Mæja Melóna!

Samfylkingin skartar Mæju Melónu á sínum poster.

Nýjar aðferðir brúkaðar í kosningabaráttu í síharðnandi kvennabaráttu!

Senn líður að kosningum og Sósi og hans menn hafa þegar sett sig í stellingar. Sósamenn hafa tekið sér það byssuleyfi að setja saman veggspjöld sem nýst gætu flokkunum í þeirri harðri kosningabaráttu sem framundan er. Sósi vildi gjarnan fá komment á veggspjöldin og væri skemmtilegt ef fólk myndi velja versta og besta. Fyrsta veggspjaldið sem við birtum hér er frá Sjálfstæðisflokknum. Flokkurinn skartar á því nýkjörnum varaformanni og kvennskörungi til margra ára.

Mótmælir tilveru tölvunnar!

Jórunn Pálsdóttir Loðmfjörð hefur nú setið í þrjá daga samfleytt fyrir framan stjórnarráð Íslands og mótmælt tilveru tölvunnar. Einhverra hluta vegna kýs hún að mótmæla á ensku og sagði við blaðamenn að hún vildi ná eyrum sem flestra. Þegar hún var spurð út í mótmælin þá hafði hún þetta að segja. "Mér finnst bara vera komið nóg. Helvítis tölvurnar eru að taka yfir og mér líst bara hreinlega ekkert á blikuna. T.d. þá er hann Jói minn algerlega hættur að horfa á mig girndaraugum eins og hann gerði áður en hann keypti þennan andsk. lapptopp. Hann er alltaf í tölvunni og sinnir ekki skyldum sínum á neinn hátt. Hann var maður á uppleið ekki alls fyrir löngu, en nú er hann þræll tölvunnar". Jórunn ætlar sér að halda mótmælunum til streytu þar til Jói skilur við lapptoppinn. Ekki náðist í Jóa vegna málsins, enda upptekinn í tölvunni.

Elías keypti sér nýja sköfu!

Sá fáheyrði atburður átti sér stað samkvæmt heimildarmanni Sósa.is að Elías Illugason endurskoðandi, keypti sér sköfu á bensínstöð Esso við Fellsmúla. Elías sagði við blaðamenn er þustu á staðinn að þetta hefði lengi staðið til en nú hefði hann látið slag standa, enda fengið væna fúlgu frá skattinum helv. melurinn. "Kerlinginn er líka búin að kvabba í mér allt frá því ég kynntist henni og setti mér stólinn fyrir dyrnar. Annað hvort skafa í bílinn eða stræk á fílinn sagði hún alveg óð" sagði Elías er hann brunaði í burtu með sköfuna undir hendi. Þessi mynd var tekin af Elíasi fyrir framan heimili sitt í Sundaborginni og sýnir Ella skafa með fílófaxinu sínu af áfergju, búinn að tína sköfunni sem hann keypti fyrr um daginn. Birna spúsa Ella brosir í kampinn, enda ekki annað hægt þegar annar eins vitleysingur er á ferð.

Líkami fyrir lífið!



