Pétur Hafliðason ostaskurðmeistari úr Hafnarfirði lenti í þeirri óskemmtilegu reynslu um helgina, að það kviknaði í potti hjá honum er hann var að sjóða lummur fylltar með ansjósum. Mikill eldur braust út í kjölfarið og átti Pétur fjötrum sínum fót að launa er hann endasentist út úr eldhúsinu. "Þetta var alveg svaðalegt mar. Lummurnar voru alveg að verða tilbúnar og þá gaus þessi svaðalegi eldur upp úr pottinu. Ætli það hafi ekki verið helvítis ansjósurnar sem kveiktu í lummunum sem kveiktu í gardínunum sem kveiktu í innréttingunni." sagi Pétur við fréttaritara Sósa í Hafnarfirði. Pétur reyndi að slökkva eldinn með hlandkoppi sem hann fékk í vöggugjöf frá ömmu sinni, en hafði ekki erindi sem erfiði. "Það var hland í koppnum, svo ég skvetti því bara á eldinn. En við það magnaðist bálið til mikilla muna. Ég hef verið slæmur í blöðrunni í mörg ár og þvagið lyktar eins og azinton. Þetta var kannski ekki það gáfulegasta sem ég gat gert, en ég verð víst að míga í súra keppi og sætta mig við það að íbúðin er ónýt." sagði Pétur ostaskeri að lokum, miður sín og hálf volandi utan í fréttaritarann.
Engin ummæli:
Skrifa ummæli