Kvöldið í gær var alveg meiriháttar. Kerlingin eldaði borgara afan í mig og krakkaskrílinn, krakkarnir fengu kók með en ég heimtaði bjór (sem ég fékk). Þegar við vorum búin að slafra í okkur þá lagðist ég í sófann og setti mig í stelllingar fyrir leikina í meistaradeildinni. Rakel kom þá niður og var með eitthvað múður, sagðist ætla að horfa á Gilmore Girls og að ég fengi bara að horfa á einn leik. Ég hélt nú ekki og teipaði hana því upp á vegg. Hún sagði ekki múkk eftir það. Ætla heim í hádeginu og taka hana niður, hún þarf nefnilega að komast í Smáralind og kíkja á nýju sendinguna af kúrekastígvélunum sem voru að koma.

Þessi mynd er með þeim fyndnari sem ég hef sett hér inn á siðuna að mínu viti. Þetta er mynd af handavinnukennaranum hans Sigga, sem hann tók af henni þegar hún var að skamma hann fyrir að hafa tekið upp símann sem hann fékk í afmælisgjöf frá okkur í fjölskyldunni. Ég spurði hann í gær hvort að hún hefði ekki trompast yfir því að hann hefði tekið af henni mynd?? "Nauts, hún hafði ekki hugmynd um það" sagði Siggi og hló. Hrikalega fyndið, svipurinn á kerlingunni er alveg frábær og með einn putta upp í loftið.

Það er greinilega eitthvað þunglyndi í gangi þessa dagana, engin bloggar neitt og ekkert skemmtilegt er í gangi.

Siggi átti afmæli í gær, varð 11 ára gamall. Ég og Siggi fórum í bíó með nokkrum af vinum hans í tilefni dagsins og skemmti ég mér konunglega á rómantísku gamanmyndinni Hitch sem Siggi valdi og sá mikið eftir. Við fengum okkur síðan pitzu á eftir sem við skoluðum niður með ísköldum bjór. Strákarnir urðu náttúrulega blindfullir af einum bjór og ég skellihló að þeim þar sem þeir bulluðu tóma vitleysu. Við fórum síðan heim og tókum upp pakkana. Siggi fékk gsm síma frá okkur fjölskyldunni og varð hann alveg hoppandi glaður yfir því (enda vel við skál drengurinn). Rakel ákvað að síminn þyrfti að vera af allra nýjustu gerð svo hún lét sér ekki muna um það að kaupa Nokia 34X4500Gillette með innbyggðri rakvél. Rakvélin á eftir að koma sér vel fyrir Sigga, enda stutt í það að skeggbroddarnir fari að láta sjá sig. Siggi var hálf timbraður í morgun eftir bjórinn en jafnaði sig fjótt eftir að hann skellti í sig hráu eggi í morgun áður en hann fór í skólann. Þeir sem vilja ná í Sigga í síma, er bent á að hringja í 8633362 sem er gamla númerið hennar Loðmfjarðar. Sósi smellti af mynd af stráknum er hann fékk símann og postum við henni hér með. PS. verð að fara að taka niður jólaskrautið! 

Clinton hefur engu gleymt! 

Jórunn sendi mér link á msn sem vísaði á þessa mynd. Hún sagðist hafa rekist á hana þegar hún var að leyta að einhverju á google. Ef maður fer í properties á myndinni þá kemur í ljós að hún er vistuð undiðr nafninu "swollen cocks". Jórunn hefur því verið að leyta að "Swollen cocks" á netinu, Jórunn þó!! 

Þessi er nokkuð góður! 

