Annþór snýr við blaðinu

Innheimtumaðurinn Annþór Karlsson hefur hafið störf hjá innheimtufyrirtækinu Intrum Justitia og mun þar fyrst um sinn sjá um símrukkanir. "Það er mikill akkur fyrir okkur að fá Annþór til liðs við okkur enda einn öflugasti rukkari landsins" sagði Veturliði Hafsteinsson starfsmannastjóri við fréttamann Sósi.is nú í morgun. "Ég lét bara kylfu ráða kasti og ákvað að kýla á þetta þegar mér bauðst þessi vinna. Nú er bara að standa sig og berja niður alla fortíðardrauga sem ég hef verið með í eftirdragi í mjög langan tíma og fara að raka inn péningum á heiðvirðan hátt" sagði Annþór í spánnýrri rúllukragapeysu og ilmandi af kölnarvatni. Samkvæmt áreiðanlegum heimildum Sósa þá mun Annþór verða með 300 þús kall á mánuði í laun fyrsta mánuðinn og 10 þús. kall aukreitis fyrir hverja jákvæða símrukkun. Kallinn ætti því ekki að vera á flæðiskeri staddur og ætti samkvæmt útreikningum Íbúðalánasjóðs að geta keypt sér íbúð með eldhúsinnréttingu og allt.

Kastró hættur

Vindlaspúandi commonistinn, uppistandarinn og uppreisnarseggurinn Fidel Castró hefur sagt starfi sínu lausu sem harðstjóri á Kúbu. Í stuttu spjalli við Sósa nú í morgun sagðist Kastró ekki vera búin að gera upp við sig til hvaða starfa hann myndi hverfa, en hann væri með nokkur áhugaverð tilboð á borðinu sem hann væri að skoða. Kastró sem nú liggur á meltuni og hugsar sinn gang á eyjunni Súmötru sagðist vera mikill aðdáandi Bubba Morthens og að hann hlustaði oft á lagið "Stál og knífur" áður en hann færi að sofa á kvöldin.
Kastró bað að heilsa öllum á Íslandi og sendi stuðkveðjur úr sólinni á Súmötru.





Kastró flatmagandi í sólinni á Súmötru

Annþór reyndi að flýja úr skápnum!

Hér til hliðar má sjá mynd sem fréttaritari Sósa í Mosó náði af því er innheimtumaðurinn Annþór reynir að komast undan lögreglunni á hlaupum út úr skápnum sem hann hafði haldið til í eftir flóttann úr tugthúsinu. Ef spá má í svipinn á kauða virðist hann vera dauðskelkaður, illa til reika, geðillskan uppmáluð og banhungraður eftir vistina.

Þið sjáið það fyrst á Sósi.is

Leibbi Lomm a meikaða?

Hin víðfræðgi og gamansami stuttmyndaleikari Leibbi Lomm fékk nú á döginum sitt fyrsta stóra hlutverk í kvikmynd í fullri lengd, er hann hampaði hlutverki í nýrri kvikmynd eftir Adam Ant. "Adam hringdi bara í mig upp úr þurru og bauð mér þetta hlutverk, hafði víst séð mig í Mottunni og látið sér vel líka. Ég tók auðvitað hlutverkinu fegins hendi enda Adam hreinræktaður snillingur. Ég fer með hlutverk samkynhneigðs lögregluþjóns sem finnst gaman að gera bomsarabomm þegar hann er í vinnunni, en annars má ég ekki segja neitt frá frekara innihaldi myndarinnar á þessari stundu" sagði Leibbi er Sósi sló á þráðinn til hans þar sem hann var við tökur í Drápuhlíðinni.

Dirty weekend í London

Sósi gerði þau afdrifaríku mistök á dögunum að þiggja boð auðjöfursins Elíasar Von Illugasonar um helgarferð til London. Elijha eins og hann fer fram á að vera kallaður þessa dagana (segist vera af gyðingaættum) hreinlega fór hamförum um helgina og var ógislega dörí, görí og dirty við alla sem hann hitti og gjörsamlega óþolandi í allri almennri umgengni á meðal fólks. Hér til hliðar sést hann ógislega dirty á Hótelbarnum þar sem hann var að gera alla vitlausa. Elijha var meira að segja görí víð krúttdrusluna Amy Winhouse sem má ekki vamm sitt vita.

