Þetta á ekki eftir að ganga upp, Sósi hefur bara öngva trú á því!

Bingi Glæpur

Sósi hafði ætlað sér að skrifa langa grein um hið svokallaða "Rei" mál sem tröllriðið hefur allri umræðu á landinu síðustu daga, en hefur nú tekið þá ákvörðun að gjöra það ekki. Ákvörðunin er tekin út frá miklum þrýstingi nokkurra auðmanna sem gætu orðið fyrir töluverðum búsifjum ef Sósi léti gamminn geysa á einum virtasta og víðlesnasta fréttamiðli á norðurhverli jarðar, Sósabloggi. Sósi settist því að samningaborði auðmanna og samdi um að auðmennirnir myndu sjá til þess að Sósablogg skyldi aldrei líða fjárskort og að þeir myndu fjármagna útgáfu þessa netmiðils til næstu 20 ára og væri sá samningur óuppsegjanlegur af beggja hálfu til 50 ára, að því tilskyldu að kjarasamningar héldust óbreyttir til næstu 15 ára og að vísitalan myndi ekki hækka en sem nemur hálfum launum kennara til 5 ára. Ekki stóð þó stafkrókur í þessum samning um að Sósi mætti ekki skella fram eins og einni mynd sem tengdist málinu.

Hrömsuðu í sig heila árshátíð!

Guðmundur Benónýsson (Gvendur bolla) og Ásthildur Geirharðsdóttir (Ása tröll) mættu á árshátið tannlæknafélagsins í Iðubergi eins og þau hafa gert síðastliðinn 15 ár eins og siðlausum tannlæknum sæmir. Þau voru víst í góðum fíling allt þar til borðhald hófst en þá umturnuðust þau og gúffuðu í sig alla árshátíðina, matinn, diskana, servíetturnar, gólfteppið, skemmtikraftana, kokkinn og gluggatjöldin. Er þau höfðu lokið sér af, stóð ekki steinn yfir beini og höfðu þau meira að segja reynt að naga borðlappirnar af veisluborðinu sem voru úr galvaniseraðu steypustyrktarjárni, en varð sem betur fer ekki kápan úr því stálinu. Ása át meira að segja kjólinn sinn og hluta af jakka Guðmundar svo stór sá á honum. Þau voru að lokum selflutt út úr hátíðarsalnum á lyfturum og látin sofa úr sér í vöruskemmu Eimskips við Sævarhöfða. Ása og Gvendur vildu ekkert láta hafa eftir sér um átið er leitað var eftir því, en vildu koma því til skila til samstarfsfólks síns að þau hörmuðu átið og að þau myndu skila öllu því dóti sem þau átu ófrjálsum munni til réttra aðila er hlutirnir myndu skila sér á næstu dögum.

Palli Vals dekrar við sjálfan sig!


Þessi mynd náðist af þeim gamla er hann var að prufukeyra Massi Ferguson sláttuvélina sem hann keypti fyrir slikk hjá Valda koppasala í sumar. "Var á leiðinni út á land þegar ég sá hana standa þarna fallega rauða fyrir utan bílskúrinn hjá Valda. Ég tók því hús á kauða og spurði hann hvað hann vildi fá fyrir hana. Ég borgaði honum 30 silfraða koppa af Nizzan Micra sem ég hef verið að vandræðast með í bílskúrnum og málið var dautt" sagði Palli er Sósi grennslaðist fyrir um uppruna vélarinnar. Af myndinni má síðan sjá að Palli hefur ekki slegið slöku við í ræktinni nema síður sé og síðan hefur hann fjárfest í þessu líka flotta pungsarabindi eins og honum hefur lengi langað í. Það er því greinilegt að kallinn hefur dekrað við sjálfan sig langt um efni fram og hefur Sósi af því nokkrar áhyggjur.

Skyldi Heilinn vita af þessu?