Elías þurfti að fara í heilaskönnun upp í Domus Medica vegna þess að hann var alltaf að detta út, sérstaklega ef hann fékk sér í glas. Nú Elli lét ekki segja sér það tvisvar og smellti sér í skannan með einn svellkaldan öl við hendina. Hann var að fá myndirnar í morgun ásamt greiningu heilaskurðlæknisins sem var eitthvað á þessa leið "Þegar þú drekkur þá þurrkast allir dagskrárliður út úr hausnum á þér, og þú fellur í svokallaðan fimmtudagssindrom sem gerir það að verkum að allar stöðvar detta út. Ég legg því til að þú hættir að drekka melurinn þinn annars er hætta á ferðum". Elli fékk að eiga myndirnar sem komu úr skannanum og með góðfúslegu leyfi Sprellans þá fæ ég að birta eina hér.

Þegar ég sótti Rakel í vinnuna í gær, þá var hún með einhvern geðveikisglampa í augunum. Ég spurði hana náttúrulega hverju þessu sætti, og hún svaraði því til, að hún hefði farið í einhverjum tryllingi í Smáralind með samstarfskonu sinni og séð alveg geðveik kúrekastígvél. Hún blaðraði síðan látlaust um þessi stígvél og hvað þau væru tryllingslega flott og töff og geðsjúk. Ég hef nú oft heyrt svona óráðshjal áður svo ég lét þetta sem vind um eyru þjóta. Rakel gat síðan lítið sofið í nótt, og ef hún sofnaði, þá hrökk hún upp skömmu seinna með andfælum og öskraði "ríðum, ríðum, ríðum heim að ánni". Sagði síðan við mig að henni hefði verið að dreyma að hún hefði verið í útreiðartúr í kúrekastígvélunum sem hún sá í Smáralind. Í morgun þegar við vöknuðum vildi hún endilega drífa sig í vinnuna, og hamraði á því að hún ætlaði að taka bílinn og hvort að nokkuð væri í skottinu. Mig var nú farið að gruna að hún hefði nú tekið þá ákvörðun að bruna í Lindina og kaupa bévítans stígvélin. Þegar ég síðan kom til hennar í hádeginu til þess að sækja bílinn, þá var hún þegar búin að troða sér í nýju stígvélin og lét öllum illum látum. "Sjáðu mig, sjáðu mig Óskar" veinaði hún og steppaði eins og hún ætti lífið að leysa. Ég læt hér fylgja með mynd af stígvélunum, þannig að þið getið sjálf myndað ykkur skoðun á því hvort að allt þetta upphlaup hafi átt rétt á sér. Dæmi nú hver fyrir sig!!

Lýsið hækki, lakkrísinn lækki!

Nú hefur Sósi Sig ákveðið að færa út kvíarnar. Sósi hefur nú í nokkur ár starfrækt bloggsíðu á alnetinu eins og flestum er kunnugt um og hefur hún notið gífurlegra vinsælda á meðal almennings í landinu. Hart hefur verið sótt að Sósa frá ýmsum fyrirtækjum um að fá að nota Sósa nafnið til þess að kynna vörur sínar og hefur Sósi reynst tregur til þess, þó svo að vænar fúlgur væru í boði. En nú hefur Sósi ákveðið að leggja lag sitt við bandaríska líkamsræktarfyrirtækið Disco Sweat sem framleiðir líkamsræktarspólur með frægum einstaklingum. Sósi þurfti því að brenna vestur eftir til þess að taka nokkur spor fyrir framan myndavélarnar. Spólan með Sósa kemur í búðir á Íslandi í næstu viku. Margt annað er í bígerð hjá Sósa og mun það koma í ljós á næstu vikum, fylgist því spennt með. 

Sósi Sig var á síðum blaðanna um helgina!! Blaðamenn DV eltu Sósa á röndum í Kringlunni og vildu ná tali af kauða. Eftir þónokkurn eltingaleik náðu blaðamenn að króa Sósa af upp við vegg og spurðu hann spjörunum úr. Sósi mundi ekki neitt og svaraði illa spurningum blaðamanna, það eina sem þeir náðu upp úr honum var að Ávaxtakarfan sem hann fékk í jólagjöf hefði verið honum eftirminnileg enda margt um gómgæti í þeirri ágætu körfu. Sósi var frekar súr á svip þegar blaðamenn DV smelltu af honum mynd, enda ekki á hverjum degi sem mynd næst af þessum heimsfræga landfræðing eða landfræðingi almennt. Samkvæmt áreiðanlegri könnun sem gerð var í kjölfarið á myndbirtingunni af Sósa, þá er þetta í annað sinn á 100 árum sem það birtist mynd af landfræðingi í fjölmiðlum. 