Lomman í 1. sæti á Dalvík

Lommuhelvítið nældi sér í gullpéning á árlegu skíðamóti sem haldið var á Dalvík um helgina er hún tók þátt í svigmóti 10 ára og yngri. Einhvern vegin í fjáranum tókst kellingunni að villa á sér heimildir og vinna með sviksamlegum hætti til fyrstu verðlauna og óskum við hér á Sósi.is henni hjartanlega til hamingju með svikaráðin. Hér til hliðar má sjá Lommuna taka við verðlaunakransinum sem fylgdi gullinu en hann var um einn fermetri að stærð. Að sjálfsögðu skartaði Lomman gríntönnunum sínum sem hún notar óspart við hin ýmsu tilefni þ.a.m. við verðlauna afhendingar.

Skíðaferð til Dalvíkur

Sósi, Lomma, Saga og hin krakkaófétin (ásamt kærasta ófétinu sem Stefanía er með í eftirdragi) skelltu sér á skíði til Dalvíkur síðastliðna helgi og heppnaðist ferðin svona líka sérdælis vel. Lommukvikindið sló í gegn í brekkunum í gömlum skíðasamfestingi af mömmu sinni sem hún heimtaði að taka með. Lomman neitaði síðan að fara úr helvítis pokanum alla ferðina og svaf meira að segja í honum í efri koju alla ferðina (fór meira að segja í honum í vinnuna í morgun). Ekki veit Sósi hvað henni gekk til með þessum fíflagangi en það ljómaði þó af Lommunni alla helgina og það er fyrir öllu. Sósi vonar til Guðs að hún fáist til þess að fara úr fjárans samfestingum í lok vikunnar en er þó ekkert sérstaklega vongóður.

Annþór fannst illa til reika í kústaskáp í Mosó

Samkvæmt áreiðanlegum heimildum Sósa þá hefur strokufanginn Annþór verið hnepptur á ný í varðhald, en hann fannst í felum inni í kústaskáp í híbýli í Mosfellsbæ. "Við fundum hann vafinn inn í svartan ruslapoka inni í kústaskáp skjálfandi á beinunum grey kallinn. Við þurftum að eins að dextra hann, til þess að ná honum út, strjúka honum um bakið og sona. Gáfum honum síðan flóaða mysu og kanilsnúð og þá hresstist hann til muna. Hann veitti öngvan mótþróa og var bara mjög stilltur þegar við suðum á hann kúluna að nýju" sagði Karl í Krapinu, varðstjóri á vakt í stuttu spjalli við Sósa í gegnum síma frá Dalvík.

HANDRUKKARI ÍSLANDS ER STROKINN

Skallapopparinn, handrukkarinn, ódámurinn og siðleysinginn Annþór Magnússon strauk í morgun úr fangelsinu við Hverfisgötu í morgun. Lögreglan segir að flóttin hafi verið þaulskipulagður og við fyrstu sýn virðist sem svo að Annþór hafi útbúið sér kaðal úr tannþráði og sagað rimla úr glugga með naglaþjöl sem hann fékk senda með rúnstykki í morgun. Löggan bindur þó vonir um að hann komist ekki langt enda ennþá með kúluna fasta við vinstri fót sinn. Löggan vill beina þeim eindregnu tilmælum til þeirra sem á vegi hans kunna að verða, að halda sig frá honum og alls ekki gefa sig á tal við hann. "Annþór er mjög hættulegur umhverfi sínu og þyrfti í rauninni að fara í umhverfismat með öllu tilheyrandi" sagði Löggimann við Sósa á strokustað í morgun.

Kollvörpun hjá gamla góða Villa

Hárkollusnúðurinn Vilhjálmur Vilhjálmsson fyrrverandi og verðandi borgarstjóri í Reykjavík, hefur tekið þá lesbísku ákvörðun að skipta út gömlu góðu hárkollunni fyrir þessa sem sést hér á myndinni til hliðar. Sósa lá forvitni á að vita hverju sætti og sló því að þráðinn til kauða. "Ég er nú bara að reyna að flikka svolítið upp á lúkkið og reyna að skapa mér nýja ímynd, ekki veitir víst af" sagði Villi hálf volandi í tólið, enda ekki átt sjö dagana sæla upp á síðkastið karlskömmin. Sósi er ekki frá því að þetta eigi ekki eftir að hjálpa karlálftinni neitt á þeirri vegferð sem hann er á beinustu leið til glötunar.

