Fyrsti massaði barnaheimspekingurinn!


Hvurn haldið þið að Sósi hafi hitt í ræktinni í vikunni? Engan nema Sigurð Björnsson barnaheimspeking með meiru. Siggi bað vel að heilsa öllum og vill koma því til skila að hann sé sprækur sem lækur. Það kom Sósa geysilega á óvart hvursu kallinn var vel á sig kominn. Helmassaður og ýkt köttaður. Siggi segir að hann hafi hafið æfingar með systur sinni Halldóru fyrir skömmu og að þau séu búin að ná alveg ótrúlegum árangri á mjög skömmum tíma. "Við ákváðum bar að taka þetta með trukki og vera ekki með neitt kellingavæl" öskraði Siggi á Sósa er hann dáðist að massanum á kallinum, greynilega búin að fá sér stera skammtinn og komin í mikinn ham. "Ég lyfti alltaf ber að ofan í boxer, því það er eitthvað svo heimspekilegt" sagði Siggi svo við Sósa þegar Sósi spurði hann hvort hann ætlaði ekki í eitthvað. Annars er það að frétta af heimspekiskóla Sigurðar, að þar eru ekkert nema heimskingjar vegna misskilnings í innritun á haustönn. "Æi ég gerði smá stafsetningarvillu þegar ég lét prenta út bæklinginn fyrir haustönnina. Skrifaði óvart heimskingjaskólinn í staðin fyrir heimspekiskólinn. Ég held að það komi varla neitt að sök, hér hafa aldrei verið annað en heimskingjar" sagði Siggi að lokum helmassaður á nærbrókinni er hann þusti argandi inn í lyftingasalinn þar sem Halldóra beið eftir honum til í tuskið, vafinn inn í risastórt handklæði.

Rakel Pálsdóttir, öðru nafni Lomma var beðin að setja saman lista yfir hvað hún borðaði í þrjá daga að beiðni stuðningsþjálfara hennar í Laugum.
Listinn sem hún lét þjálfarann hafa er eftirfarandi:

Dagur 1.

8:00 Pera
13:00 Vínber og vatnssopi
18:00 Hvítvín og smá hrökkbrauð

Dagur 2.

8:00 Hálf pera
13:00 Vatn og kotasæla
18:00 Hvítvín og slatti af því

Dagur 3.

8:00 Hvítvín
13:00 Hvítvín og kotasæla
18:00 Hvítvín og ropvatn c.a. 1/4 úr líter

Þjálfarinn öskraði úr hlátri þegar hann sá listann.

Laukur dagsins!

Lomman fallin!


Lomman er enn eina ferðina dottin í naslið. Eins og flestum ætti að vera orðið kunnugt þá hefur Rakel verið í gríðarlegu átaki síðastliðinn mánuð og aðeins borðað smá vott og minna þurrt. Slíkur lífsmáti kemur manni alltaf í koll og að lokum springur á limmunni. Lomman var sem sagt með ekkert varadekk í skoltinum og því fór sem fór. Við sendum Lommunni baráttukveðjur og vonum að hún rífi sig upp úr sollinum sem fyrst. Það lítur þó ekki vel út með það því hún étur nú heilt baðker á dag, og sér ekki fyrir endann á átinu. Kerlingarálftin slagar nú hátt í 80 kg. og stefnir í gríðarlegt óefni með niðurgangi og uppköstum alla virka daga.

Láttu ekki Maríu blekkja þig!


Að lokum er það síðan litla systir Sósa sem klæðir sig upp sem karlmaður. María tekur sig bara vel út í jakkafötum, og ég held svei mér þá að ég myndi hækka launin hjá þessari kellingu um helming ef hún væri í vinnu hjá mér.

Aðeins að slaka á í ljósunum!


Sósa varð ekki um sel þegar hann rakst á þessar tvær stöllur úti á lífinu síðastliðna helgi. "Aðeins að slaka á í ljósunum" sagði Sósi er hann gekk fram hjá og smellti mynd af viðundrinu.

Láttu ekki útlitið hrekkja þig!