Allt að gerast í sveitinni

Jón Jónsson fræðimaður og bóndi sendi Sósa þessa mynd af sjálfum sér þar sem hann sést gera sér glaðan dag með nokkrum sauðum úr sveitinni. Sósa lék forvitni á að vita hvernig gengi með sauðfjársetrið í Sævangi sem Jón hefur forstöðu með og sló því á þráðinn til Jóns. Sem endranær stóð ekki á svari hjá sauðnum er hann á endanum hafði sig að símtækinu, "Ég veit nú ekki hvers vegna í andskotanum ég ætti að upplýsa þig um það þéttbýlispúkinn þinn, en ef þú endilega villt vita það þá gengur það bara mjög vel. Við erum búnir að vera með hrútaþukl og spunakeppni sem fékk nafnið "ull í fat" í sumar, og síðan var haldið þuklaraball og bara ýmislegt." sagði Jón greinilega eldhress eftir öll sauðahoppinn undanfarna daga. Sósi skilar með þessari færslu kærri kveðju í sveitina og aldrei að vita nema hann láti sjá sig á þeim slóðum fyrir næstu aldamót.

Vilhjálmur borgarstjóri lyftir sér upp

Fréttaritari Sósa í Lundúnum sendi þessa mynd á fréttastofuna í morgun. Ef vel er að gáð, þá sést grilla í Villa borgarstjóra uppáklæddan sem einhverskonar aftaníossa úr framtíðinni. Er Villi var inntur eftir því hvurs vegna hann væri staddur í Lundúnum í þessu outfitti en ekki á borgarstjórnarfundi í Reykjavík. Þá svaraði hann því til að hann hefði tekið þá ákvörðun að lyfta sér aðeins upp eftir allt sem á undan hefur gengið síðustu daga og misery. Er hann var spurður að því hvort hann héldi ekki að eftir því yrði tekið að hann sæti ekki fundinn, þá svaraði hann "I dont give a flying fuck" og lét sig hverfa út í náttmyrkrið ásamt fríðu föruneyti dverga og forynja sem hann virtist vera í slagtogi með.

Villi, hvar er forgangsröðin hjá þér maður?

Dvergarnir Halli og Þorgeir Ástvalds gera út um gamalt veðmál

Sósa barst það til eyrna á dögunum að Þorgeir Ástvalds og Halli í tvíeykinu Halli & Laddi hefðu gert með sér veðmál fyrir um 20 árum síðan, sem fólst í því að Halli skoraði á Ástvald í körfu og sagðist leggja þúsara undir. Einhverja hluta vegna varð aldrei neitt úr einvíginu á þeim tíma, en þegar Þorgeir hitti Halla á förnum vegi um daginn þá ítrekaði Halli áskorunina sem Þorgeir tók með því að svara honum "Látum á það reyna strumpur". Einvígið var síðan háð síðastliðinn mánudag fyrir aftan höfuðstöðvar Íslenskrar Erfðagreiningar, og að sjálfsögðu var Sósi með mann á staðnum.

Það er skemst frá því að segja að Þorgeir Ástvalds tók Halla strump í kennslustund og tróð ítrekað yfir hann í leiknum. Leikar enduðu þannig að Þorgeir skoraði 20 körfur á móti 5 körfum Halla. "Þetta kom mér ekki á óvart, enda maðurinn algjör strumpur" sagði Þorgeir að leik loknum á meðan hann týndi malbiksklepra úr hárinu á sér sem hann hefur ekki haft fyrir því að skerða í áraraðir. "Þetta var algjört svindl, ég sá hreinlega aldrei neitt í leiknum fyrir faxinu á dvergnum og hitti því ekki sem skyldi" sagði Halli niðurlútur og sagðist vilja endurtaka leikinn að ári. Sósi lagði það því til við dvergana að þetta yrði árlegur viðburður sem hægt væri að gera að hinni mestu skemmtun sem fólk myndi borga sig inn á til að sjá. Leikurinn verður því að sama tíma að ári á sama velli og liðin skipuð sömu dvergum og áður.