Danir snúast til varnar

Sósi er mjög ánægður með það að frændur vorir Danir láti ekki morðhótanir heittrúaðra múslima yfir sig ganga þegjandi og hljóðalaust. Nú hafa þrjú dönsk blöð ákveðið að birta aftur myndirnar af Múhameð spámanni sem birtust í dönskum blöðum árið 2006 til þess að mótmæla því skelfilega ráðabruggi sem upp komst á dögunum um að nokkrir heittrúaðir Mússar
ætluðu sér að afhausa höfund skopmyndana.

Hér til hliðar sjáum við þá grafa mömmu sína lifandi uppá grín.

Amy Winehouse með Sósa og Lommu í Londres

Söngdívan Amy Winehouse gisti á sama hóteli og Sósi og fylgdarlið hans í London nú um helgina og lét víst vel af dvölinnni. Amy sem nýverið stofnaði sitt eigið brugghús "Amys Winehouse" var mjög "dirty?" alla helgina, sagði "hæjj" og var mjög glaðvær enda nýkomin úr meðferð. Á myndinni hér til hliðar sést Amy fá sér vænan smók fyrir utan Riverbank Park Plaza á leiðinni til Riverbank Studios þar sem hún var viðstödd (online) afhendingu Grammy verðlaunanna þar sem hún hampaði fimm stykkjum. Amy sagði í stuttu spjalli við Sósa að henni langaði mjög að koma til Íslands því hún hefði heyrt að þar væri mikið partýstuð og allir ógeðslega "Gurdý".

Öskudagur

Í dag er Öskudagur og því klæddu íbúarnir að Fossagötu 8 sig í Öskudagsbúninga í tilefni dagsins. Litla Lomma fór sem senjoríta , Geðsiggi sem eitthvað kvikindi, Sósi fór sem Sósi, Stebba Lomm sem gemlingur og Lommukvikindið sem flugfreyju- kennslukonu- töframanna- ofurhetju eitthvað.

Haldið þið að það hafi verið upplitið á strákunum hjá Samtökum Iðnaðarins þegar Lomman mætti í dressinu í morgun. Sú á eftir að láta þá skríða fyrir sér í allan dag.

Ástþór kemur til dyranna eins og hann er klæddur

Ástþór Magnússon boðaði til enn eins blaðamannafundar í morgun að heimili sínu að Skarfaskeri 11 í morgun. Fréttaritari Sósa á þessum slóðum var að sjálfsögðu mættur á svæðið ásamt einum blaðburðardreng til þess að hlýða á það sem erfðaprinsinn hefði að segja.
"Ég kem alltaf til dyranna eins og ég er klæddur" var það eina sem Ástþór lét hafa eftir sér er hann birtist skyndilega í hurðargættinu íklæddur gulum bíla náttserk og skellti svo aftur hurðinni svö söng í öllu tréverki í nálægum húsum.

Hvað er eiginlega að manninum?

Siv er óánægð með brjóstin

Alþingisfrúnni Siv Friðleifs finnst brjóst sín allt of stór, þrátt fyrir að hún hafi látið minnka þau í desember síðastliðnum. Sif sem réttu nafni heitir Björg Siv Juhlin Friðleifsdóttir, hafði ætlað að fara úr stærð 32G niður í 32C. Þegar bólgan hjaðnaði og marið hvarf kom hinsvegar í ljós að þau voru enn í stærð 32F. Siv segir í viðtali við Séð&Heyrt að hún sé hundóánægð með brjóstin. Þau séu allt of stór og hangi of langt niður þegar hún stendur. Fjölskylda og vinir hafi skoðað þau og verið sammála. Hún ætlar því að fljúga aftur til Vestmannaeyja og leggjast aftur undir hnífinn. En þó skipt hafi verið um fyllingar í brjóstunum ætlar hún ekkert að henda þeim gömlu. Hún og eiginmaðurinn, Þorsteinn Húnbogason, geyma þær í peningaskáp á heimili sínu. Ástæða þess mun fyrst og fremst vera fjárhagsleg. Hjónakornin ætla að selja þær fyrir milljón kall, og gefa tíu prósent ágóðans til góðgerðarmála.

Bobby á lífi?