Sósi sjálfur tók það að sér að láta breyta sér í konu númer tvö. Hann er nú ekki alveg jafn kvennlegur og Sprelías enda þurft að hafa mun meira fyrir hlutunum í gegnum tíðina og því orðin hrumur og sver. Sósi ætlar eins og félagi sinn að dvelja um stund í þessu gervi. Sósi kann því nefnilega vel að klæða sig upp eins og kelling og láta öllum illum stelpna látum.

Láttu ekki útlitið svekkja þig!


Næstur ríður á vaðið Elli negla oftast kallaður Sprelías. Þessi fjallmyndarlegi maður er jafnvel enn myndarlegri sem konukind. Sprelías tók þá ákvörðun strax eftir myndatökuna að vera í hlutverkinu í eina viku til þess að átta sig betur á því í hverju þessi kynjamunur lægi. Sprelías hefur aldrei gert sér grein fyrir þessum mun enda harðtrúlofaður galvaskri valkyrju úr Garðabæ, en þar kalla víst ekki kellingarnar allt ömmu sína.

Láttu ekki útlitið blekkja þig!


Flestir hafa væntanlega tekið eftir auglýsingaherferð VR í sjónvarpi og blöðum þar sem tveimur konum hefur verið breytt í karla og tveimur körlum hefur verið breytt í konur í þeim tilgangi að vekja fólk til umhugsunar um kynbyndinn launamun í landinu. VR hefur kosið að nota til þess arna, ljóta stjórnmálamenn. Við hér á Sósi.is viljum mótmæla þessu með því að vera með okkar eigin útlitsbreytingaþátt þar sem fallegir vinir Sósa koma við sögu. Fyrst til þess að ríða á vaðið er auðvitað heittelskuð frú Sósa, frú Loðmfjörð. Í kjölfarið munu síðan koma þrír aðrir fallegir vinir Sósa, ein kona til viðbótar og tveir karlar. Með þessu viljum við koma á framfæri til auglýsenda, að ekki er alltaf heillavænlegast að notast við þekkt andlit, heldur reynist það oft happadrjúgra að notast við fallegan almúgann sem vekur hvað mesta meðaumkun meðal þegnanna.

Letingi lætur vaða á lestarstöð!



Rétt í þessu var verið að krýna latasta mann Eistlands, Sósi og hans menn voru auðvitað á staðnum og fylgdust með verðlaunaafhendingunni. Fyrir valinu að þessu sinni varð Boris Hlandselskis 45 ára gamall verkamaður ættaður frá fjallahéraðinu Smalingrad í norð- austur hluta landsins. Boris vildi þakka mömmu sinni Malin Latsinski fyrir sigurinn en hún ól víst Boris upp í einskærri leti til tuttugu ára aldurs. "Mamma var alger letihaugur og gerði aldrei handtak á langri ævi. Hún kenndi mér þann ósið sem virðist hafa orðið þess valdandi að ég hampa nú þessum titli, þ.e.a.s að míga liggjandi" sagði Boris við tækifærið og fagnaði sigrihrósandi liggjandi á gólfinu í letikasti. Verðlaunin voru ekki af verri endanum, Boris má í eitt ár veiða með letingja í Svartasjó eins mikið og hann kærir sig um.

Sleifarlaginu beitt á ný í Þingholtunum!



Sá fáheyrði atburður átti sér stað í Þingholtunum í gær, að mæðgur tóku sig til og bökuðu bakkelsi handa gestum og gangandi. "Okkur datt þetta bara allt í einu í hug, veit ekki alveg hvers vegna, þetta á víst að vera voða gott" sagði Rakel Pálsdóttir sú til hægri á myndinni er hún var spurð út í þennan geðsjúka gjörning sem átti sér stað í gær. "Það hafa komið nokkrir gangandi og smakkað en engir gestir" sagði Rakel er hún var spurð hvort að einhverjir hefðu verið svo hugaðir að smakka á kræsingunum. Við á Sósi.is erum hrifnir af þessu framtaki og viljum nota tækifærið og hvetja sem flestar mæðgur að fara að dæmi þessara framtaksömu mæðgna og þrífa fram sleifarnar og nota hið alræmda sleifarlag til að galdra fram girnilegar hnallþórur handa karlpeningnum sem fer ört minnkandi vegna of mikillar neyslu á grænmeti og ávöxtum.