ÓskarSigurðsson og Rakel Pálsdóttir tóku þátt í átakinu "Líkami fyrir lífið" ekki alls fyrir löngu og hafa nú lokið 12 vikna prógrammi. Óskar er 35 ára Landfræðingur. Honum leið ekki vel andlega og líkamlega og ákvað að taka áskoruninni. Hann var fastur í viðjum vananns en ákvað að yfirstíga allar hindranir og líta þær jákvæðum augum. Hann náði frábærum árangri, missti 11,6 kg, 14 cm af mittinu, 2 cm af tippinu og fituhlutfall fór úr 27% í 15,5%. Líðan hans er líka eftir því "Ég er fullur orku, fullur allar helgar og miklu jákvæðari í alla staði".
Rakel er 35 ára þjóðfræðingur. Hún tók þátt í áskoruninni vegna þess að hún var komin með miklu meira en nóg af sjálfri sér. Hún komst ekki í þau föt sem hana langaði að fara í, þolið var ekkert og sjálfsvirðingin í algeru lágmarki.
"Hvatningin mín var hiklaust bikiní, líkami fyrir lífið og reynslusögurnar. Ef það kom fyrir að ég átti eitthvað erfitt með að halda mig við efnið, þá tók ég fram myndirnar, las í bókinni og hélt áfram. Ég þurfti stöðugt að vera að hugsa að ég gæti þetta alveg eins og hinir á undan. Þegar ég byrjaði var ég 78 kg. með 24% fitu, mjaðmir 102 cm og mitti 82 cm. Þegar þessu var lokið var ég 72 kg og með 18,8% fitu, maðmir komnar niður í 96 cm og mitti í 75 cm. Í heildina fóru 48,5 cm. Sjálfstraustið er orðið miklu betra og ég er ánægð mes sjálfa mig í fyrsta skipti í langan tíma. Mér finns ég geta allt fyrst ég gat þetta. Ég hef sett mér fleiri markmið og er byrjuð á þeim og ég veit að ég get þetta fyrst ég kláraði þessa áskorun. Þetta var einhvern vegin í fyrsta skipti sem ég kláraði eitthvað alveg ein út frá ákvörðun sem ég tók sjálf
Myoplex Lite og Myoplex Lite nammistangirnar hjálpuðu mér mest. Ég tók líka hreint prótein. Þetta hjálpaði mér svo mikið frá því að háma í mig og ég verð alveg södd af Myoplexinu. Nammið bjargaði mér líka alveg. Það er engin spurning að ég myndi ráðleggja öðrum að nota EAS vörurnar því þær hjálpa mér að ná settu marki. Án þeirra hefði ég ekki getað þetta" sagði Rakel langorða og sletti í sig einum svellkaldum Myoplex og einni léttri nammistöng.

Upp komast svika siðir!


Frú Loðmfjörð skrapp til Lundúna á sunnudaginn og héldu allir að hún væri að fara utan vegna vinnu sinnar. Hún gaf þá skýringu á ferð sinni, að hún væri að fara út með fjölmiðlafólk til þess að taka viðtal við Sr. David Attenborough útaf nýrri bók sem verið er að gefa út nú fyrir jólin. En upp komast svika siðir! Fréttaritari Sósa í Lundúnum náði þessari mynd af Lommunni þar sem hún ásamt milljónamæringnum Svanhildi Hólm, skeiðaði á milli búða í algerum tryllingi með Visakortið rauðglóandi á lofti. Að sögn ritaranns léku þær stöllur við hvurn sinn fingur og bogaði af þeim svitinn er þær rifu nýjasta tískuvarninginn úr hillum ekki ódýrari verslana en Cucci enda báðar með svimandi há laun og eftirlaunagreiðslur. Er fréttaritarinn gaf sig á tal við stellurnar hrukku þær í kút og sögðu við hann að þetta mætti alls ekki fréttast. "Við bara ráðum ekki við okkur, við bara verðum að versla og versla þangað til allur aur er uppurinn. Þannig er þetta bara og ekkert við því að segja. Sr. David getur bara étið það sem úti frýs, hann kemst ekki upp á milli okkar og Gucci, höfum það alveg á hreinu" sagði Lomman og bað um að þetta yrði ekki haft eftir sér. Skömmu seinna sást verslunarsleikir bætast í hópinn, en hann er líka úr Þingholtunum og með ótakmarkaða heimild á kortinu sínu svo ekki skánaði ástandið. Von er á Lommunni heim í dag með Bláfugli, en ekki dugði minni vél en fraktvél til þess að koma kellingunni heim ásamt öllu góssinu.

Sucker og Fucker slógu á létta strengi!

Og að sjálfsögðu mættu frönsku bræðurnir Sucker og Fucker. Þeir fóru mikinn í veislunni og handtóku mann og annan. Almennt var sagt um þá bræður að þeir hefðu sett sterkan svip á veisluna með nærveru sinni þó svo að þeir töluðu ekki stakt orð í íslensku né ensku.

Mamma hans Súpermanns var mætt að sjálfsögðu!