Sósi hefur verið upptekinn úr hófi fram síðustu daga og því ekkert bloggað. Upplausn hefur því verið á mörgum heimilum því mörgum finnst eins og eitthvað vanti í tilveruna þegar ekkert er Sósabloggið. Sósi var með kynningu á vinnustað sínum VGK í gær, þar sem kynntar voru ýmsar nýjungar í framsetningu kortagagna. Læt hér fylgja með þessum mjög svo leiðinlega bloggi um sjálfan mig, þessa mynd sem er af Hellisheiðinni þar sem miklar framkvæmdir standa nú fyrir dyrum við að koma upp jarðvarmavirkjun fyrir Orkuveitu Reykjavíkur. Djöfull er leiðinlegt að blogga svona um sjálfan sig. Lifi bloggið - Freedom for all people

Þessir strákar voru í góðum fíling í blíðunni í Reykjavík í gær. Tóku fram hjólabrettin og stuttermabolinu og skelltu sér á Laugaveginn. Þeir gátu ekki stillt sig um að skoða nánar auglýsinguna fyrir framan Nickerbox.

Mikið var um dýrðir við stærstu mosku Reykjvíkur um helgina. Þar voru samankomnir listabræðurnir Lárus og Benedikt List ásamt foreldrum sínum Magnúsi og Helgu Krist í þeim tilgangi að lýsa upp moskuna og spila í leiðinni leiðindar tónlist. Þessi gjörningur listaspíru fjölskyldunnar, mislukkaðist herfilega þegar Lárus List henti sér ofan úr klukkuturninum með gamlan grammafón á bakinu og tvö vasaljós í sitt hvorri hendinni. Lárus gleymdi bæði að setja plötu á fóninn og batterí í vasaljósin og endasentis því niður turninn í myrkri, og það eina sem maður fékk að heyra voru öskrin í manngreyinu er hann lenti í illa uppsettu neti sem bróðir hans Benedikt List hafði hrúgað upp á Skólavörðuholtinu. Skelfingu lostinn börn og gamalmenni þustu í hópum í allar áttir og létu ekki sjá sig meira á holtinu það kvöldið. Er það mál manna að þarna hafi illa til tekist og að List familýan muni ekki koma nærri neinum viðburðum í reykvísku menningarlífi næstu áratugina. Þetta er nú meira bullið, nú er ég hættur öllu bulli.

Einn maður hefur farið mikið í taugarnar á mér síðustu 5 árin eða svo, og það er hann Gaui Litli. Allt saman blessað og gott hvað hann er að reyna að gera fyrir þá sem eru of feitir en það er athyglissýkin sem fer í taugarnar á mér. Nú ætlar Gaui síðan að fara að græða á öllu saman og hefur ákveðið að fara út í samlokugerð helvítis beinið. 

Guðrún og Gaui kunningjafólk okkar Rakelar fluttu á Bifröst í fyrra þar sem Guðrún settist á skólabekk. Gaui sagði upp starfi sínu í bænum og fékk vinnu í áfengisverksmiðju "Ice Vodka" í Borgarnesi. Samkvæmt áreiðanlegum heimildum þá hefur Guðrúnu farnast vel í náminu en eitthvað er það ekki að gera sig hjá Gauja í Vodkaverksmiðjunni. Ég held að Guðrún ætti að senda kallin tafarlaust aftur í bæinn, því það horfir í óefni með hann Guðjón. Kallinn liggur víst í kerunum, svamlar þar um og teygar mjöðinn ótæpilega, svo mjög að það stór sér á honum. Þessi mynd var tekin af honum á árshátiðinni Bifröst og var birt á netinu honum og öðrum til mikillar hrellingar. Guðjón, í bæinn með þig á stundinni! 