Lomman slær í gegn í Þýskalandi!



Lomman hefur verið fengin til þess að leika listir sínar í nýjum sjónvarpsþætti sem ber nafnið "Tele Gym". Það er rússneskur auðkýfingur sem er búsettur í Wiesbaden sem er framleiðandi sjónvarpsþáttarinns og er hann persónulega ábyrgur á því að Lomman var ráðin til þess arna. Rússinn sem heitir Aleximov Pappanselskis sá til Lommunar í London fyrir ekki alls löngu og leist svo vel á kellinguna að hann linnti ekki látum fyrr en samningum var náð. "Hún er svo löguleg essi elska" sagði Lexi er Sósi spurði hann hverju þessu sætti. Lomman hefur nú þegar farið erlendis í myndatökur og er fyrsti þátturinn væntanlegur í næsta mánuði. Aðstandendur Tele Gym eru himinlifandi með Lommuna og hafa látið hafa eftir sér að þeir séu að velta því fyrir sér að hefja framleiðslu á leikfimifatnaði sem bera muni nafn Loðmfjarðar "Telelomm".
Ekki náðist í Lommuna til þess að bera þetta undir hana, en nánir vinir hennar segja að hún sé í gymminu kvölds og morgna og þykir víst mörgum þeirra nóg um. "Hún er alltaf í leikfimi þessi pía, ég næ aldrei á hana" sagði Kristján einn af samstarfsmönnum hennar er hann var inntur eftir því hvort að hún væri ekki mikið frá vinnu vegna anna í öðrum vinnum.

Lomman tjaldar öllu í Lobbýinu á Howard!


Var víst búin að lofa Lommunni að setja þessa mynd ekki á netið. Held þó að það sé í lagi eftir að ég "þokaði" andlitin á okkur. Sem sagt Lomman dekraði við Sósa er mest hún mátti, meira að segja í lobbýinu fyrir framan allt og alla og tók ekkert aukalega fyrir það.

Allt í loft upp í brullupi í London!


Við fórum einnig í kirkju í London og þar urðum við vitni að ótrúlegum atburði. Sjálfsmorðsprengjumaður var að gifta sig sjálfsmorðssprengjukellingu og virtust þau hvorug ánægð með ráðahaginn. Það fór því svo að lokum að þau sprengdu sig saman í loft upp fyrir utan kirkjuna og virtust vinir og vandamenn hæstánægðir með þau málalok og skáluðu í kampavíni að þeim gjörningi loknum. Sósi og Lomma fylgdust með úr fjarlægð og varð ekki meint af volkinu.

Sprengja um borð!


Jæja þá eru Sósi og frú Loðmfjörð komin heim eftir vel heppnaða utanferð til Lundúnarborgar. Ef einhvern vissi það ekki, þá bauð Loðmfjörð Sósa til London í tilefni af 35 ár a afmælis Sósa, þann 23. ágúst síðastliðinn. Ferðin var að fullu greidd af Lommunni og þurfti Sósi ekki að taka upp veskið alla ferðina.