Sósa var rétt í þessu að berast mynd af Bobby Fischer berrössuðum í Helikopter með dúndrandi st........ Þetta gefur til kynna að kallinn sé alls ekki kominn undir frosna torfu eins og áður var talið.

Seðlabunkastjóri búinn að fá nóg




Davíð Oddsson Seðlabunkastjóri brýnir fyrir fólki að láta nú af allri óþarfa eyðsluneyslu og þreyja Þorrann ella hljóta verra af. Davíð sagði í stuttu spjalli við Sósa að ástandið í þjóðfélaginu væri allsendis óviðunandi og að hann ætlaði sér einn og óstuddur að berja niður með harðræði ef þyrfti, allt spenderí (eins og hann orðaði það), í eitt skipti fyrir öll.


"Það eru margir orðnir ansi vambmiklir í þessu þjóðfélagi og það verður ekki liðið á meðan ég ríð hér músum" sagði Davíð hnikklaði bumbuna, glotti við tönn og skellti á eftir sér hurðinni í peningageyminum svo undirtók í þjóðfélaginu.

Bobby Fischer reiður velvildarmönnum sínum!

Samkvæmt heimildum Sósa þá er þessi mynd sem Sósi náði af Bobby í heita pottinum í Laugardalslauginni fyrir skömmu, sú síðasta sem tekin var af honum í lifanda lífi. Á myndinni sést Bobby æsa sig við velunnara sína í Velvildarvinafélagi Bobby Fischers sem staddir voru á mánaðarlegum fundi í heita pottinum í Laugardal. Umræðuefnið var víst hvar jarða ætti kallinn er hann félli frá og hver ætti að fá peningana hans er hann væri allur. Velunnararnir voru hálfskömmustulegir eftir reiðilestur Bobbys og roðnuðu niður í rassgat.

Saltkjöt og baunir túkall!

Einn af uppáhaldsdögum Sósa á árinu er Sprengidagur, því þá má Sósi slafra í sig eins mikið af baunum og brimsöltu kjöti sem honum lystir.

Þegar Sprengilomma setti baunirnar í pott í morgun og lét malla í dágóða stund, þöndust Sósanasir út og Sósi hnusaði út í náttmyrkrið svo jóreykinn lagði frá vitum hans og sveittur makkinn reis á höfði hans í spenningi fyrir atinu sem framundan er.

Djöfuls... fyllerí alltaf hreint þarna austur frá!

Sósi hefur nú séð ýmislegt í gegnum tíðina er lítur að áfengisneyslu, en þetta slær öllu við.

http://www.youtube.com/watch?v=AKaR5nJg-qo&eurl=http://singerspace.blogspot.com/2008/01/drunk-carmen.html

John Fortune & John Bird tala um markaðinn ofl. on the South Bank Show (skylduáhorf)

http://youtube.com/watch?v=SJ_qK4g6ntM&feature=related

Nú veit Sósi ekki hvort hann á að fara að gráta eða hlæja!



http://www.freyja.is/kraftur/

SVONA GERAST KAUPIN Á EYRINNI!

Elli kominn í álnir

Sósi hefur það frá fyrstu hendi að Elli Illuga sé búin að græða síljón kall á verksmiðjukaupum í Búlgaríu. Elli keypti á dögunum skóverksmiðju sem rekin hefur verið með tapi í 50 ár, en Ella tókst með mikilli útsjónarsemi að snúa rekstrinum við með því að hefja framleiðslu á laufbrúnum spariskóm sem hann taldi að myndu verða hittari. Þar veðjaði kallinn á réttan hest, því þeir laufbrúnu hafa rokið út eins og sveittar lummur og menn eins og Donald Trump, Bono og David Beckham hafa sést spóka sig í laufbrúnum frá Búlgaríu. Á myndinni hér til hliðar sjáum við Ella með silljónina á Wall Street, að sjálfsögðu í laufbrúnum.

Litla hafmeyjan komin í leitirnar

Sósa voru að berast þær fréttir að vísindamenn hjá hinni virtu geimferðarstofnun NASA hefðu fundið styttuna af Litlu hafmeyjunni á pláhnetunni Mars. Hafmeyjan hefur verið týnd í þónokkurn tíma og ekkert hefur til hennar spurst, en hún er nú komin í leitirnar. Ekki eru menn á eitt sáttir hvernig í fjáranum styttan komst alla þessa leið, en líklegasta skýringin þykir þó sú að íslenskir athafnamenn hafi verið að gera djók í frændum sínum dönum, sem hafa um nokkurra ára skeið látið eins og Þrándur úr Götu og nýtt hvert tækifæri sem gefist hefur til þess að bregða fyrir þá fæti í útrás sinni í Danaveldi. Er Sósi bar þessar fréttir undir einn viðskiptamógúlinn í heitapottinum í morgun, brosti hann út í annað og sagði "djös djókur mar".