Lommann byrjuð í ræktinni (staðfest frétt)!

Sósa voru nú rétt í þessu að berast þær fréttir til eyrna að Lommukvikindið væri byrjuð í ræktinni. Því fylgdi einnig sögunni að sá "Aldni" væri einnig að hugsa sér til hreyfings og mætti gera ráð fyrir að hann myndi jafnvel sjást taka sporið á Sissí machine á allra næstu dögum. Þeim sem langar að bera Lommuna augum í ræktinni er bent á að mæta niður í Laugar í hádeginu alla virka daga, hún er víst að verða hrikaleg.

Oliver með nýstárlegt matarboð

Olivier sendi Sósa þess mynd í síðustu viku með þeim skilaboðum að Sósa, Lommu og niðjum þeirra væri boðið til veislu aðra helgi. Honum hefði nefnilega áskotnast bjarndýr (guð má vita hvernig) sem hann ætlar sér að grilla ofan í mannskapinn. "Þetta verður helvíti fínt, ég ætla að grilla hann í heilu og bera hann fram léttgrillaðan (raw) með dass af kartöflustöppu og skvettu af hrútaberjasósu, þessu verður síðan skolað niður með Kláravíni sem mér áskotnaðist á ferð minni um Ísland árið 2003" sagði Olli við Sósa er hann hringdi í hann til að þyggja boðið.

Sósi er nú alvarlega að velta því fyrir sér að þykjast vera veikur.

Tívolídýfa

Þessi mynd náðist af Gurrý í Króatíu þegar hún tók sitt víðfræga stökk "tívolídýfuna" í sundlaugargarðinum fyrir framan hótelið sem hún og Bergurinn gistu á. Gurrý gerði einmitt garðinn frægann með þessu sama stökki í sundlauginni í Hveragerði árið 1982. "Ég datt bara allt í einu í megagír og ákvað að taka þetta stökk sem ég hef reyndar ekki gert í mörg ár. Það lá bara svo asskoti vel á mér" sagði Gurrý við Sósa í stuttu símaviðtali fyrir skömmu. Stökkið vakti einkum lukku fyrir það hvursu fótaburður dívunar var ankannalegur, en hún bretti einhvern vegin upp á iljarnar á einhvern óskiljanlegan og ómögulegan hátt. Stökkið var einnig alltaf tekið með armkútum ef illa skyldi fara í lendingunni. Svenni vildi ekkert láta hafa eftir sér er falast var eftir viðbrögðum, enda grútþunnur í bleyju úti á svölum.

Megafyllerí í Króatíu

Sveinberg Gíslason vinur Sósa skellti sér til Króatíu fyrir rúmri viku síðan en er blessunarlega komin til baka heill á húfi. Svenni sendi Sósa þessa mynd af sér sem spúsa hans Guðríður Indriðadóttir tók af honum er hann kom heim af djamminu eitt kvöldið. Sósa lék forvitni á að vita hvernig í fjáranum þetta hefði komið til og setti sig því í samband við kallinn. "Djísús Sósi, þetta var svo mikið fyllerí þessi helv.. ferð að ég held að ég hafi aldrei lent í öðru eins. Ég var víst svo fullur og ruglaður þarna um kvöldið að strákarnir sáu sér ekki annað fært en að setja á mig þessar hömlur". Það tók Guddu 4 tíma að losa Berginn úr prísundinni og er síðasta teipræman fór af kom í ljós að hann var lika í bleyju.

Gurrý lét kallinn sofa út á svölum þessa nótt!

Svei þér vor forseti!

Þessi mynd náðist af Ólafi Ragnari forseta vorum í Öskjuhlíðinni nú um helgina, þar sem hann sést á harða hlaupum undan Dorritt sem sést ekki á myndinni.

Ekki fylgir sögunni hvað í ósköpunum þau skötuhjú voru að athafast þarna í skógarþykkninu.

