Sósi var rétt í þessu að fá frábærar fréttir, "þú mátt fara heim í dag Sósatetur" sagði læknirinn við Sósa þegar hann vaknaði í morgun. "Slettu í þig hafragrautnum og skelltu þér í sturtu, síðan ætla ég að þukla þig aðeins og þá ert þú bara klár í slaginn" sagði doktorinn og brosti út í annað. Læknirinn sagði einnig að Sósi væri mikið hörkutól og hann teldi að það hefðu ekki margir sloppið eins vel út úr þessu slysi eins og Sósi gerði. Læknirinn telur Sósa vera ofboðslega vel byggðan og hafi því verið betur í stakk búinn en flestir aðrir að taka við slíku höggi eins og Sósi fékk í bakið á sunnudaginn. Læknirinn sagði að höggið hefði verið svo mikið að hjartað hefði gefið frá sér slatta af ensímum, en það gerir hjartað bara ef það verður fyrir einhverju meiriháttar áreiti. Þannig að Sósi má teljast heppinn að hafa sloppið með sekkinn í þetta skiptið.
Nú ætlar Sósi að fara að hafa sig til og klæða sig í kjól og hvítt enda búin að hangsa hér á Lannsanum í næstum heila viku. Verð samt að koma því á framfæri að starfsfólkið hér er sjúklega meiriháttar!
Set bráðlega inn myndir af Sósa á Lannsanum, slysinu o.fl.
Yfir og út!

Sósi er miður sín þessa stundina. Hann var að fá þær fréttir að hann fær ekki að fara heim til Lommu sinnar í kvöld heldur þarf að bíða morgundagsins og þá mun læknagegnið skera úr um hvort Sósi sé í það góðu ástandi að hann fái að fara heim. Sósi hafði hlakkað mikið til að komast upp í rúm til Lommunar og kenna henni Sósasiði sem Lomman hlýtur að vera farin að gleyma. Sósi hefur ekki sést í rekkju Lommunar í næstum viku og fer það að nálgast met ef vel er að gáð. En það þýðir ekkert að grýta Björn bónda, það er jú bóndadagurinn á morgun og þá verður stjanað við minn mann á alla kanta. Stórslasaður bóndi á bóndadegi hlýtur að fá afar sérstaka yfirhalningu af hálfu spúsu sinnar, það var Sósa allavega sagt í gamla daga.

Annars er það að frétta af bata Sósa að í gær var tekin út úr bringunni á honum 12 cm löng slanga sem þjónaði þeim tilgangi að sjúga í burtu allt vatn og blóð sem kom frá lungna. Lungað virðist hafa jafnað sig nokkuð vel og það lítur allt mjög vel út. Hjartað í Sósa gaf frá sér slatta af ensímum þegar hann fékk högg á bakið en það gerist víst oft eft hjartað hreyfist eitthvað örlítið. Engar skemmdir hafa fundist á innri líffærum og þar virðist allt vera í gúddí. Hjúkrunarfræðingurinn er þegar búin að minnka mænudeyfinguna úr 6 ml niður í 2 og því hafa verkirnir vegna rifbeinanna aukist til muna. Áætlunin er sú að mænudeyfingin verði tekin í dag og þá á Sósi bara að bryðja töflur út í eitt. Sósi er að vona ef hann bítur fast á jaxlinn og verður ekki með neitt kerlingarvæl að hann fái að fara heim í dag, ef ekki í dag þá á morgun enda verður maður ekki á spítala á bóndadaginn ónei. Fólk hefur verið duglegt að heimsækja Sósa (þó ekki allir) og hafa sumir komið hér dag eftir dag og kann ég þeim miklar þakkir fyrir. Það er ekki skemmtilegt að kúldrast á spítala daginn út og daginn inn, maturinn frekar vondur og svo er ég á hjarta og lungnaskurðdeild og því ekki mikið um partý eða annan gleðskap. En Sósi stefnir á góðan bata á mettíma, ætlar sér að verða komin í ræktina í næstu viku (allavega í pottinn) og aldrei að vita nema ég láti sjá mig í vinnunni.