Sósi sendi tölvupóst á verðbréfamiðlarann sinn í morgun og spurði "hvernig er staðan?"

Miðlarinn svaraði um hæl "þetta er staðan"

Operation Desert Storm

Jason Stewart searches Iceland for the missing coalition of the willing (smellið á linkinn hér að neðan)

http://www.thedailyshow.com/video/index.jhtml?videoId=148212

framhald 23.01.08

Ólafur strengjabrúða bláu handarinnar

Sósi hefur einnig fyrir því heimildir að Ólafur F. Magnússon verðandi borgarstjóri sé einungis strengjabrúða í pólitískri refskák Sjálfstæðisflokksins til þess að sölsa undir sig völdum á ný í borginni, og að arkitektinn af þessari fléttu sé Davíð nokkur Oddsson húsvörður í Seðlabanka Íslands. Er Sósi leitaði eftir viðtali við Dabba neitaði hann því og sagðist ekki koma með yfirlýsingar í víðlesnasta og langhættulegasta vefmiðli landsins og eiga það á hættu að verða vinsæll á ný. Hann vildi þó koma því á framfæri að hann og Villi myndu frumsýna nýja borgarstjórann á morgun og að það yrði mikið sjónarspil.

Hin fimm fræknu í ólgusjó

Sósi hefur fyrir því áreiðanlegar heimildir að upplausn ríki nú í borgarstjórnarflokki Sjálfstæðisflokksins, og að hin "Fimm fræknu" Hanna, Fífill, Gísli, Kjarri og Tobba séu að brugga launráð gegn Villa Vill.

"Við ætlum að róa honum út á ballarhaf, henda honum útbyrðis og skilja hann þar einan eftir. Hann fær ekki einu sinni kút til þess að halda sér á floti, fjandans hárkollusnúðurinn" sagði Gísli Marteinn talsmaður "Fimm" hópsins í stuttu viðtali við Sósa er hann var að gera bátinn klárann í Reykjavíkurhöfn í morgun.

"Það er einnig von á bók frá okkur þar sem ekkert verður dregið undan í viðskiptum okkar við hárkollupunginn" sagði Gísli að lokum, lafmóður við að ýta úr vör.

Fólk er fífl!

Djös.. snillingar þessir stuðningsmenn Bobby Fischers heitins, blessuð sé minning hans. Þeir vildu í alvöru að geðbilaði gyðingahatarinn Bobby yrði grafinn í þjóðargrafreit okkar Íslendinga, við hliðina á Jónasi Hallgrímssyni og Einari Ben. Sósi á bara til þrjú orð sem aldrei hafa verið eins við hæfi og núna "fólk er fífl".

Björn Ingi í milljón króna Boss jakkafötum

Björn Ingi Hrafnsson eða "Bingi Boss" eins og hann er nú kallaður á meðal flokksbræðra sinna, keypti sér milljón krónu Boss jakkaföt hjá Sævari Kalli í aðdraganda síðustu borgarstjórnarkosninga og borgaði herlegheitin úr kosningasjóði flokksins. Sósi tók hús á Binga nú í vikunni og spurði hann hvort að honum þætti þetta eðlilegt. "Já blessaður mar, það gera þetta allir, spurðu bara Sarkósí, Júlíaní, Lenín og alla þessa kalla, þeir hafa aldrei borgað krónu í fataleppa, allavega ekki svo ég viti til" sagði Bingi og glotti viðbjóðslega við tönn svo skein í fúlan tanngarðinn. " En átt þú þá ekki að gefa þetta upp til skatts spurði þá Sósi. "Skatts, hvað er nú það, eru það einhver góðgerðarsamtök? Nei, ég kaupi jóladagatal einu sinni á tveggja ára fresti og læt það nægja til þess að friða samviskuna" sagði Bingi að lokum skælbrosandi í Framsóknarfötunum.

