Jóhannes í Krónus er genginn í trúfélagið Krossinn samkvæmt leynilegum upplýsingum sem borist hafa Sósa til eyrna. "Ég er og hef alltaf verið alger engill" sagði Jóhannes er Sósi sló á þráðinn á honum í morgun. "Ég hef aldrei gert neitt við neinn sem aldrei hefur gert neitt við mig eða fyrir mig " sagði Jóhannes algerri englaröddu í símann er Sósi spurði hann hvort hann hefði ekki eitthvað á samviskunni í sambandi við reksturinn á Baugi. "Þú getur sveiað þér uppá það að ég og minn sáluhjálpari og sonur til margra ára höfum ávallt komið fram við alla þá sem einhvern tímann hafa komið við okkur, að á þeim hefur verið tekið með englafingrum, þeir leiddir inn í ljósið með silkihönskum og þeirra sálarró ekki raskað á nokkurn þann hátt sem komið hafa við kauninn á nokkrum manni" sagði Krónus postuli í lok símtals og hló svo tryllingslega í símtólið að Sósa varð ekki um sel. Sósi og blaðamannaher hans fundaði um þessa brjálæðislega hegðun Krónusar í morgun og kvað upp þann dóm að kallinn væri búin að missa það!
Engin ummæli:
Skrifa ummæli