Brynja Bomba var að sjálfsögðu mætt í teitið og skartaði þessu litfagra bikiníi. Hún sagði að hún væri í gervi sem mamma súpermanns heitinns. Var það mál manna að þær stöllur Lomman og Litla ljót hefðu farið langt yfir strikið með þessu búningavali og einungis valið þá til þess að ná augum karlpeningsins á staðnum sem þær vissulega gerðu. Ekki fer þó neinum sögum um heimtur, en þó skal það upplýst hér að þær fóru ekki allslausar heim.

Ísdrottningin lét sig ekki vanta!

Yndisfríð Loðmfjörð lét sig ekki vanta frekar en fyrri daginn og skartaði hún þessum efnislitla klæðnað. Lomma sagði að hún væri ísdrottningin og því svölust af öllum á staðnum. Ekki tóku þó allir undir þau orð lommunar og flissuðu í hljóði úti í horni. Lomman sagðist viss um að vinna titilinn "Svalasta gríman" sem var veitt með viðhöfn að partýstuðinu loknu. Sósi getur upplýst það hér með að henni varð ekki kápan úr því klæðinu enda klæðalítil.

Elli Sprelli eða "Sprelías" slær í gegn!


Ellli Sprelli mætti að sjálfsögðu í partýið og sló öll met hvað vitleysingshátt snertir. Hann mætti að eigin sögn í eigin persónu eða sem Sprelli og var mikið hlegið að honum er hann gekk í salinn. Margir vildu meina að þetta væri einn flottasti grímubúningur sem þeir hefðu séð, en Sósi tekur ristir ekki svo djúpt með árinni.

Halloweenpartístuðveisla Sósa!

Í tilefni að því að Halloween dagurinn var haldinn hátíðlegur síðastliðinn mánudag, blés Sósi og starfsfólk hans til Halloweens partýstuðsgleðskapar og bauð í veislupartýið öllum sem til eru í heiminum. Mætingin var ekkert sérstaklega góð, en þó mátti sjá í partýstuðsveislunni nokkur kunnugleg andlit. Sósi birtir hér án leyfis viðkomanda nokkrar af þeim myndum sem teknar voru í atinu. Fyrstur til að ríða á vaðið er Jón Jónsson smaladrengur að vestan, en hann mætti uppábúinn sem rolluriðill og hlaut að launum töluverða eftirtekt viðstaddra sem þótti þetta uppátæki Jóns í meira lagi skemmtilegt.

Elías komin á endastöð!

Elías Sprelías oft kallaður Elli negla er komin í meðferð útaf þeirri áráttu sinna að þurfa endalaust að gera grín að öllum hlutum. Ákvörðun um meðferð var víst tekin er hann og hjásvæfa hans Birna Bjöss voru á ferðalagi í Belgíu í síðasta mánuði. "Hann var búin að vera nokkuð góður alla ferðina, gerði bara grín stöku sinnum og þá þegar einhver sá hvorki né heyrði til. Steinin tók úr þegar hann á þriðja degi tók að gera óspart grín að öllum styttum bæjarins og var oft með kynferðislega tilburði í garð þeirra. Það var ömurlegt að horfa uppá þetta." sagði Birna miður sín við Sósa er hann hitti hana í pulsupartýi um helgina. Elías röltir nú um í slopp á Vogi og er í strangri gæslu Balds Brjánssonar fyrrverandi töframanns og grínista sem nú er meðferðarfulltrúi og hættur öllu gríni. "Hér kemst hann ekki upp með neitt múður, þegar menn er komnir út í þetta styttugrín þá eru þeir komnir að síðustu stoppustöðinni" sagði Baldur við Sósa er Sósi skaust upp á Vog með súkkulaðistykki handa sprellanum.

Davíð Oddsson hefur það gott í Seðlabankanum!