Raunveruleikin í borgarstjórn Reykjavíkur næstu þrjú árin!

Ólafur F. Magnússon nýr borgarstjóri Reykvíkinga

Sósa bárust þær dapurlegu fréttir að Ólafur F. Magnússon gamalt og úr sér gengið hirðfífl úr Sjálfstæðisflokknum væri orðinn borgarstjóri. Sósa rann kallt vatn milli skinns og hörunds er hann heyrði tíðindin, og sér ekki hvernig það á að verða til framdráttar fyrir borgina að þetta hirðfífl taki við stjórnartaumunum. Sósi veltir því fyrir sér hvernig andrúmsloftið verði á borgarstjórnarfundum þegar Ólafur er ekki mættur á réttum tíma og telur að ófáar mínúturnar fari í það að stara á hurðina og vona til guðs að Óli mæti á svæðið því annars er meirihlutasamstarfið sprungið.
Hvaða endemisþvæla er þetta í honum Vilhjálmi að vera að spyrna sig saman við þennan óörugga og taugaveiklaða lækni sem á hvergi höfði sínu að halla og stendur nú einn úti á miðju túni með brunna sinu allt í kringum sig.

Guðni blæs á óeiningu innan flokksins

Guðni Ágústsson formaður Framsóknarflokksins hló upp í opið geðið á fréttaritara Sósi.is er hann var spurður út í erjurnar sem hafa riðið húsum innan flokksins síðustu daga, þar sem hann var staddur í Bláfjöllum um helgina að draga barnabörnin sín á sleða. "Strákarnir eru bara aðeins að blása" sagði Guðni og hló eins og hross svo undirtók í brekkunum.

Sósi er farinn að fá sér bjór!

Týndir!

Íslenska landsliðið byrjaði á því að skíta í deigið í fyrsta leik sínum á EM í Noregi gegn Svíum. Leikmenn íslenska landsliðsins voru hreinlega týndir og tröllum gefnir og var rétt eins og þeir væru í feluleik og skíthræddir við að sýna sitt rétta andlit. Holdgervingur Svíagrýlunnar, Thomas Svensson, sem fyrir löngu er komin á ellilífeyris og örorkubætur hræddi líftóruna úr heltönnuðum, tattúveruðum og vel greiddu íslensku víkingunum sem aldrei sáu til sólar í leiknum. Svíar komust á tímabili 10 mörk yfir okkur frónverja og hreinlega söltuðu okkur ofan í tunnu og hleyptu okkur aldrei upp þaðan aftur (Sósi var reyndar búin að spá fyrir um ósköpin). En betur má ef duga skal og er Sósi á því að "strákarnir okkar" finni leiðina að sigri gegna Slóvökum og valti síðan yfir Frakka í lokaleik okkar í undanriðlinum.

..og enn af Ástþóri

Hinn vambmikli og valdasjúki ástmögur þjóðarinnar númer eitt, Ástþór Magnússon er nú á atkvæðaveiðum vítt og breitt um landið, þar sem hann freistar þess í gervi trúðs, að safna nógu mörgum undirskriftum svo framboð hans til forseta teljist gott og gillt. Þessi mynd af Ástþóri var tekin á Kaffi Krók í gærkveldi en þar gerði Ástþór víst allt vitlaust með fíflagangi sem endaði með því að kveikt var í kofanum til þess að svæla kvikindið út.

Allt í klósettinu

Þessi mynd birtist á heimasíðu skemmtistaðarins Kaffi Viktor nú um helgina, en á henni sést fjárfestirinn og lífskúnstnerinn Elías Von Ebeneser Illugason hálf vælandi á dansgólfinu, enda bárust fréttir fyrr um daginn að markaðurinn væri á leiðinni í klósettið og það ætti í raun og veru bara eftir að sturta niður. Eins og flestir vita þá hefur Elli verið drjúgur á markaðnum og vel gíraður í þokkabót og því ekki upp á honum typpið þessa dagana.

Algjör api í forsetaframboði

Tómatsósutrúðurinn og atvinnuvitleysingurinn Ástþór Magnússon, sagðist á blaðamannafundi nú í dag standa við þær yfirlýsingar sem hann hefur sett fram í fjölmiðlum, um að hann ætli sér að verða næsti forseti Íslands. Ljósmyndari Sósi.is tók þessa mynd af Geggjagaur á fundinum þar sem hann neitaði að hlusta á spurningar blaðamanna og lét alveg eins og api.

