Rétt í þessu var verið að krýna latasta mann Eistlands, Sósi og hans menn voru auðvitað á staðnum og fylgdust með verðlaunaafhendingunni. Fyrir valinu að þessu sinni varð Boris Hlandselskis 45 ára gamall verkamaður ættaður frá fjallahéraðinu Smalingrad í norð- austur hluta landsins. Boris vildi þakka mömmu sinni Malin Latsinski fyrir sigurinn en hún ól víst Boris upp í einskærri leti til tuttugu ára aldurs. "Mamma var alger letihaugur og gerði aldrei handtak á langri ævi. Hún kenndi mér þann ósið sem virðist hafa orðið þess valdandi að ég hampa nú þessum titli, þ.e.a.s að míga liggjandi" sagði Boris við tækifærið og fagnaði sigrihrósandi liggjandi á gólfinu í letikasti. Verðlaunin voru ekki af verri endanum, Boris má í eitt ár veiða með letingja í Svartasjó eins mikið og hann kærir sig um.
Engin ummæli:
Skrifa ummæli