Sósi reiknar

Þessi mynd var tekin af Sósa í vinnunni síðastliðinn mánudag er hann var að ljúka við að reikna jöfnu sem segir til um hvort heilladrjúgara sé að fara í kaffi hálf tíu eða tíu. Niðurstaðan var sú að það skiptir ekki nokkru máli.

Forsíða Viðskiptablaðsins í dag!

Seðlahrunsstjóri með nýtt gæludýr

Seðlahrunsstjóri vor sem hefur verið þekktur fyrir það að vera mikill dýravinur hefur fengið sér nýtt gæludýr. Dýrið er frekar ófrýnilegt að sjá og geðslag þess er víst eins og hjá versta múrara. Dýrið fékk hann í gjöf frá vini sínum Styrmi Gunnarssyni sem hefur átt það í áraraðir. Seðlahrunsstjóri er víst mjög ánægður með kvikindið og lætur það sinna ýmsum skítverkum í skjóli nætur. "Ég nota kvikindið í dittinn og dattinn, það er næstum því hægt að nota þessa skaðræðisskepnu í allt" sagði Seðlahrunsstjóri og hló dátt svo undirtók í tómum geyminum.

Stemmari í Simbabwe!

Guð blessi ykkur!

Von Dörí á leið á árshátíð

Sósa voru rétt í þessa að berast þær skelfilegu fréttir að fyrrverandi viðskiptamógullinn Elías Von Dörí væri á leið á árshátíð um helgina. Eins og flestum rennur ferskt vatn í skinni þá hagnaðist Von Dörí gríðarlega á útferðini svokallaðri sem nú hefur runnið sitt skeið á enda með skelfilegum afleiðingun fyrir okkur hin. Von Döri var frægur að endemum þegar hann keypti sér forljót jakkaföt á 50 milljónir evra sumarið 2006 þegar útferðin var í hámarki. En en eins og allir vita þá þorna útferðin upp og Von Döri sömuleiðis en hann hélt alltaf jakkafötunum góðu og það er það sem Sósi hefur miklar áhyggjur af. Ef Sósi þekkir Von Dörí rétt þá á hann eftir að mæta í þessum sömu fötum og gera allt vitlaust á árshátíðinni eins og honum einum er lagið. Sósi er þó að vona að hann skilja þá laufbrúnu eftir heima, því ef hann gerir það ekki má búast við óeirðum og að fólk geti ekki tekið ábyrgð á gjörðum sínum í þeirra viðurvist.

Þessi mynd var tekin af Von Dörí í jakkafötunum þegar útferðin stóð sem hæst, bjargi sér hver sem betur getur!

