður eftir vistina.

Þið sjáið það fyrst á Sósi.is

Leibbi Lomm a meikaða?

Hin víðfræðgi og gamansami stuttmyndaleikari Leibbi Lomm fékk nú á döginum sitt fyrsta stóra hlutverk í kvikmynd í fullri lengd, er hann hampaði hlutverki í nýrri kvikmynd eftir Adam Ant. "Adam hringdi bara í mig upp úr þurru og bauð mér þetta hlutverk, hafði víst séð mig í Mottunni og látið sér vel líka. Ég tók auðvitað hlutverkinu fegins hendi enda Adam hreinræktaður snillingur. Ég fer með hlutverk samkynhneigðs lögregluþjóns sem finnst gaman að gera bomsarabomm þegar hann er í vinnunni, en annars má ég ekki segja neitt frá frekara innihaldi myndarinnar á þessari stundu" sagði Leibbi er Sósi sló á þráðinn til hans þar sem hann var við tökur í Drápuhlíðinni.

Dirty weekend í London

Sósi gerði þau afdrifaríku mistök á dögunum að þiggja boð auðjöfursins Elíasar Von Illugasonar um helgarferð til London. Elijha eins og hann fer fram á að vera kallaður þessa dagana (segist vera af gyðingaættum) hreinlega fór hamförum um helgina og var ógislega dörí, görí og dirty við alla sem hann hitti og gjörsamlega óþolandi í allri almennri umgengni á meðal fólks. Hér til hliðar sést hann ógislega dirty á Hótelbarnum þar sem hann var að gera alla vitlausa. Elijha var meira að segja görí víð krúttdrusluna Amy Winhouse sem má ekki vamm sitt vita.

Lomman í 1. sæti á Dalvík

Lommuhelvítið nældi sér í gullpéning á árlegu skíðamóti sem haldið var á Dalvík um helgina er hún tók þátt í svigmóti 10 ára og yngri. Einhvern vegin í fjáranum tókst kellingunni að villa á sér heimildir og vinna með sviksamlegum hætti til fyrstu verðlauna og óskum við hér á Sósi.is henni hjartanlega til hamingju með svikaráðin. Hér til hliðar má sjá Lommuna taka við verðlaunakransinum sem fylgdi gullinu en hann var um einn fermetri að stærð. Að sjálfsögðu skartaði Lomman gríntönnunum sínum sem hún notar óspart við hin ýmsu tilefni þ.a.m. við verðlauna afhendingar.

Skíðaferð til Dalvíkur

Sósi, Lomma, Saga og hin krakkaófétin (ásamt kærasta ófétinu sem Stefanía er með í eftirdragi) skelltu sér á skíði til Dalvíkur síðastliðna helgi og heppnaðist ferðin svona líka sérdælis vel. Lommukvikindið sló í gegn í brekkunum í gömlum skíðasamfestingi af mömmu sinni sem hún heimtaði að taka með. Lomman neitaði síðan að fara úr helvítis pokanum alla ferðina og svaf meira að segja í honum í efri koju alla ferðina (fór meira að segja í honum í vinnuna í morgun). Ekki veit Sósi hvað henni gekk til með þessum fíflagangi en það ljómaði þó af Lommunni alla helgina og það er fyrir öllu. Sósi vonar til Guðs að hún fáist til þess að fara úr fjárans samfestingum í lok vikunnar en er þó ekkert sérstaklega vongóður.

Annþór fannst illa til reika í kústaskáp í Mosó

Samkvæmt áreiðanlegum heimildum Sósa þá hefur strokufanginn Annþór verið hnepptur á ný í varðhald, en hann fannst í felum inni í kústaskáp í híbýli í Mosfellsbæ. "Við fundum hann vafinn inn í svartan ruslapoka inni í kústaskáp skjálfandi á beinunum grey kallinn. Við þurftum að eins að dextra hann, til þess að ná honum út, strjúka honum um bakið og sona. Gáfum honum síðan flóaða mysu og kanilsnúð og þá hresstist hann til muna. Hann veitti öngvan mótþróa og var bara mjög stilltur þegar við suðum á hann kúluna að nýju" sagði Karl í Krapinu, varðstjóri á vakt í stuttu spjalli við Sósa í gegnum síma frá Dalvík.