Ný hefur Sósi legið á milli heims og helju á Lannsanum síðan á sunnudaginn og fer líðanin hríðversnandi. Er Sósi ætlaði að bjóða til blaðamannafundar í gær til þess að skýra út fyrir almenningi í hversu djúpan skít Sósi væri komin í tók einhver kall sig til á stofunni við hliðina á Sósa og blés einnig til blaðamannfundar og meira að segja á undan Sósa. Sósi varð við þetta öskuillur og spurði mannfjandann hvurju sætti þá svaraði hann því til að hann væri pólipíkus og þeir væru svo ofboðslega vinsælir að fólk hreinlega þyrfti nauðsynlega að fá fréttir af þeim á 10 mín fresti, sérstaklega ef eitthvað kæmi fyrir þá. Sósi hrópaði á þetta græna flak sem lá þarna í rúminu og spurði hann hvort hann vissi ekki hver Sósi væri. Hann þóttist nú kannast við nafnið en aldrei lesið neitt eftir þann ágæta höfund. Er Sósi var að horfa á fréttir í gærkveldi þá var klukkutímaþáttur um þennan græna kall sem lenti í bílslysi en öngvar fréttir af óförum hins mikla Sósa. Sósi bara hreinlega skilur ekkert í því að enginn hafi mætt á blaðamanafundinn og er hálf sár yfir því auk þess að vera allstaðar aumur sniff, snökt. Myndin hér að ofan var tekin við það tækifæri er ég og Steingrímur rifusmst um hvor ætti að hafa blaðamannafund að undan.

Sósi lenti heldur betur í því síðastliðna helgi. Kallinn skellti sér í sinn fyrsta vélsleðatúr sem endaði með ósköpum eins og ferðir Sósa vilja svo oft gera. Sósi keyrði á barð á sleðanum og hentist eina 23 metra (sem er víst nýtt met). Upp úr þessu hafði Sósi 6 brotin rifbein og samfallið lunga auk annarra smærri áverka sem ekki tekur nokkur tali að nefna. Þannig að nú liggur aumingja Sósi á Lannsanum og getur sig hvergi hreyft og æmtir og skræmtir við minnstu hreyfingu. Sósi er þakklátur öllum þeim sem lagt hafa leið sína til þess að heimsækja goðið og þeir hafa verið ófáir. Hér hefur verið mikið glens og gaman og alls ekkert leiðinlegt að liggja hér á lansanaum, enda fádæma gott starfsfólk hér að sinna Sósa.
Nú er mér orðið svo illt í bakinu að mér finnst mál að linni, kem með nánari upplýsingar af slysförum mínum seinna auk mynda af þyrlunni með Sósa inn í og ýmislegt annað.

Ekki fyrir alls löngu flutti ungur drengur að nafni Davíð Magnússon til útlanda ásamt börnum og buru. Ekkert hefur spurst til þessa unga pilts í all langan tíma og voru menn farnir að hafa af því áhyggju að hann gengi ekki lengur beinn þegar það snjóar. En nú hefur Sósi ásamt hinni alræmdu blaðamannasveit sinni komist á snoðir um afdrif Dabba. Davíð virðist samkvæmt nýjustu upplýsingum hafa komið sér vel fyrir í Kanada og líkar vistin þar vel. Hann er meira að segja komin með sitt eigið herbergi þar sem hann getur dundað sér fjarri skarkala heimilisins og sinnt öllum sínum tómstundum óáreittur. "Hann innréttaði þetta alveg sjálfur" sagði Gudda eiginkona Dabba er hún var innt eftir smekklega stílfærðu herberginu.

Sósa var rétt í þessu að berast það til eyrna að framkvæmdastjóri Öryrkjabandalagsins Arnþór Helgason hafi verið rekinn vegna þess að hann hafi í óþökk stjórnar félagsins ráðist í umfangsmikla framleiðslu á fjórhjóladrifnum fjallahjólastólum sem kostuðu 5 milljónir stykkið í framleiðslu. "Hevvítið hann Addi er búin að jósa öllum aurunum sem voru til í bandalaginu í eitthvað algjört húmbúkk og talar ekki við pung né rest" sagði Sigurður Másandi formaður bandalagsins við Sósa er hann sló á þráðinn á honum í morgunsárið.