Eitt kom okkur á óvart í London! Strætisvagnabílstjórarnir eru farnir að vara fólk við ef það leynist sprengja í bílnum, með því að vera með upplýsingaflettiskylti utan á vögnunum þar sem gefið er til kynna hvort sprengja sé í vagninum eður ei. Við tókum einmitt mynd af einum slíkum vagni er hann keyrði framhjá okkur. Eini farþeginn í vagninum var sjálfsmorðssprengjumaðurinn og var honum ekki skemmt af farþegaleysinu. Yfirvöld í Lundúnum segja þetta vera skemmtilega nýjung hjá vagnsstjórunum sem þeir hafi algerlega fundið upp hjá sér sjálfum. "Það sér það hver maður í hendi sér, að það stígur enginn heilvita maður upp í vagn sem er fullur af sprengiefni. Það getur líka verið fyndið að sjá þessa hryðjuverkamenn rúntandi einir um í vagninum með engann til þess að sprengja í loft upp" sagði aðstoðarmaður borgarstjóra Hamam Hali Abizzi er við spurðum hann hver hefði fundið uppá þessu nýja verkfæri gegn hryðjuverkum í borginni, á stuttum fundi í ráðuneytinu skömmu áður en við héldum heim á leið. Annars virtist allt vera með kyrrum kjörum og hægt að gera góð kjör víða um borgina.
Sósi og Lomma fóru á indverskan stað og fengu sér að snæða í ferðinni sem er svo sem ekki í frásögur færandi, en hitt er þó færandi til bókar að Sósi fór á náðhúsið eftir matinn og skaut miklu eldvarpi svo ekki stóð steinn yfir steini þar neðra.

Bambi fluttur í Gullna Þríhyrninginn!


Nú hafa Sósi og Lomma loksins fengið sér hvutta. Ekki þurftum við skötuhjúin að borga mikið fyrir greyið vegna þess hve afspyrnu ljótur hann er. Fengum þetta kvikindi á markaði í Mosfellsbæ, einhver meðaumkum fauk í Lommuna og hún heimtaði að við tækjum hann með okkur heim. Við erum meira segja búin að skíra, hann á að heita Bambi! Hvað ætli tengdó segi núna??

Bjarki ekki eftirbátur bróður síns!


Bjarki bróðir hans gat ekki minni maður verið og skartaði svipuðum samfestingi og bróðir hans. Þeir rúluðu feitt á djamminu, en náðu sér þó ekki í tjellingu.

Arnar skartaði loðsamfesting á djamminu um helgina!

Arnar Gunnlaugsson mætti á djammmið í þessum loðsamfesting um helgina.

Jórunn eggjar og ögrar í Meló!


Jórunn Loðmfjörð Pálsdóttir hefur tekið upp fyrri hætti við kennslu í Melaskóla. "Það er gott fyrir nemendur að taka á ögrandi hlutum" sagði Jórunn er við slógum á þráðinn til hennar í dag.

Jórunn mætt til starfa jafn eggjandi og áður!


Jórunn Pálsdóttir Loðmfjörð hefur hafið störf við Melaskóla á ný samkvæmt áreiðanlegum heimildum bloggmiðilsins sósi.is. Mikil geðshræring greip um sig í skólanum er af fréttist og varð uppi fótur og fit, þó aðalega meðal karlpeningsins. Eins og flestir vita sem þekkja þessa geðþekku konu þá er hún mikill daðrari og á það til að ganga út í öfgar í þeim efnum. Þetta fór ekki framhjá karlpeningi Melaskóla er Jórunn starfaði þar síðast og gengu sögur um að hún hefði daðrað við hvern einasta karlmann í skólanum meðal annars son húsvarðarins sem gengur víst ekki heill til skógar. Heyrst hefur að sumir samkennarar Jórunnar hafi mætt með konur sínar til vinnu svo þeir fengju frið fyrir gæsinni. Sósi var mættur með vélina þegar Jórunn stýrði sinni fyrstu kennslustund í mjög svo eggjandi dressi og smellti af henni þessari mynd. Sósi varð vitni af því þegar samkennari Jórunnar kom inn í kennslustofuna og fékk lánað kennaratyggjó, að hún gjóaði sultarlega til honum augunum og sló síðan kennaraprikinu þéttingsfast í þjóhnappa hans er hann gekk út og öskraði síðan á eftir honum grrrrrrrrrrrrrrrr kjammmms ég ætla að éta þig sköndullinn þinn.
Annars er það að frétta af Jórunni að hún er flutt í siðmenninguna og hefur fjárfest í torfkofa í Garðabænum og leikur á alls oddi. Við á sósi.is óskum henni og hennar ektamanni til hamingju með kofann og vonum að þau leiki við hvurn sinn fingur í baðstofunni langt eftir aldri fram