Á þessari mynd sést greinilega hvernig pípurnar hafa báðar brotnað í sundur. 

Siggi í röntgenmyndatökunni. Brotið sést vel þó svo að myndin sé tekin í þónokkurri fjarlægð. 

Innlent | mbl.is | 10.1.2005 | 13:07

Annasöm helgi hjá lögreglunni í Reykjavík

Eftir hádegi á sunnudag flutti sjúkrabíll slasaðan dreng á slysadeild. Drengurinn hafði verið á skíðum í skíðabrekkunni við Jafnasel og var talið að hann hefði fótbrotnað.

Þessi frétt birtist í morgunblaðinu í morgun. Umræddur piltur er engin annar en Sigurður Óskarsson sonur minn og liggur hann nú fótbrotinn á Borgarspítalanum mikið kvalinn. Siggi fór sem sagt á skíð með vinum sínum um hádegisbil á sunnudag og ætluðu þeir að gera sér glaðan dag í brekkunum sem endaði með því að Siggi missti stjórn á skíðunum í þriðju bunu og keyrði að Högna vin sinn sem var á Stiga sleða með þeim afleiðeiðingum að báðar pípurnar í fætinum fóru í sundur fyrir ofan skíðaskó. Hann þurfti að fara í aðgerð í gærkveldi og voru settir tveir naglar í beinið til þess að halda þeim sem best á réttum stað á meðan að beinin gróa.
Hann kemur nú vonandi heim í dag og þá verða allir á heimilinu að vera extra góðir við hann. Rakel var með myndavél í vasanum þegar við fórum upp á slysó og við smelltum því af nokkrum myndum sem munu birtast hér á síðunni á morgun. Ég náði meira að segja mynd af röntgenmyndinni sem var tekin af fætinum, hún er allsvakaleg.

Skari að hella kampavíninu 

Raggi, Kalli, Elsa og Maggý 

Myndirnar úr nýjárspartýinu sem teknar voru á poloroidvélina hans Otto 

Hrikaleg mynd frá Thailandi. Þetta er ekkert annað en ömurlegt. 

Full mikið lestaður þessi! 

Nú er úti veður vont verður allt að klessu!!!!!

Miklar umræður hafa verið á milli sparksérfræðinga hér á landi sem annars staðar, um hvort að mark hafi verið skorað í leik Man United og Tottenham í fyrrakvöld. Hér upplýsist það fyrst í heimi að ekkert mark var skorað í þessum leik ef eitthvað er að marka myndina hér að ofan.

Þeir sem ekki fangu jóla og nýjárskort frá okkur fjölskyldunni fá það hér með. 

Mikil nýjársgleði var haldin á Njarðargötunni á nýjársdag. Þar mætti prúðbúið fólk með það eitt að leiðarljósi að skemmta sér og það ærlega. Gestir stóðu við stóru orðin og skemmtu sér konunglega en eitthvað fór áfengið öfugt ofan í suma því þeir skemmtu sér svo mikið að hurðar, stólar og jólatré fjölskyldunnar fengu að kenna á því óþvegið. Nokkrar skræpur læstus inni á klósetti og hreinlega töpuðu sér af því að þær voru þar með útilokaðar frá frekari þátttöku í nýjársgleðinni og létu reiði sína bitna á klósetthurðinni svo stórsá á. Húsráðandi þurfti því að grípa til neyðarúrræðis og blés því til stórsóknar gegn hurðinni sem skildi að villidýrinn á kamrinum og aðra veislugesti. Hurðinn lét að lokum í minnipokann gegn þessum stöðugu árásum úr báðum áttum og lyppaðist í gólfið kvikindunum á kamrinum til mikillar gleði. Þetta var annars alveg feiknagott partý en sumir fóru kannski einum of geyst í ölið. En batnandi mönnum er best að lifa. 

Jæja þá er nýtt ár gengið í garð með nýjum fyrirheitum. Ég las stjörnuspánna um þessi áramót eins og ég geri alltaf og gat þá ekki betur séð en að árið yrði allra best fyrir þá sem eru fæddir í tvíburamerkinu. Rakel loðm. er tvíburi þannig að ef 10% af því stenst sem stendur í stjörnuspánni þá er hún í góðum málum. Í minni stjörnuspá kom einungis fram að ég fengi nóg að ...íða á því herranns ári 2005. Það verður því nóg að gera hjá Kelu loðm á nýju ári.

Samkvæmt kortinu hér að neðan þá hef ég komið til 17 landa á ferðalögum mínum um ævina. Það segir mér að ég hafi heimsótt 7% þeirra landa sem eru á kortinu.

create your own visited countries map
or vertaling Duits Nederlands

Rakel og Mamma í eldhúsinu á aðfangadag! 

Úpps, vitlaus mynd. Hér kemur SAGA mín. 

Gvöð hvað það er nú miklu skemmtilegra að vera með myndir á bloggsíðunni sinni. Rakel konan mín er ekki með neinar myndir á sinni bloggsíðu, enda er hennar síða miklu ljótari en mín. Ég mun vera með að minnsta kosti eina mynd með hverri færslu inná síðuna. Hérna er til dæmis mynd af henni SÖGU þar sem hún er að glugga í íslenskar bókmenntir, svei mér þá ef hún ætlar ekki að verða alveg eins og mamma sín. 

Siggi flottur í nýju jakkafötunum sem hann valdi sjálfur. Hann var miklu flottari en pabbi sinn, sem má muna sinn fífil fegurri. 

Saga sæta eftir jólabaðið! Hún var ekki kát með að vera rifin uppúr baðinu og vafin inn í handklæði í músarlíki.