Nú hefur Sósi legið í sukki og svínaríi yfir jól og áramót og ekkert látið frá sér heyra. Sósi er því komin með gríðarlega feitt samviskubit yfir þessari löngu þögn og hefur því ákveðið að koma sér í gírinn á ný. Margt dreif á daga Sósa yfir hátíðarnar og mun það verða tíundað á næstu dögum. Eitt af því sem Sósi bjástraði við yfir hátíðarnar var að setja í framleiðslu nærfatnað sem lengi hefur staðið til að setja í framleiðslu. Þeir sem hafa áhuga á að eignast slíka flík eru beðnir um að setja sig í samband við Sibbu Sím í Síma 5553145 en hún hefur veg og vanda af framleiðslunni.

Kalli og Elsa komin á klakann!

Ef það skyldi hafa farið framhjá einhverjum þá er því hér með komið á framfæri að Elsa og Kalli eru flutt heim til Íslands eftir langvarandi útlegð í landi gnógta og allsnægta henni Ameríku. Þau hafa lítið breyst og hafa haldið í þær útlínur sem þau tóku með sér vestur hér um árið og þykir það talsvert afrek ef tekið er mark á þeim sem til þekkja. Elsa er enn við sama heygarshornið og teymir Kalla áfram á asnaeyrunum sem aldrei fyrr. Til þeirra hjónakorna sást niður við tjörnina í Reykjavík í gær þar sem Elsa teymdi Kalla áfram á neðanbeltiskonfektinu einu saman og virtist á svipnum á Kalla að dæma að honum væri ekki skemmt. Er Sósi náði tali af Kalla í síma skömmu síðar hafði hann þetta um málið að segja. "Hún er náttúrulega rug
luð hún Elsa, hún vildi láta með eftirminnilegum hætti íslenskan lýð vita að hún væri komin til byggða og það kom engin önnur leið til greina en að gera það á rottunni, og kemur það fáum á óvart er til hennar þekkja. Við hér á Sósi.is bjóðum Elsu og Kalla velkomin á klakann og óskum þeim alls hins besta.

Lomman fær að finna fyrir afli Sósa!

Lomman var eitthvað að derra sig í gærkveldi og segja Sósa fyrir verkum. Sósi lét sem hann heyrði það ekki, þreif í kellinguna, teipaði hana fasta, og sagði henni að hafa sig hæga eða hafa verra af. Sósi teipaði að því loknu kelinguna uppá vegg, börnunum á heimilinu til mikillar skemmtunar. Börnin dunduðu sér síðan það sem eftir lifði kvölds við það að hía á hana og henda í hana drasli. Kellingin verður líklega tekin niður á morgun ef bara ef hún verður þæg.

Jón Brokkolí Jónsson sigurvegari í árlegri Brokkolíkeppni strandamanna!
Sveitungar Jóns segja að það sé maðkur í mysunni!

Sósa voru rétt í þessu að berast úrslit úr árlegri BROKKOLÍ keppni strandamanna. Að þessu sinni var það Jón Brokkolí Jónsson, Brokkolí bóndi frá Brekku í Brokkolídal sem bar sigur úr býtum, en Brokkolíið hans vó 400 kg. Samsveitungar hans hafa nú þegar sent inn kæru og sakað Jón um svik. Þeir Saka Jón um að hafa fóðrað Brokkolíið á álfahlandi, en slíkt er stranglega bannað þar í sveit. Ekki náðist í Jón vegna þessa máls en heimasætan hafði þetta um málið að segja. "Ef ég er álfur þá getur þú verið það sjálfur" og svo skellti hún á Sósa med det samme.

Ný útgáfa af WORD er komin út. Hægt að skrifa stafi og allskonar skít mar!

Út er komin ný útgáfa af Word sem unnin var í samvinnu við alla frægustu rappara heimsins. Word man!