38 ára gamall maður svikinn af BT

Davíð Vignir Magnússon, 28 ára gamall maður úr Hafnarfirði, hafði beðið í fimm mánuði eftir að fá nýja PSP leikjatölvu frá BT í stað gallaðrar, þegar BT var tekið til gjaldþrotaskipta.
Á föstudegi fyrir hálfri annarri viku, tókst móður Davíðs, að semja um endurgreiðslu þar sem sýnt var að ný tölva væri ekki væntanleg. Henni var sagt að þau þyrftu aðeins að skila snúru sem fylgt hafði tölvunni, svo hægt væri að endurgreiða vélina. Þegar þau hugðust ganga frá málinu á mánudeginum hafði BT verið lokað og óskað eftir gjaldþrotaskiptum.
Sirrý mamma Davíðs segir að sonur sinn hafi í heilt ár átt þó óska heitasta að eignast PSP tölvu, eins og flestir félagar hans eiga. „En þar sem ég er einstök þriggja barna móðir átti ég ekki möguleika á að verða við því þó ég hefði svo sannarlega viljað,“ segir Sirrý.
En Davíð dó ekki ráðalaus. Hann hófst handa við að safna sér fyrir tölvunni sjálfur. „Í heilt ár lagði hann til hliðar afmælis- og vasapeninga og safnaði flöskum sem hann seldi,“ segir Sirrý en bætir því við að tölvan hafi verið dýr og þess vegna hafi meira þurft til. „Hann brá þá á það ráð, þar sem hann er einkar drátthagur, að teikna myndir og bjóða til sölu. Dögum saman þrammaði hann götu úr götu með möppuna sína og seldi, sama hvernig viðraði,“ segir Sirrý.
Loks rann upp sá dagur að Róbert átti fyrir tölvunni. Þau mæðginin fóru í BT í kringlunni þar sem Davíð lagði stoltur fram aurana sína og fékk tölvuna afhenta. „En gleðin var skammvin þar sem tölvan reyndist gölluð. Henni var skilað og sagt að von væri á nýrri sendingu af tölvum innan skamms,“ segir Sirrý en sú bið varð fljótlega að vikum og mánuðum. „Alltaf var okkur sagt að tölvurnar væru við það að koma til landsins,“ segir hún.
Helgi Jóhannesson hæstaréttarlögmaður og skiptastjóri BT sagði í samtali við Sósa.is að eini möguleikinn fyrir Davíð og þá sem kunna að eiga eitthvað inni hjá BT sé að gera kröfu í þrotabúið. Það sé hins vegar afar hæpið að hann fái tölvuna endurgreidda, nema hugsanlega að hluta. „Hann fær þetta líklega aldrei,“ segir Helgi.

Vinsti grænir undirbúa kosningar!

Geðillskan uppmáluð

Snælduvitlaus karlmaður á fimmtugsaldri sem heitir Pétur, hafði samband við Sósa símleiðis í gærkveldi greinilega viti sínu fjær af áhyggjum af ástandinu í þjóðfélaginu. "Þetta gengur bara ekki mikið lengur Sósi, ha finnst þér það Sósi. Við erum alveg fokked, ég meina það gjörsamleg fokked" sagði Pétur í tólið með titrandi röddu. Sósi reyndi að róa kallinn með því að segja honum að það stytti upp um síðir en það virkaði bara sem olía á eldinn. Pétur þessi gjörsamlega trompaðist og æðubunaði fullt af orðum út úr sér sem Sósi hefur aldrei heyrt áður og verða ekki birt hér. "Ég skal nú barasta segja þér það vinur, ég er búin að fá mig fullsaddann á aðgerðarleysi stjórnvalda og ætla því að grípa sjálfur til aðgerða. Ég ætla að mótmæla þessu ástandi og það mun enginn stoppa mig hvorki þú né nokkur annar" sagði Pétur að lokum hoppandi geðvondur, úrill og gráhærður. Þessari mynd náði Sósi af Pétri er hann mótmælti ástandinu einn og óstuddur fyrir framan höfuðstöðvar Kexverksmiðjunnar Frón nú í hádeginu ,Sósa og öðrum vegfarendum til mikillar undrunar.

Sósi óskar öllum jarðarbúum til hamingju!

Það hefur ekki farið mikið fyrir því í fjölmiðlum að nýr forseti var kosinn í Bandaríkjunum í vikunni. Sá sem varð fyrir valinu að þessu sinn er karlmaður á fimmtugsaldri af blökkumannakynslóðinni svokölluðu þ.e.a.s. Jessi Jackson, Richard Pryor og þeir allir. Maðurinn heitir bara Obama (eins og það sé ekki nóg) og gefur víst af sér afar góðan þokka en þónokkurn óþef sem er víst frekar leiðigjarnt á löngum fundum. Obama sagði við Sósa er Sósi sló á þráðinn að nú væri Runnatímabilinu seinna lokið og við tæki uppbygging og uppgjör við Runnatímabilið sem gæti tekið sinn tíma.
Obama vildi koma því til skila til Íslands að hann myndi glaður lána Íslendingum péning ef þess væri óskað og myndi meira að segja skrifa persónulega tékka fyrir öllu klabbinu (geri aðrir betur).
Hér til hliðar má sjá Obama er honum voru tilkynnt úrslitin, vígreifur og hamingjusamur með lókinn upp í loftið eins og sönnum blökkumanni sæmir.