Óskar Hafliði borin út úr partýi í Þingholtunum

Aldin vinur Sósa, Óskar Margmiðlun Ragnarsson var samkvæmt fréttaritara Sósi.is í Þingholtunum vísað á dyr úr partýi sem hann hafði gert sér gestkvæmt um helgina. Er Sósi náði tali af húsráðendum í morgun höfðu þau þetta um málið að segja. "Það var allt með kyrrum kjörum hér þegar þessi maður birtist allt í einu hér seint um kvöld. Honum var meinaður aðgangur en hann hlustaði ekki á neitt. Hann sagðist vera með ólæknandi sjúkdóm og að hann þarfnaðist hlýju og Sjenever í kók. Við hleyptum honum því inn og gáfum honum eitt glas af Sjenna sem við hefðum náttúrulega ekki átt að gera því þá varð fjandinn laus. Hann reif sig úr öllum fötunum og tók jú djitsú stökk út um alla íbúð eins og skrattinn væri á hælunum á honum. Við svo búið var ekki annað hægt en að kalla eftir aðstoð lögreglu til að fjarlægja manninn" sagði þessi skelkaður íbúi í Þingholtunum greynilega með mikið niður um sig.

Olivier kosinn hallærislegasti Hipp Hopparinn í Frakklandi

Olivier Collaud mágur Sósa hefur upp á síðkastið verið að hasla sér völl sem Hipp Hopp skoppari í Frakklandi en ekki ennþá haft erindi sem erfiði (enda kannski ekki við því að búast). Hann mætti engu að síður á árlega verðlaunahátíð Hipp Skoppara svona just for the fun of it og gekk út af hátíðinni með verðlaun í farteskinu sem komu honum í opna skjöldu. "Ég átti nú ekki von þessu" sagði Olivier er við slógum á þráðinn til hans augljóslega gáttaður á þessari upphafningu. "

Þeir sem vilja senda Oivier heillaóskaskeyti geta sent honum línu á póstfangið olivier.collaud@blingbadabing.fr

Talandi um miðbæjarvandann!

Hvað er eiginlega að gerast þarna austurfrá?

Aldraður öryrki með stæla í miðbænum.

Sósi gekk framm á þennan partýstuðskall á rölti sínu í miðborginni fyrir nokkrum dögum. Sósa lék forvitni á að vita af hverju hann væri í svona miklu partýstuði og

hreitti því í hann eins og einni spurningu, "Hvað er aldraður öryrki eins og þú að gera í partýstuði niður í bæ um hábjartan dag?". Aldraði hjólastóls partýstuðs öryrkin svaraði þá þessu til "Nei djók" hisjaði upp um sig buxurnar og labbaði í burtu. Hann var þá bara að djóka helv.. kallinn.

Oktoberfest rétt handan við hornið!

Sósi minnir alla Íslendinga sem og útlendinga á októberfest sem haldið verður uppá með poppi og lax næstkomandi október.

Myndin til hliðar var tekin á októberfest heima hjá Sósa síðastliðinn október sem var fyrir rétt rúmu ári síðan. Á henni sést Lommuvitleysingurinn jafnhatta 8 krúsum af Kneifaröli handa Sósa sínum og fer létt með.

Lengi lifi Lomman, októberfest og Kneifaröl, hipp hipp sjúrei og sjúddirarirey!

Hreindýr í Kaupmannahöfn

Sósa var rétt í þessu að berast þessi mynd frá Frikka Winesnitchel frá Kóngsins Köbenhavn. Samkvæmt hr. Winesnitchel þá málaðu Lommukvikindið ásamt fríðu föruneyti "Sex and the City" systra og Brynju hans Gunna, bæin rauðan með allskyns uppákomum sem Sósa hefur greinilega ekki borist til eyrna fyrr en nú. Þær mættu víst í eitt flottasta partý bæjarins uppáklæddar sem hreindýr og veinuðu á karlpeningin í gríð og erg "viljiði koma á bak" og hlógu síðan alveg svakalega svo undirtók í fjöllunum. Ekki fer sögum af því hvort að einhver fór á bak, en við látum það nú liggja á milli fóta.