Hnignandi veldi tippsins mótmælt í miðbæ Reykjavíkur!
Enginn virðin borin lengur fyrir tillanum!

Eftir að hafa enn og aftur þurft að lúta í grasið fyrir bakkusi á föstudaginn, þá skellti Sprellinn sér á tillanum í bæinn á sunnudaginn ásamt fullt af öðrum vitleysingjum sem vildu með þessu uppátæki vekja athygli á hnignandi veldi tillanns í íslensku þjófélagi. "Það ber enginn lengur neina virðingu fyrir tillanum" sagði einn viðstaddra er hann var spurður út í þessa bölvuðu vitleysu. Fólkinu var að lokum smalað upp í lögreglubíla og gistir nú í húsakynnum hennar uppá brauð og vatn.

Elías málaði bæinn rauðan um helgina!

Elías Sprelías hringdi í Sósa síðastliðinn föstudag og vildi fá Sósa til þess að drekka með sér nokkra svellkalda eftir vinnu. Aldrei slíku vant þá var Sósi vant við látin og gaf ekki kost á sér að þessu sinni. Það var líka eins gott því Sprellinn fór alveg á skallann eins og hann átti til hér í gamla daga og endaði hálfrænulaus á bekk niður í Austurstræti með nokkrum ræsisrottum. Grey kallinn er ennþá að jafna sig heima í rúmi og sér ekki fyrir endann á líðan hans. Við sendum Ella baráttukveðjur og ætlum að bjóða honum uppá einn gráan næsta föstudag.

Vinstri grænir notast við gamalt sauðaket!

Vinstri grænir eru ennþá við sama heygarðshornið og tefla fram gamalli fyrirstætu vafna í sauðamáltíð eins og sveitamanna er siður.

Frjálslyndiflokkurinn vill fá fleiri konur í flokkinn!

Frjálslyndiflokkurinn teflir fram einu konunni sem nokkurn tímann hefur verið í flokknum.

Framsókn veðjar á unga fólkið!

Framsókn skartar á sínum poster ungri dívu sem klifið hefur metorðastigann innan flokksins með ógnarhraða.

Mæja Melóna!

Samfylkingin skartar Mæju Melónu á sínum poster.

Nýjar aðferðir brúkaðar í kosningabaráttu í síharðnandi kvennabaráttu!

Senn líður að kosningum og Sósi og hans menn hafa þegar sett sig í stellingar. Sósamenn hafa tekið sér það byssuleyfi að setja saman veggspjöld sem nýst gætu flokkunum í þeirri harðri kosningabaráttu sem framundan er. Sósi vildi gjarnan fá komment á veggspjöldin og væri skemmtilegt ef fólk myndi velja versta og besta. Fyrsta veggspjaldið sem við birtum hér er frá Sjálfstæðisflokknum. Flokkurinn skartar á því nýkjörnum varaformanni og kvennskörungi til margra ára.

Mótmælir tilveru tölvunnar!

Jórunn Pálsdóttir Loðmfjörð hefur nú setið í þrjá daga samfleytt fyrir framan stjórnarráð Íslands og mótmælt tilveru tölvunnar. Einhverra hluta vegna kýs hún að mótmæla á ensku og sagði við blaðamenn að hún vildi ná eyrum sem flestra. Þegar hún var spurð út í mótmælin þá hafði hún þetta að segja. "Mér finnst bara vera komið nóg. Helvítis tölvurnar eru að taka yfir og mér líst bara hreinlega ekkert á blikuna. T.d. þá er hann Jói minn algerlega hættur að horfa á mig girndaraugum eins og hann gerði áður en hann keypti þennan andsk. lapptopp. Hann er alltaf í tölvunni og sinnir ekki skyldum sínum á neinn hátt. Hann var maður á uppleið ekki alls fyrir löngu, en nú er hann þræll tölvunnar". Jórunn ætlar sér að halda mótmælunum til streytu þar til Jói skilur við lapptoppinn. Ekki náðist í Jóa vegna málsins, enda upptekinn í tölvunni.