Partýið búið!

Jónsa sem er alltaf í svörtum fötum, Adda Fannari sem er alltaf með skítamóral ásamt fleirum var sagt upp störfum í atburðardeild Glitnis banka nú í morgun. "Nú verður ekkert meira partýstand" sagði Þorsteinn Már Baldvinsson nýkjörinn stjórnarformaður Glitnis er Sósi tók hús á kallinum í árdegisbítnum sínum. "Það er búið að vera standandi partý hérna í þrjú ár og nú er mál að linni. Ölæðið hefur varla runnið af fólki en nú er komin tími til að takast á við timburmennina" sagði Þorsteinn og barði með þvílíkum látum í glerborðið að það hrykkti í stoðum bankakerfisins.
Jónsi vildi ekki koma í viðtal en vildi þó láta hafa það eftir sér að hann hefði nú séð það svartara.