Satan Al til bjargar

Hinn skeleggi og undarlegi strokupési Satan Al, hefur nú stigið fram á sjónarsviðið í íslenskum fjölmiðlum og heitið því að hann muni ekki skorast undan því ef íslenska þjóðin leyti til hans í þeim hremmingum sem yfir hana gengur. Satan segist þó ekki vera efnaður maður en geti hjálpað Íslendingum á annan hátt. Þegar Sósi setti sig í samband við kallinn til þess að krefja hann svara um hvers konar aðstoð hann ætti við, þá svaraði hann "ég djóka Sósi, ég djóka bara mar, kann ekki íslanding a djóka" svo undirtók í þríforknum, púkunum og viðbjóðnum.

Fólksflóttinn frá Íslandi

Þessi mynd finnst Sósa fyndin.
Tekin af vefnum hjá Dr. Gunna.

Tvífarar dagsins!

Rússalánið

Nú eru Urður, Verðandi og Skuld úti í Rússlandi að semja við frændur okkar Rússa um heljarinnar lánafyrirgreiðslu. Sósi hefur fyrir því áreiðanlegar heimildir að Rússar vilji fá að þjóðnýta Grýlu okkar en Leppalúða til þrautavara ef að mjöðmin á Grýlu heldur ekki. Rússar hafa víst haft af því fregnir að Grýla okkar sé mun skelfilegri heldur en Rússagrýlan þeirra, og því hafi þeir séð sér leik á borði með því að koma Rússagrýlunni yfir á okkur. Það er víst þegar farið að tala um Íslandsgrýluna úti í hinum stóra heimi og farið að tala um kalt stríð á milli Íslands og vesturlandanna. Þeir sletta skyrinu sem eiga það!

Stór sér á Seðlahrunsstjóra!

Sósi náði þessari aumkunarverðu mynd af Seðlahrunsstjóranum nú í morgunsárið. Kallinn var nývaknaður og ergilegur í meira lagi og hreytti ónotum í alla viðstadda með dassi af fyrirlitningu og mölkúlum. Er Sósi spurði kallinn hvort hann væri að reyna að villa á sér heimildir í kreppunni hreytti hann út úr sér "djö.. getur þú verið ómerkilegur Sósi, ég er bara með smá bjúg" svo undirtók í gjaldeyrisforðanum og kreppunni.

Siggi feiti skilur ekkert í essu!

Seðlahrunsstjóri algjör api?

Sósi veltir því fyrir sér hvort Seðlahrunsstjórinn okkar sé algjör api. Sósi hefur nefnilega tekið eftir því að hann hlustar ekki á nokkurn annan en sjálfan sig og stingur alltaf puttunum í eyrun þegar einhver annar en hann sjálfur mælir orð af munni. Ekkert hefur heyrst í manninum frá því að hann setti stærsta fyrirtæki Íslands á hausinn og gerir Sósi að því skóna að hann sé að undirbúa næstu hriðjuverkaárás á íslenskt efnahagslíf ofan úr svöruloftum þar sem hann hefur haft aðsetur upp á síðkastið. Þessa mynd af Seðlahrunsstjóranum náði Sósi af kauða er hann tilkynnti stýrivaxtahækkun á dögunum og svaraði spurningum fréttamanna með puttana í eyrunum.

Takið eftir hvað Sósi sagði 05.02.08 síðastliðinn (Nostradamus hvað?)

http://skarisig.blogspot.com/search?q=Se%C3%B0labunkastj%C3%B3ri

Siggi Einars lumar á fúlgum fjár!