Geggjagaur í forsetaframboð

Ástþór Magnússon (friður 2000, geggjagaur, tómatsósukallinn) hefur nýverið sent frá sér yfirlýsingu þess efnis að hann ætli sér í forsetaframboð gegn Ólafi Ragnari í þriðja sinn. Ekki er nú öll vitleysan eins, er öngvin leið að stöðva þennan brjálæðing?

Áramótaskaupið vonbrigði

Mikið fannst Sósa áramótaskaupið slappt í ár. Það átti góða spretti en náði einhvern veginn aldrei neinu flugi. Langdregna Lost-grínið með týndu útlendingana var svo lélegt að allt annað í skaupinu hreinlega týndist. Sósa finnst yfirleitt allt fyndið sem Jón Gnarr kemur nálægt en hans húmor virtist vera víðs fjarri. Það er í rauninni alveg ótrúlegt að það skuli vera sömu aðilar sem komu að skaupinu og Næturvaktinni.

Sósi óskar öllum landsmönnum til sjávar og sveita gleðilegs nýs árs og farsældar á komandi ári.

Myndin hér til hliðar er tekinn á nýjarsdansleik Sósa.is sem haldinn var í Smáralindinni. Sósi og Lomma voru þau einu sem létu sjá sig að þessu sinni og þykir Sósa það miður. Líkleg skýring fyrir mætingarleysinu þykir þó vera sú að það gleymdist að auglýsa dansleikinn. Sósi og Lomma skemmtu sér engu að síður vel á þessum fyrsta degi ársins, og dönsuðu langt fram á nótt.

Þetta kallar maður að vera á skallarassgatinu!

http://www.69.is/openlink.php?id=101591

ohh hvað þeir eru krúttlegir

Sósi óskar öllum til sjávar og sveita, hvað sem þeir heita gleðilegra jóla og farsæls komandi árs.

Gangið hægt um gleðinnar dyr elskurnar mínar og verið góð við menn og málleysingja yfir hátíðarnar.
Sósi kemur ferskur inn á nýju ári með glænýtt efni sem mun valda upplausn í þjóðfélaginu, so stay tuned and focused.

PS. Munið síðan að slökkva á öllum kertum áður en þið farið að sofa og látið það verða ykkar síðasta verk fyrir jólinn að kaupa slökkvitæki og reykskynjara ef þið eruð ekki þegar búin að því.

Mikið að gera hjá Ella

Eins og flestir vita, þá hefur verið mikið að gera hjá Elíasi undanfarna mánuði við að brjóta niður helstu hlutabréfamarkaði heims og byggja þá upp aftur, með það eitt að leiðarljósi að hámarka ágóða sinn í þessum harða heimi viðskiptanna. En nú hefur Elli einn síns liðs komið af stað heimskreppu sem sér ekki fyrir endann á. Mikið hefur verið að gera hjá Ella við að svara í símann, þar sem miðlarar héðan og þaðan reyna að afla skýringa á því hvernig einn maður getur staðið fyrir þvílíkum darraðardansi á mörkuðum með einungis hundraðþúsundkall til þess að spila úr. Hér til hliðar má sjá mynd af Elíasi þar sem hann svarar í símann staddur í New York með allt niður um sig (Lulli á hugmyndina að gemsaklefanum).

Þar skall hurð nærri hælum

Smyglarar skutu á þyrlu jólasveinsins

Dópsmyglarar í borginni Rio de Janeiro í Brasilíu hófu skothríð á þyrlu sem var með jólasvein innanborðs. Var hann á leið til einna af fátækari hverfum borgarinnar til að færa börnum þar gjafir. Smyglararnir héldu að um þyrlu á vegum lögreglunnar væri að ræða og skutu því í átt að henni. Allir sluppu ómeiddir frá atvikinu, en byssukúlurnar gerðu tvö göt á eldsneytistank vélarinnar.
Skotárásin kom ekki að sök, því sveinki heimsótti börnin í hverfinu og gaf þeim gjafirnar. Í samtali við brasilísku sjónvarpsstöðina TV Globo játaði hann þó að hann hefði óttast að þyrlan myndi brotlenda. Hann náði aftur á móti ró sinni á ný þegar hann sá hversu yfirvegaður flugmaðurinn var.