Loðmfjarðarsystur fá sér nýtt á rúmin

Litla- og stóra Lomma fóru ásamt Siggu vinkonu litlu Lommu í smá verslunarleiðangur um liðna helgi sem er svo sem ekki í smákökur færandi. Þær höfðu hug á að kaupa sér "nýtt á rúmin" eins og þessar kellingar segja oft þegar tími er komin til að skipta um rúmföt. Sigga greyið var kviðslitinn að þessu sinni og þurfti því að sinna erindum sínum úr hjólastól sem þær systur skiptust á að ýta fram og tilbaka um Smáralindina. Þessi mynd var tekin af þeim er þær voru á leiðinni heim úr verslunarleiðangrinum með "nýtt á rúmin" í poka, en athygli vekur að þær stöllur hafa dregið þá ályktun að það væri meiri vigt í rúmfötunum en Siggu (Siggi búin að vera á danska kúrnum), og tóku því kellingar hróið á stráhest og ýttu rúmfötunum um í hjólastólnum vegfarendum til mikillar skemmtunar.

Meira ruglið alltaf hreint í þessum kellingum!

Jarðafaradólgur!

Samkvæmt upplýsingum sem strákarnir á Sósi.is fengu nú í morgun virðist sem svo að Elías Sprelías kunningi Sósa til margra ára sé orðinn jarðafaradólgur. Samkvæmt skilgreiningu Orðabókar Háskóla Íslands þá er orðið "jarðafaradólgur", sá/sú sem er með dólgslæti og fíflagang í jarðaförum sem hann/hún á ekkert erindi í.

Þessa mynd fékk Sósi senda í morgun frá ónafngreindum aðila sem sagðist hafa verið í jarðaför þar sem þessi viðbjóðslegi maður hafi verið með alls kyns grín og uppistand öllum syrgjendum til mikillar armæðu. "Þessi maður bara birtist allt í einu út úr myrkrinu og byrjaði að góla eitthvað á sænsku og láta öllum illum látum. Hann tróð einnig nokkrum Extra tyggjóstykkjum upp í sig og þóttist vera Eiríkur Fjalar, en fórst það ekki vel úr hendi miðað við viðbrögð viðstaddra" sagði ónafngreindi maðurinn sem alls ekki vildi koma fram undir nafni af ótta við hefndaraðgerðir jarðafaradólgsins. Er Sósi sló á þráðinn til Elíasar nú í morgunsárið vildi hann endilega kannast við málið og sagði "Ég var bara að djóka"

Stefanía Ósk 17 ára í dag!

Stella Stuð er 17 ára í dag og langar okkur hér á Sósi.is að óska henni hjartanlega til hamingju með afmælið.

Sósinn komin með auglýsingasamning við Pepsi Cola

Eins og flestir vita þá hefur vefurinn Sósi.is verið styrktur af stórfyrirtækinu Coca Cola allt frá upphafi, en nú er að verða breyting á. Samkeppnisaðili Coca Cola á markaði, Pepsi Cola hefur gert Sósa.is tilboð sem aðstandendur Sósi.is geta ekki hafnað. Tilboðið felst í eingreiðslu upp á 400 milljónir og að Sósi leiki í fjórum auglýsingum sem eiga að nýtast við það að koma vörumerkinu á þann stall sem það á heima á þ.e.a.s í fyrsta sæti. Sósi tekur við kyndlinum af Britney Spears sem er víst sköllótt og í ruglinu þessa dagana. Þessi mynd var tekin af Sósa er hann hvíldi lúin bein við tökur á fyrstu auglýsingunni en þar leikur Sósi rauðhært týgrisdýr sem er alið upp á Pepsi Cola. Reiknað er með því að auglýsingin komi til birtingar í lok árs.