Kaupþingsmógullin Siggi Einars eða Siggi Feiti eins og hann er oftast kallaður virðist hafa komið betur undir sig hófunum en margur annar. Rétt í þessu voru að berast fregnir af því að Siggi hefði fest kaup á tveggja miljarða króna húsi í Bretaveldi og það korteri fyrir kreppu. Siggi vildi ekkert ræða við Sósa er hann leitaði eftir viðtali en vildi þó meina að partýið væri alls ekki búið, það væri rétt að byrja, að minnsta kosti hjá sér. Að þeim orðum sögðum rak Siggi óstýrilátur út úr sér tunguna og sagði "hí á þig ormurinn þinn" og reykspólaði jóðlandi ættjarðarsöngva í burtu svo undirtók í spikinu, seðlunum og stífpressaðri bankaskyrtunni.
Þessari mynd náði Sósi af Sigga fyrr á árinu er hann tékkaði á stöðunni í pengingageymi Kaupþings.

Seðlahrunsstjórinn og átthagaskrýmslið Davíð Oddsson hlær að kreppunni!

Sósi heldur að kellingarnar eigi eftir að moka okkur upp úr skítnum!

Tékkið á hvað Sósi sagði þann 18.09 síðastliðinn!

http://skarisig.blogspot.com/2008/09/er-allt-heila-klabbi-sigla-strand-ssa.html

Jónas búin að missa vitglóruna

Jónas Kristjónsson, ritstjóri og bloggari er búin að missa þá einu glóru sem hann átti eftir í höfði sér og ráfar nú um miðbæ Reykjavíkur kallandi alla sem hann hittir illum nöfnum. Jónas er víst uppáklæddur sem páfinn sjálfur og umlar í sífellu "nammjó jó reingen gjó" og klórar sér í kollvikunum ótt og títt. Samstarfsmenn Jónasar til margra ára hafa víst miklar áhyggjur af kauða og hafa lagt það til við stjórnvöld að hann verði lokaður inni og lyklinum hent eða þá til þrautavara að hann verði strokaður út.

Kreppuböðull Íslands

Sjálfsskipaði kreppuböðullinn Egill Hengjason lét til skarar skríða gegn útrásarvíkingunum svokölluðu í Silfri Egils í gær. Til aftöku var mættur Jón Ásgeir Jóhannesson sem Hengjason ætlaði sér að taka af lífi án dóms og laga í beinni útsendingu. Hengjason varð þó ekki kápan úr því klæðinu í það skiptið, enda afskaplega taugaveiklaður og illa fyrir kallaður með titrandi öxina í annarri hendi. Það fór líka svo á endanum að Hengjason féll fyrir eigin hendi í þættinum er hann reiddi öxina hvað hæst til höggs og afhausaði sjálfan sig fyrir framan alþjóð í beinni útsendingu.

Sósa langar í þetta verk eftir Hallgrím Helga!

Dýralæknirinn klúðrar málum!

Dýralæknirinn, fjármálaráðherrann og enskumógúllinn Árni Matthíasson, klúðraði málum víst svo svakalega í gær í stuttu samtali við fjármálaráðherra Breta, að hann setti Kaupþing á hausinn einn og óstuddur. Sósi hefur heimildir fyrir því að Árni sem útskrifaðist úr Flensborg á sínum tíma hafi aldrei verið sleipur í enskunni og hafi í fjármálaráðherratíð sinni verið misskilinn svo oft að elstu menn muna ekki annan eins misskilning. Árni sagði í stuttu spjalli við Sósa að það væri af og frá að Darling hafi getað misskilið sig því hann kynni varla stakt orð í ensku. "Ég sagði bara, you pay we smile, eins og Dabbi sagði mér að segja" sagði Árni, fitjaði upp á nef sér, baulaði og tölti í burtu.