Er Sósi var á röltinu í Nice í síðust viku rakst hann á fyrrverandi forsætisráðherra og núverandi seðlavörslustjóra Davíð Oddson. Dabbi hefur það greinilega gott í Seðlabankanum, kallinn er orðin svínfeitur og það hreinlega styrndi á beikonið þegar sterk miðjarðarhafssólin skein á hann á ströndinni. Dabbi lét eins og hann ætti ströndina, sprangaði þar um á guðsklæðunu einum saman, og lét eins og hann heyrði það ekki er fólk bað hann vinsamlegast um að hylja nekt sína. "Vitið þér ekki hvur ég er aftuhaldskommatitturinn þinn" sagði Dabbi við lögregluþjón sem kallaður var á staðinn til þess að koma honum í leppana. "Ég er herra Ísland" sagði Dabbi við aumingja lögreglumanninn og gaf honum bilmingskinnhest og hélt sína leið.

Björk og Diddú hefja samstarf - plata á leiðinni!
Samkvæmt áreiðanlegum heimildum Sósa eru Diddú og Björk komnar í samstarf sem snýr að útgáfu á næstu plötu Bjarkar sem á að heita "No Barriers left unbroken". Björk og Diddú hittust í gær á veitingastaðnum Rex og ræddu vænanlega útgáfu. Björk hefur fengið Diddú í lið með sér vegna þeirra einstöku hæfileika sem hún hefur að rýta eins og stungin grís. "Það verður svona grísaþema gegnum gangandi á plötunni og Diddú mun spila þar stórt hlutverk" sagði Björk við blaðamenn sem náðu tali af þeim stöllum á Rex í gær. Diddú og Björk brugðu á leik er blaðamenn birtust á staðnum og tóku áskorun að hætti strákana á stöð tvö. Diddú manaði Björk að sýna á sér brjóstin og Björk manaði Diddú til baka. Báðar tóku áskoruninni blaðamönnum til mikillar gleði. Þessi mynd var tekin við það tilefni og varð blaðmönnum starsýnt á bobbingana á Björk því þeir virtust í stærra lagi. Björk vildi ekkert segja er hún var spurð hvort hún væri með síló, þagði þunnu hljóði og kleip þéttingsfast í baugjuna á Díddú og skellti uppúr.

Lína Sig orðin engill!
Samkvæmt áreiðanlegum heimildum Sósa hefur verið ákveðið að framleiða þriðju myndina um þríeykið "Charlies Angels". Ein breyting mun verða á skipan í hlutverk englanna, María Sigurlín Sigurðardóttir oft kölluð "Lína Sig" kemur inn í staðin fyrir Cameron Dias sem gefur ekki kost á sér sökum krankleika í sköflungi. Marí var að vonum himinlifandi er við slóum á þráðinn til hennar í morgun. "Já, þetta kemur töluvert á óvart sökum þess að ég sótti alls ekki um hlutverkið" sagði María lostin furðu yfir tíðindunum. María þurfti að fara í myndatöku í gær og sagðist hafa verið eitthvað stressuð yfir því að hitta stjörnurnar. Hún skellti því í sig helst til mikið af GogT og mætti á rassgatinu. Angelina Jolie og Drew Barrymore gerðu víst óspart grín af "Línu Sig" en voru að öðru leyti mjög huggulegar. "Þær hlógu og hlógu og bentu með vísifingri á mig" sagði María að lokum við Sósa bróður sinn hálfvælandi í símann.

Jón Ásgerður hressir upp á ímynd sína!

Jón Ásgerður Spóason betur þekktur sem Nonni Rokk, hefur tekið að sér hlutverki í leikriti sem sett verður á fjalirnar í London næsta sumar. Stykkið sem hann hefur tekið sér hlutverk í heitir "Babylon" og mun Jón þar leika erkiengilinn og erkióvin hórunnar frá Babylon en hún var víst ekki við eina fjölina felld blessunin. "Ég er nú bara að kúpla mig frá allri þessari helvítis vitleysu sem hefur verið í gangi heima. Ég held að það fari mér ágætleg að leika engil, enda alltaf verið eins og ljós" sagði Jón við Sósa er Sósi sló á þráðinn til hans þar sem hann var staddur á æfingu í London. "Hórur eru hórum verstar" sagði Jón að lokum og hló geðveikislega í símtólið áður en hann skellti á.