Drykkjuhrútadagatal

Sósi hefur einstaklega gaman af myndum af drykkjuhrútum frá Rússlandi (enda mikill drykkjuhrútur sjálfur), og hefur því tekið saman í dagatal mestu drykkjuhrúta Rússalands. Fyrsta myndin byrjar því á:

Herra janúar

(Þeir eru nú alveg yndislegir þessar elskur)

Herra febrúar

Herra mars

Herra apríl

Herra maí

Herra júní

Herra júlí

Herra ágúst

Herra september

Herra október

Herra nóvember

Herra desember

Hvur fjárinn vor forseti!

Þessari mynd náði Sósi af forseta vorum Ólafi Barnana Bestur Grímsyni á frönsku rivierunni í sumar. Á myndinni sést Ólafur í mestu makindum gæla við þjóhnappa frú Dorritar Múgsefjar sem lætur sér vel líka atganginn. Óli var með einn kaldann á kanntinum og spjallaði í gemsann á meðan á herlegheitunum stóð. Sósa brá nú svolítið í brún er hann varð vitni að þessu sjokkerandi atviki en kastaði þó engu að síður kveðju á kallinn og spurði hvort hann hefði nokkuð gleymt því að hann væri forseti. "Nei því hef ég sko ekki gleymt Sósi sæll, ég er hér í fríi frá opinberum störfum og strýk þá þjóhnappa sem ég kýs" svaraði Grísapabbi glaðlega svo skein í hvítan tanngarðinn. "Nú ét ég þvenginn af kellingunni á meðan hún sér ekki til og síðan kem ég og ét þig upp til agna" öskraði síðan vor forseti á Sósa með tryllingsglampa í augum, greinilega viti sínu fjær af ölæði.

Catherine Zeta Jones?

Sósi rakst á þessa mynd á netinu um daginn, kallinn andaðist næstum því úr hlátri. Katarína Z Jóns my ass!

SEX-IDOL

Sósa var rétt í þessu að berast þessi sjóðheita mynd af Dabba Magg þar sem hann beið eftir því að komast að í prufur á nýjum raunveruleikaþætti sem sýndur verður á Stöð2 í vetur og ber nafnið SEX-IDOL. Samkvæmt þessari mynd þá á Dabbi alla möguleika á að verða fyrir valinu enda með línurnar í lagi. Davíð vildi ekki tjá sig um málið er Sósi fór þess á leit við hann en benti þess í stað á fjölmiðlafulltrúa sinn Sprelías Illugason. Er Sósi náði tali af Sprelíasi hafði hann þetta um málið að segja " Dabbi er náttúrulega eitthvað lasinn eins og marg oft hefur komið fram, ég hef ekkert annað um málið að segja" sagði Sprellinn og dæsti í símtólið.

Ægir Sigurgeirs búin að missa það!

Sósi á lagðist á hnúanna um daginn til þess að komast að því hvar hans aldni vinur Ægir væri niðurkominn. Síðast er spurðist til Ægis þá var hann við kennslustörf í Víðistaðaskóla í Hafnarfirði. Það lá því beinast við að hefja leitina á heimasíðu skólans víðó.is. Þar komst Sósi að þvi að melurinn er þar ennþá við störf, en eitthvað hefur nú skolast til í höfðinnu á kallinum miðað við myndina sem kemur upp af honum á heimasíðunni. Eins og sést á myndinni hér til hliðar þá sýnir myndin Ægir á kennarastofunni þar sem hann situr við prjónaskap í Gene Simmons galla málaður í framan eins og gamla goðið. Sósi veit hreinlega ekki hvað hann á að segja annað en "Ægir, taktu þig saman í andlitinu og hættu þessum fjandans prjónaskap"

Veiðitúrar lítið breyst í aldanna rás

Þessa mynd sendi Svenni málari Sósa á dögunum með þeim skilaboðum að hún mætti með öngvu móti komi fyrir augu annarra en Sósa. Sósi hefur nú aldrei staðist mátið enda yfirleitt mátaður sjálfur eftir þrjá leiki og því tók hann þá ákvörðun að posta þessu helvíti á netið. Myndin sýnir ættföðurinn Sveinberg Árelíusson langa- langa afa Svenni í gæsaveiðitúr fyri lifandis löngu. Ekki nóg með það að kallinn skuli vera blindfullur, heldur er hann með tippalinginn úti á myndinni. Þessir veiðitúrar hafa greinilega ekkert breyst í gegnum tíðina!