Ísland var land mitt

Ísland var land mitt, ég aldrei því gleymi,
Ísland í gjaldþroti sekkur í sæ,
íslensku krónun´í banka ei geymi
við íslenska hagkerfið segi ég bæ,
Ísland í erfiðum tímum nú stendur
Íslenska stjórnin hún failar margfallt
Íslenski seðillinn er löngu brenndur
Ísland er landið sem tók af mér allt

Lagið um það sem er bannað

Það má ekki fá sér lítið lán
og ekki fremja lítið bankarán
ekki fara í búðir og kaup út á visa
og ekki segja að nautasteik sé ýsa

Það má ekki detta í skuldafen
og ekki fá sér dáldið mikið yen
ekki fara í útlönd og kaupa hitt og þetta
ekki segja crisis heldur "kreppa"

Þessir stjórnmála menn eru skrýtnir
eru alltaf að skamma mann
þó maður eyði um efni fram
eru þeir alltaf að skamma mann

Það má ekki fljúga á Saga Class
og ekki fá sér gúlla heldur dass
ekki fara í spyrnu á Rangeanum hennar mömmu
og ekki stela demöntum af ömmu

Það má ekki fara í kynlífsbúð
og ekki stinga lilla ven í snúð
ekki fara að grenja þó gengið sé að falla
ekki berja gamla feita kalla

Þessir stjórnmála menn eru skrýtnir
eru alltaf að skamma mann
þó maður eyði um efni fram
eru þeir alltaf að skamma mann osfrv.

Höf: Sósi

Getur það í alvörunni verið?

Raggi Raðhús farinn að vinna hjá Alcoa!

Yfirsvindlarapungurinn og dómsdagsfjárfestirinn Ragggi Raðhúsalengja er flúin austur og hefur hafið vinnu hjá hinu virta álbræðslufyrirtæki Alcoa. Ragnar hefur eins og flestir vita staðið í miklum deilum við handalögmáls rukkarann Benna Rukk sem farið hefur hamförum í fjölmiðlum undanfarið vegna illrar meðferðar Kompásmanna á honum. Er Sósi sló á þráðinn til Ragnars sem þá var staddur í gömlu Rúgbrauði á leið austur, sagði hann að hann væri búin að fá nóg af vöðvastælunum í Benna og ætlaði sér að starta nýrri raðhúsalengjusvikamyllu fyrir austan til þess að koma fótunum undir sig aftur eins og hann orðaði það svo skemmtilega. "Ég á nóg af svikaprettamyllutrixum upp í erminni, maður lifandi" grenjaði Raggi Raðhús að lokum svo ískraði í öllu álinu fyrir austan.
Áreiðanlegar heimildir Sósa herma að Benna sé kominn austur og ætli sér ekki að sitja með hendur í skauti, heldur herja á Ragnar úr öllum áttum til þess að knésetja svikamyllusvindlarapunginn í eitt skipti fyrir öll. Benni sendi Sósa þessa mynd hér til hliðar sem skósveinar hans tóku af Ragnari á framkvæmdasvæði Alcoa nú á dögunum.

Unnur Birna flytur að heiman!

Alheimsfegurðardrottningin Unnur Birna Vilhjálmsdóttir er nú flutt úr foreldrahúsum, tuttugu og fjögurra ára að aldri. Unnur Birna hefur verið í sambandi með flugmanninum Reynaldi Hinrikssyni í rúmt eitt og hálft ár.
Þau hafa þau búið í kjallaraíbúð heima hjá foreldrum Reynalds í Garðabænum um nokkurt skeið en Unnur átt erfitt með að sleppa herberginu heima hjá mömmu. Annars er það að frétta af fegurðardrottningunni að hún er nú sest aftur á skólabekk í lögfræðinám eftir að hafa starfað hjá Glitni í sumar.
Sósi tók þessa mynd af drottingunni er hún kjagaði út úr kjallaríbúðinni með hundinn Bjútí og Kórónuræksnið sem hún vann sér inn hérna um árið. Það er greinilegt að það hefur ekki væst um prinsessuna í kjallaraíbúðinni því hún hefur bætt á sig að minnsta kosti 50 kg. í vistinni. Einnig er það athyglivert að hún hefur rakað af sér fegurðardrottningarmakkann og skartar nú Kiwi kolli eins og alharðasta trukkalessa. Er Sósi spurði Unni út í klippinguna sagði hún "Æi góði látt ekki sona, þér kemur það bara ekki rassgat við" rak við og þeytti Kórónunni í áttina að Sósa sem átti fjötrum sínum fót að launa.