Þetta er hún Rakel konan mín til marga ára. Hún fríkkar bara með árunum, svei mér þá. Þessi mynd er tekin í matarboðinu sem við vorum með á laugardaginn, þar fór Rakel á kostum og sýndi af sér mikinn þokka. Þessi stórhuggulega kona er heitbundin mér til æviloka, þannig að þið perrarnir þarna úti, látið hana í friði! 

Það varð víst allt vitlaust á Þorrablótinu eftir að ég fór heim. Menn fóru að hella ótæpilega í sig Ágavítinu og veislan leystis víst upp í eina alsherjar vitleysu. Var að skoða myndirnar sem voru teknar og þar stakk ein myndin verulega í stúf. Á þeirri mynd er Albert gjaldkeri að stinga stúf sínum í Helgu símadömu og þar er atvinnumaður í faginu á ferðinni. Aldrei fyrr hef ég séð aðrar eins aðfarir en myndir segja meira en nokkur orð og læt ég því myndina fylgja hér með. (Það má ekki láta Albert og Helgu vita að myndin sé komin á netið!)  

Ágætis helgi að baki. Ég og Kela fórum á Nordica eftir vinnu á föstudaginn og fengum okkur smá öl og smá hvítvín. Þegar við sátum þar og ræddum um daginn og veginn þá kemur þarna maður inn með svakalega skutlu upp á arminn. Svo sem ekkert í frásögur færandi en þetta stakk eitthvað svo í augun, vegna þess að þau voru bæði mjög flóttaleg og hegðuðu sér eitthvað hálf undarlega. Aldursmunirinn á þessu pari var líka mjög mikill og þá ályktuðum við náttúrulega að þarna væri svokallaður "Escort Service" á ferðinni sem er fyrirferðarmikill iðnaður erlendis. Stelpan sem varla hefur verið eldri en tvítug var íklædd miklum minkapels með glitrandi gimsteina í eyrnasnepplunum, karlinn komin vel yfir fimmtugt og var hinn vandræðalegasti. Nú, nú, þau fá sér sæti í námunda við okkur og við byrjum að gjóa augunum í átt til þeirra og hvísla eins og góðum kjaftakerlingum sæmir. Við vorum alveg hrikalega hneyksluð á þessu og litum illilega á karlinn í hvert sinn sem hann gaut augunum í átt til okkar. En allt í einu þá kemur stormandi inn heill hópur af fólki lítur í kringum sig og tekur stefnuna í átt að borðinu þar sem karluglan og escortið sátu. "Mikið er gaman að sjá ykkur feðginin svona sæt og fín" heyrist skyndilega ofan úr einni kellingunni sem kom stormandi að borðinu. Þá var þetta feðgin að fara á árshátíð!! Ég roðnaði og fór allur í keng en Rakel skellihlóg, skellti í góm og æpti "Óskar, hún er ekkert escort, hún er með pabba sínum", djöfull var það vandræðalegt.
Ég fór síðan á þorrablót í vinnunni um kvöldið og gæddi mér á kjömmum og pungum, staldraði stutt við og var komin heim um 10 leytið, enda var konan búin að bjóða mér upp í dans ef ég kæmi snemma heim. Á laugardagskvöldið komu Sigga og Bibbi í heimsókn, við gáfum þeim nautasteik að borða og skoluðum steikinni niður með svellköldum tekíla. Fórum síðan í sund á sunnudaginn þar sem ég varð fyrir skelfilegri lífsreynslu. Þegar ég kem inn í karlaklefann þá tekur á móti mér ein almesta skítalykt sem ég hef á ævinni fundið. Það lá við að ég félli í ómegin. Menn eiga að skíta heima hjá sér en ekki í sundi!!!!!!!!!!!