Davíð og Guðný sendu Sósa þessa mynd í vikunni með eftirfarandi texta:

Sæl öllsömul, höfum það gott í sólinni í Portúgal, erum búin að gera margt og mikið og Davíð búin að fara nokkrum sinnum yfir strikið. Höfum ekki verið nógu dugleg að bera á okkur sólarvörn og höfum því roðnað meira en flestir í ferðinni.

Sólarsamba kveðjur úr sólinni,

Davíð og Guðný

Menn eru ekki bara í ruglinu í Rússlandi!

Siggi sonur Sósa spurði um daginn upp úr þurru "Pabbi, hvað varð um Sigga Síkó?"
Sósi hrökk í kút er hann heyrði þetta nafn og fékk gæsamús um allann kroppinn, sennilega vegna sinna fyrri viðskipta við fýrinn. Er gæsamúsin var farin af Sósi og mesta geðshræðslan runnin af honum fór Sósi að leyta lófanna að Sigga Síkó á netinu. Er Sósi sló inn nafnið "Siggi Síkó" á Google þá byrtist þessi mynd undir yfirskriftinni "Hardcore smoker, Siggi Síkó in his green plastic stalion uniform in a hunting trip in Yugoslavia" Hvurn grefilinn er Siggi Síkó að þvælast í veiðiferð í Júgóslavíu hugsaði Sósi með sér er hann sá þessa svakalegu mynd. Sósi sló því á þráðinn til Sigga til þess að fá nánari útskýringar á þessu hátterni. "Nú er ég hættur í öllu rugli, fluttur til Júgóslavíu og uni þar hag mínum vel. Þessi mynd var tekin er ég fór í svokallaðan bondage gum boot veiðitúr sem er mikið stundað í bænum sem ég bý í. Þá dressa menn sig upp í flotta gúmíbúninga og fara á villihesta veiðar. Túrinn endar síðan villtu stóðlífi með villihestunum og því betra að vera vel gallaður" sagði Siggi og bað innilega að heilsa öllum heima. "Ég er ekkert á leiðinni heim" galaði síðan Siggi í tólið með sinni barnslegu síkaretturödd og skellti á.

Vó Siggi, slaka aðeins á í ruglinu!

Rússneski herinn á ferð og flugi!

Þessi mynd náðist af rússneska hernum er þeir voru að færa stríðsvélar sínar á milli bæja. Svei mér þá ef þeir eru ekki komnir hringinn í tækninýjungunum.

Meira ruglið alltaf hreint þarna í Rússaríki!

Saga slær í gegn á bongótrommunni

Þessi mynd var tekin af Sögu sætu er hún barði bongótrommu í tryllingi á leikskólanum um daginn.

Hvað er eiginlega að gerast þarna austurfrá?

Djöfulsins fyllerí alltaf hreint þarna í Rússlandi!

Elli á hjólinu!

Elli sprelli og föruneyti eru nú stödd í einhverjum fjallakofa á Spáni. Þau eru nú búin að vera full uppá hvern einasta dag í meira en viku og partýið er rétt að byrja. Þessi mynd náðist af sprellanum er hann skaust út í búð að ná í meiri veigar handa þyrstu Íslendingunum á Costa del La Blanca De Nero El Mar þar sem fylleríshúsið stendur.

Meira andskotans fylleríið á þessu liði alltaf hreint!