Unnur svona láta prinsipíur ekki!

Gamli raðar í sig hverri KFC fötunni á fætur annarri

Mikil viðbrögð hafa orðið við myndbirtingum Sósa af Gamla og Óhræsinu á kafi í KFC fötunni. Myndir af þeim skötuhjúum streyma nú inn á fréttastofu Sósa.is af þeim í sífellt verra ástandi holdafarslega séð. Sósa er dulítið brugðið en veit þó hverju um er að kenna. Gamli hefur til að mynda ekki sést í ræktinni í hálft ár og hefur í staðinn tekið upp þann ósið að úða í sig óhollustu í formi Barbeque bita á KFC í hverju hádegi. Heyrst hefur að hann hafi meira að segja raðað í sig "six-pack", en það eru sex barbeque bitar í tunnu sem aðeins þeir hörðustu láta sig dreyma um að koma niður. Heilinn kona Gamla sendi t.d. Sósa þessa mynd hér til hliðar, en þar er Gamli að raða í sig Barbeque bitum á vigtinni heima hjá sér. Ef vel er að gáð, má sjá að kallinnn er að detta í tonnið eins og Dröbban.

Ussss, djö.. er að sjá þetta

Dröbban úðar í sig KFC að Hurðarási

Þessa mynd sendi Bjarki eiginmaður óhræsisins á Sósi.is er hann sá myndina hér að neðan. Er Sósi sló á þráðinn til Bjarka þá var honum greinilega mikið niðri fyrir og snökkti í símtólið "Kellingin étur bara og étur KFC og nennir aldrei í ræktina. Þetta er allt honum Gamla að kenna því hann er alltaf að draga hana með sér á KFC í hádeginu. Ég held að kellingin sé farinn að slaga í tonnið, ég get svo svarið það" sagði Bjarki illa fyrir kallaður og útgrenjaður af áhyggjum yfir holdafari sinnar heittelskuðu. Við hér á Sósi.is óskum þess að Bjarki nái að stýra Dröbbunni inn á rétta braut og að hún nái að hafa betur í baráttunni við vambarpúkann.

Gamli orðinn KFC fíkill!

Þessari mynd náði Sósi af Gamla á KFC um helgina þar sem hann sat á sérstyrktum bás og skóflaði í sig hverjum Barbeque bitanum á fætur öðrum. Kallinn ropaði og ruggaði sér í spikinu er hann varð var við Sósa og kallaði "vert þú bara í ræktinni og vertu ekki að trufla étandi fólk kvikindið þitt" svo undirtók í Barbeque sósunni sem lak silalega niður kinnar Gamla sem greinilega má muna fífil sinn fegurri.

Gamli, farðu nú að hunskast í ræktina svo þú dagir ekki uppi eins og Gauji Litli!

Dröbban að missa sig á KFC

Sósa voru að berast þær skelfilegur fregnir til eyrna að helmingur Ljótu klíkunnar (gamli og óhræsið) væru dottin í löðrandi kjúklingaát og sæjust æ oftar á KFC sjúgandi löðrandi feita kjúklingabita, stangandi úr tönnunum með beinunum. Sósi fór því í vettvangsferð með myndavélina til að mynda herlegheitin. Er Sósi kom á KFC brá honum heldur betur í brún. Þar stóð óhræsið með fulla fötu af KFC bitum og hreinlega skóflaði í sig bitunum svo stór sá á fötunni. Dröbban hefur greinilega bætt á sig svo um munar og líklega komin yfir 100 kíló. Dröbban hefur heldur ekki sést í ræktinni svo elstu menn muna og því kannski ekki að undra þessa gífurlegu yfirþyngd. Kellingin hefur greinilega farið í brúnkusprautun til þess að reyna að hylja holdafarið en það virðist ekkert hafa virkað ef eitthvað er að marka myndina hér til hliðar. Er Dröbban varð var við Sósa með myndavélina veinaði hún "Láttu mig í friði helvítis kvikindið þitt" svo undirtók í fötunni, spikinu og brúnkunni.