Voru hreyndýrin með gubbupest?

Mynd ársins að mati Unicef

Stálu fæti af helgum manni

Helgur maður á Indlandi er að ná sé á sjúkrahúsi eftir að tveir menn réðust á hann og skáru af honum hægri fótlegginn fyrir neðan hné og stálu honum. Yanadi Kondaiah er áttræður helgur maður sem hélt því fram að þeir sem snertu fótlegg hans hlytu blessun.
Þjófarnir hittu Kondaiah í þorpi nærri borginni Tirupati og báðu hann um að nota náðargáfu sína til að hjálpa sér. Þeir helltu hinn helga mann fullan í útjaðri þorpsins og skáru af honum fótlegginn með sigð eftir að hann hafði misst meðvitund af drykkju.
Litlu munaði að hinum helga manni blæddi út en honum var komið á sjúkrahús þar sem hann er á batavegi.
Samkvæmt Ananova fréttavefnum sagðist Kondaiah ekki skilja hvers vegna mennirnir réðust á hann með þessum hætti. „Ég hef ávalt verið góður við aðra og hjálpað öllum sem til mín leita. Hvernig stendur þá á því að ég lendi í þessu?” Var haft eftir hinum helga manni.

Lomman grínar út í eitt

Ef einhver skyldi ekki vita það, þá er Lomman mikill grínari, en í sumar þá fór kellingin eiginlega langt út fyrir öll þau mörk sem kalla má grín eða spé, þegar hún í tíma og ótíma var með eitthvað andsk... tippagrín. Sósi birtir hér nokkrar myndir sem sýna á hvað plan grínið er komið hjá Lommunni.

Þess má geta að Lomman er farin að vinna í gróðrastöðinni ÖSP um helgar, guð má vita af hverju.

...og enn er kellingin í gríngírnum

...Lomman óstöðvandi í gríninu

Lomman farin að vinna hjá Samtökum Iðnaðarins

Eins og flestir landsmenn vita, þá hóf frú Loðmfjörð að starfa hjá Samtökum Iðnaðarins ekki alls fyrir löngu. Þar unnir hún hag sínum vel og og hefur ekki út á neitt að setja. En í stuttu samtali við Sósa uppi í rúmi í gær sagði hún að kaffitímarnir væru soldið öðruvísi en hún ætti að venjast, þ.e.a.s. að í kaffitímunum væri bara alls ekki drukkið neitt kaffi, heldur þömbuðu allir Kók út í eitt. Sósi mætti því með vélina á kaffistofu SI nú í morgun og smellti þar þessari mynd af Lommunni þar sem hún sat og sötraði kók með vinnufélögum sínum.

Svindlari dauðans

Sósi fór með Lommunni sinni í pool um helgina og ætlaði að salta kellinguna í eitt skipti fyrir öll. Kellingin aftur á móti neitaði að láta salta sig og notaði öll trixin í bókinni til þess að koma í veg fyrir Sósasigur. Hér til hliðar má sjá eitt af trixunum, þetta er náttúrulega bannað.

Óskar Hafliði tekin við sem nýr landsliðsþjálfari

Óskar Hafliði Ragnarsson tók við stjórnartaumunum hjá íslenska karlalandsliðinu í morgun af Ólafi Jóhannessyni sem var rekinn á dögunum eftir slakan leik landsliðsins gegn Dönum. Ráðning Óskars kom flestum þeim sem vit hafa á knattspyrnu nokkuð á óvart, en Óskar hefur aldrei þjálfað nokkurt lið að því Sósi best veit. Á blaðamannafundi í morgunn þá virtist Óskar einnig vera nokkuð hissa á ráðningunni en sagðist engu að síður ætla að gera sitt besta til þess að rétta skútuna af. "Það var bara hringt í mig í gær og ég spurður hvort ég vildi taka við starfinu, sem ég þáði" sagði Óskar við blaðamenn er hann var inntur eftir aðdraganda ráðningarinnar. Framkvæmdastjóri KSÍ hafði sig lítið í frammi á fundinum og húkti skömmustulegur úti í horni og er ástæðan fyrir því samkvæmt heimildarmönnum Sósa að það hefði verið hringt í vitlaust númer þegar hringt var í Óskar. Þegar það síðan uppgötvaðist hefði það hreinlega verið orðið of seint og búið að skrifa undir þriggja ára samning.