Sósi og Lommutetrið á ferð og flugi!
Sósi og Lomma eru búin að vera mikið á ferðinni síðustu vikurnar og enn á ný hyggjast þau skötuhjú leggjast í víking. Nú er ferðinni heitið til Courchevel í Frakklandi þar sem ætlunin er að renna sér á skíðum. Tilhlökkunin er gríðarleg enda í fyrsta skipti sem farið er til útlanda á skíði. Lomman ætlar að renna sér á tunnustöfum en Sósi ætlar sér að nýta sér nútímalegri græjur. Courchevel er á skíðasvæði er nefnist "The three valleys" og er að sögn stærsta samfellda skíðasvæði í heiminum. Jíha, djö.. hlakkar Sósa til.

Úmba úmba í London!

Sósi og Lomma skruppu í helgarferð til London um síðustu helgi ásamt Ella og Bíbí. Ætlunin var að fara fínt út að borða, drekka gin í tónik, fara á listasöfn og margt fleira, en ekki varð ferðalöngunum kápan úr því handklæðinu því ferðin varð að einu risastóru svalli vallí svo enginn fékk vönd við reyst. Svo mikið gekk á í ferðinni að farið var að örla á úmbarassasa er líða fór á ferðina. Föruneytið hitti síðan Jamaroquai á hótelbarnum og tókst með þeim góður vinskapur. Bíbí tók þessa mynd af kappanum hér til hliðar og sagði honum í leiðinni að hann væri algert gíng gang gúlli vúllí rassgat með þessa geggjuðu klippingu (hann lét henda Bíbí út).
Þetta var sem sagt alveg geggjuð gíng gang gúllí gúllí vassa ferð með smá dass af gíng gang gú og smá úmbarassasa.

Ívar Webbster í slæmum málum!

Hinn snoppufríði blökkumaður Ívar Webbster var í gær handtekinn af lögreglunni á Ísafirði og stungið í steininn vegna illrar meðferðar á tönnum sínum. "Kallinn hefur ekki hirrt í sér tennurnar svo árum skiptir" sagði hinn skeleggi lögreglumaður Hjörtu Bender er Sósi sló á þráðinn vestur í morgun. "Það er ekki hægt að láta kallinn ganga lausann og geyfla sig framan í bæjarbúa. Lyktin út úr karlinum er eins og þegar lyktin gat orðið verst er síldarbræðslan var og hét" sagði Hjörtur enn fremur og vildi lítið annað um málið segja. Þessi mynd birtist í staðarblaðinu af Webster þar sem fólk var vinsamlegast beðið um að forðast hann eins og heitan eldinn ella lenda í svaðalegri andremmu.

Meira vesenið alltaf hreint á þessum blökkusu........

37 ára afmælisveisla Otto Tynes fór böndunum!

Hinn geðþekki og skeleggi auglýsingastrákur Otto Tynes hélt upp á 37 ára afmæli sitt um helgina með poppi og snakk. Sósa var að sjálfsögðu boðið í veisluna en gat ekki látið sjá sig vegna anna í veislu hjá Jórunni Loðmfjörð Pálsdóttur (43). Samkvæmt útsendurum Sósa.is fór víst allt úr böndunum í veislunni hjá Otto og fóru menn eins og Sprelías Illugason svo svakalega á skallarassgatið að annað eins hefur ekki sést (ekki einu sinni í Rússlandi). Endaði partýið með því að Davíð Magnússona fyrrverandi gítarleikari í E-X inu fór með alla strákana til Rússlands og þar eru þeir víst enn. Þessa mynd fékk Sósi senda í morgun frá AP fréttastofunni, en á henni má sjá Sprelías ásamt yfirmanni sínum í rússneska hernum á rassgatinu á leiðinni til Síberíu (Elli þó!). Elli sendi víst sms á Birnu sína í morgun og í því stóð "Er í Russlandi Birna mín, reikna með að koma heim með vorinu" Birna er víst brjáluð!