Dröfn farðu nú að drífa þig í ræktina og hættu þessu kjúklingaáti!

Morðóður guðsmaður á fjöllum

Gunnar í Krossinum oftast nefndur Gunnar í Krossinum myrti sitt fyrsta hreindýr á dögunum, er hann skaut hreindýrstarf í hjartastað og það meira að segja í óþökk himnaföðursins. Himnafaðirinn húðskammaði líka Gunnar er hann heyrði skothvell guðsmannsins til himna og lét hann hafa það óþvegið.

Benni rukkari foxillur!

Hinn óstýriláti og ósvífni handrukkari Benni rukk sem einnig vann lengi fyrir sér sem handbendi djöfulsins er fjúkandi illur yfir þeirri meðferð sem hann fær í nýjasta Kompáss þættinum sem sýndur verður á Stöð 2 í vikunni. Benni sagði í stuttu spjalli við Sósa í ræktinni í hádeginu að það væri ekki sanngjarnt gagnvart sér og fjölskyldu sinni að Kompás menn væru að sýna myndir af því þegar hann var að reyna að drepa eitt af "verkefnum "sínum eins og hann orðaði svo skemmtilega. "Ég buffa bara menn sem fallnir eru á gjalddaga og þessi bévítans tittur var sko kominn á vel á gjalddaga. Ég riggaði því upp bardaga og sé ekkert eftir því." sagði Benni auminginn uppmálaður, hnikklaði punginn og sló í brýnnar eins og sönnum vaxtarræktardólg er lagið. "Ég lem ykkur öll í buff" veinaði síðan Benni yfir líkamslyktarsalinn svo söng í öllu sílikoninu og botoxinu. Benni hefur ákveðið að fara í mál við Kompás og hefur til þess fengið í lið með sér svindlaralögfræðingspunginn Villa sem ætlar sér stóra hluti í málinu. Ekki náðist í rassgatið á Villa en ritari hans tjáði Sósa að hann væri á fullu við að stela heimildum svo málareksturinn gæti hafist sem fyrst. Við hér á Sósi.is óskum Villa og Benna alls hins versta og vonum svo sannarlega að þeir fái að finna til tevatnsins sem fyrst.

Ella Illuga stungið ofan í kolabing

Sósa bárust þær skelfilegu fréttir til eyrna á dögunum að það væri búið að stinga Ella Illuga (Von Döri) í kolabing, læsa og henda lyklinum. Sósi hvetur alla sem á kettlingi geta haldið að leggjast á eitt til þess að frelsa kauða úr prísundinni. Kolabingurinn er staðsettur upp við Rauðavatn og með sameiginlegu átaki ættu svona hundrað manns að geta frelsað hann. Sósi leggur því til að við hittumst stundvíslega klukkan 9 í kvöld með kúbein og melspírur og þá ætti þetta að verða létt og löðurmannlegt. Öngvar ástæður fengust hjá ráðamönnum þjóðarinnar af hverju í andsk... honum hefði verið stungið ofan í binginn, en áreiðanlegar heimildir Sósa herma að hann hafi verið orðinn ógn við þjóðaröryggi þ.e.a.s. að hann hafi verið orðinn hinn versti lýðsskrumari.

Köttur í bóli Sósa

Sexti fjölskyldumeðlimurinn bættist við Sósa family í vikunni er kötturinn "Sófer" bættist í hópinn. Að vísu voru bara fjórir fjölskyldumeðlimir virkir er Sófer birtist, því elstu niðjar Sósa tóku þá skemmtilegu ákvörðun að flytjast að heiman í vikunni (go Stella go). Ekkert hefur spurst til þessa niðja í fimm daga og eru Sósi og Lomma alveg gapandi hissa á ástandinu.

Nýtt útlit á Sósa og Sósabloggi!