Icy Spicy hópurinn verður framlag Íslendinga í Eurovisjón!
Þá er það loksins komið á hreint hverjir verða fulltrúar okkar í næstu Evrósvisjónkeppni sem fram fer í Tyrklandi. Það er hópur sem kallar sig "Icy Spicy" og samanstendur af Jóni Geraraldsullenberger, Jónínu Fittness, Jóhannesi í Krossinum, Jóni Ásgerði og Sollu Sveittu fyrrverandi borgarstýru. Sérlegur aðstoðarmaður þeirra veruður helga Kress, en hún mun sjá um að halda uppi stuðinu í hópnum. Hópurinn mun flytja lagið "Lucky in Love" sem er útfærð útgáfa af lagi Páls Óskars Hjálmtýssonar "Suck on this" sem hann flutti svo eftirminnilega í keppninni fyrir aldarfjórðung síðan. Talsmaður hópsins Jón Ásgerður, sagði við blaðamenn að ef þessi hópur myndi ekki vinna keppnina, þá mynda hann kaupa helvítis keppnina og allt sem henni fylgir og leggja hana niður í eitt skipti fyrir öll. "Mér er slétt sama hvað mönnum finnst um það, ég geri bara það sem mér sýnist" sagði Jón Ásgerður bullsveittur eftir sýna fyrstu æfingu sem gekk víst ekki áfallalaust fyrir sig. "Helvítið hann Sullenberger vill alltaf fá stærri og stærri rullu í showinu, Jónína er alltaf að heimta nýjan búning og nýja skó, pabbi getur ekki látið kellingarnar í friði og svo er Solla alltaf að sleikja okkur feðgana þannig að við fipumst i sporunum" sagði Jón Ásgerður að lokum við blaðamenn og hélt sína leið.

Olivier treður í sig óhollustu í Nice!

(Gölturinn lengst til vinstir er Olivier)

Olivier hinn franskættaði unnusti Maríu, systur Sósa, er komin í slæm mál. Olivier hefur á einhvern undarlegan hátt náð að þyngjast um 50 kíló á aðeins þremur mánuðum. Oliver er orðinn svo feitur að það er hlegið að honum hvert sem hann fer. Þessi mynd er tekin af Olivier á ströndinni í Nice er gamli bekkurinn hanns stillti sér upp fyrir myndatöku í tilefni af 20 ára útskriftarafmæli bekkjarinns. María hringdi í gær hálfvolandi og vissi ekki til hvaða ráða hún ætti að taka. "Hann étur að minnsta kosti 3 pissur á dag og svo treður hann í sig hamborgurum og sælgæti þess á milli. Ég þekki hann ekki lengur, hann er orðin svo akfeitur" sagði María og hugðist jafnvel flytjast alfarin til Íslands ef þessu ofáti linnti ekki á allra næstu dögum.

Jón Jónsson stórvesír af Ströndum stýrir heimavörnum í heimabyggð!

(Jón helmassaður í túnfætinum heima)

Jón Jónsson frá Jónskoti, fræðimaður og búsmali hefur verið ráðin í sérverkefni af hálfu Hómavíkurhrepps. Sérverkefnið felst í því að koma saman heimavarnarliði sem standa á vörð um varnir hreppsins fyrir öllum hugsanlegum og óhugsanlegum óþjóðalýð. Þessi mynd var tekin af Jóni er hann stýrði sinni fyrstu þrekaæfingu í túnfætinum heima hjá sér. "Þessir kúkalabbar skulu sko fá að finna til tevatnsins, hér verður ekki beitt neinum vettlingatökum" sagði Jón við blaðamann Strandapóstsins er hann tók hús á Jóni nú í morgunsárið. Jón sjálfur ætti að ekki að vera á flæðiskeri staddur hvað varðar úthald, snerpu og styrk enda um margra áratuga skeið verið með kort í Strandasporti þar sem hann hefur iðkað allar þær íþróttir sem nöfnum kann að nefna við góðan orðstír.

Siggi á ferð og flugi!


Siggi Atla Galdrasmiður af Ströndum sendi Sósa þessa mynd um daginn. Á myndinni sést er Sigurður dettar á hjóli sínu í árlegri hjólreiðaferð sinni um Evrópu. Sigga varð víst ekki meint af volkinu og biður hann að heilsa öllum til lands og sjós.