Nú geta gestir og gangandi "commenterað" á vitleysuna og jafnvel skilið eftir dónaleg skilaboð til Sósa sem tekur fagnandi á móti öllum slíkum ófögnuði.

Er allt heila klabbið að sigla í strand?

Sósa er alveg hætt að lítast á blikuna varðandi efnahagsástandið í heiminum. Það virðist sem svo að ekkert fái stöðvað skrið lausafjárkreppunnar sem fór af stað í Bandaríkjunum á síðasta ári vegna undirmálslánakrísunnar viðbjóðslegu. Þegar menn eins og Björgólfur eldri og yngri eru farnir að kveinka sér undan ástandinu þá er Sósa hætt að lítast á blikuna og heldur að best væri fyrir alla að grafa sig bara í fönn í vetur og koma ekki fram í dagsljósið fyrr en í fyrsta lagi 2010. Sósi sló á þráðinn til Bjögga eldri í hádeginu, svona aðeins til þess að tékka á stöðunni og þá hafði hann þetta um málið að segja. "Sósi minn því er nú oftast þannig farið að eins manns dauði er annars manns brauð, en það á bara ekki við núna kallinn minn" sagði Bjöggi og sýndi Sósa galtóma vasana sem lyktuðu af túköllum og tíeyringum sem fyrir löngu er foknir út í veður og vind eftir mikla sviptivinda í brókinni undanfarna mánuði.

Heimurinn að farast?

Er Sósi kom heim eftir vinnu í gær, biðu allir fjölskyldumeðlimirnir í hurðargættinu og æptu "pabbi, pabbi er heimurinn að farast?" "Hvurslags vitleysa er þetta í ykkur" sagði þá Sósapabbi og stappaði illur niður fótunum. "Hvurslags endemis þvæla er þetta og hvaðan er þessi þvæla uppsprottinn?". "Mamma sagði okkur að það gæti allt eins verið að heimurinn myndi enda í dag er strákarnir hjá LHC (Large Hadron Collider) settu öreindahraðalinnn sem verið var að byggja í Sviss í gang". "Þið vitið nú hvernig hún mamma ykkur getur látið" svaraði þá Sósi ábúðarfullur, sló sér á lær og smellti góðlátlega í góm til þess að róa krakkagemlingjana sem greinilega voru í mikili geðshræringu yfir yfirlýsingu móður sinnar. Sósi skammaði Lommukvikindið seinna um kvöldið, háttaði hana niður í rúm og flengdi hana létt á þjóhnappana í refsingarskyni fyrir ósannindin. Þó er það öllum ljóst að heimsendir verður einhvern tímann, en hvort hann sé í nánd eða ekki er allsendis óvíst. Þessi mynd hér til hliðar var tekin af Spútnik 3 er öreindahraðallinn var settur í gang í morgun, eins og sjá má þá er ekkert að óttast, alls ekkert.

Skítadjobb

Þessir blökkusurtir, maður lifandi!

Þessir Arabar eru algjörir Arabar!

Ramses II heimtu úr helju

Hinn spengilegi flóttamaður Ramses II hefur loksin verið heimtur úr helju úr vítisvist á Ítalíu að því er fréttaritari Sósa á Keflavíkurflugvelli tjáði honum á dögunum. Ramses var víst illa til reika við komuna til Keflavíkur, tekinn í andliti með skerta heyrn og illt í hálsinum. "Fjandans spagettí maulandi Ítalaskrattarnir voru búnir að dubba kallinn upp eins og hvern annan hirðingja" sagði Venesúellen Einarsdóttir velgjörðarkona Ramses úr Hvítatunnusöfnuðinum hinum síðari, greinilega guðslifandi feginn að Ramses væri komin heim til Íslands eins og hún orðaði það. Ramses sjálfur frábað sér öll viðtöl við komuna en kraup á kné og sleikti fósturjörðinu svo fast að það stórsá bæði á henni og Ramses sem fékk í þokkabót ullabjakk á tunguna að launum fyrir gjörninginn. Ramses þó!