Ella Illuga stungið ofan í kolabing

Sósa bárust þær skelfilegu fréttir til eyrna á dögunum að það væri búið að stinga Ella Illuga (Von Döri) í kolabing, læsa og henda lyklinum. Sósi hvetur alla sem á kettlingi geta haldið að leggjast á eitt til þess að frelsa kauða úr prísundinni. Kolabingurinn er staðsettur upp við Rauðavatn og með sameiginlegu átaki ættu svona hundrað manns að geta frelsað hann. Sósi leggur því til að við hittumst stundvíslega klukkan 9 í kvöld með kúbein og melspírur og þá ætti þetta að verða létt og löðurmannlegt. Öngvar ástæður fengust hjá ráðamönnum þjóðarinnar af hverju í andsk... honum hefði verið stungið ofan í binginn, en áreiðanlegar heimildir Sósa herma að hann hafi verið orðinn ógn við þjóðaröryggi þ.e.a.s. að hann hafi verið orðinn hinn versti lýðsskrumari.

Köttur í bóli Sósa

Sexti fjölskyldumeðlimurinn bættist við Sósa family í vikunni er kötturinn "Sófer" bættist í hópinn. Að vísu voru bara fjórir fjölskyldumeðlimir virkir er Sófer birtist, því elstu niðjar Sósa tóku þá skemmtilegu ákvörðun að flytjast að heiman í vikunni (go Stella go). Ekkert hefur spurst til þessa niðja í fimm daga og eru Sósi og Lomma alveg gapandi hissa á ástandinu.

Nýtt útlit á Sósa og Sósabloggi!

Nú geta gestir og gangandi "commenterað" á vitleysuna og jafnvel skilið eftir dónaleg skilaboð til Sósa sem tekur fagnandi á móti öllum slíkum ófögnuði.

Er allt heila klabbið að sigla í strand?

Sósa er alveg hætt að lítast á blikuna varðandi efnahagsástandið í heiminum. Það virðist sem svo að ekkert fái stöðvað skrið lausafjárkreppunnar sem fór af stað í Bandaríkjunum á síðasta ári vegna undirmálslánakrísunnar viðbjóðslegu. Þegar menn eins og Björgólfur eldri og yngri eru farnir að kveinka sér undan ástandinu þá er Sósa hætt að lítast á blikuna og heldur að best væri fyrir alla að grafa sig bara í fönn í vetur og koma ekki fram í dagsljósið fyrr en í fyrsta lagi 2010. Sósi sló á þráðinn til Bjögga eldri í hádeginu, svona aðeins til þess að tékka á stöðunni og þá hafði hann þetta um málið að segja. "Sósi minn því er nú oftast þannig farið að eins manns dauði er annars manns brauð, en það á bara ekki við núna kallinn minn" sagði Bjöggi og sýndi Sósa galtóma vasana sem lyktuðu af túköllum og tíeyringum sem fyrir löngu er foknir út í veður og vind eftir mikla sviptivinda í brókinni undanfarna mánuði.

Heimurinn að farast?

Er Sósi kom heim eftir vinnu í gær, biðu allir fjölskyldumeðlimirnir í hurðargættinu og æptu "pabbi, pabbi er heimurinn að farast?" "Hvurslags vitleysa er þetta í ykkur" sagði þá Sósapabbi og stappaði illur niður fótunum. "Hvurslags endemis þvæla er þetta og hvaðan er þessi þvæla uppsprottinn?". "Mamma sagði okkur að það gæti allt eins verið að heimurinn myndi enda í dag er strákarnir hjá LHC (Large Hadron Collider) settu öreindahraðalinnn sem verið var að byggja í Sviss í gang". "Þið vitið nú hvernig hún mamma ykkur getur látið" svaraði þá Sósi ábúðarfullur, sló sér á lær og smellti góðlátlega í góm til þess að róa krakkagemlingjana sem greinilega voru í mikili geðshræringu yfir yfirlýsingu móður sinnar. Sósi skammaði Lommukvikindið seinna um kvöldið, háttaði hana niður í rúm og flengdi hana létt á þjóhnappana í refsingarskyni fyrir ósannindin. Þó er það öllum ljóst að heimsendir verður einhvern tímann, en hvort hann sé í nánd eða ekki er allsendis óvíst. Þessi mynd hér til hliðar var tekin af Spútnik 3 er öreindahraðallinn var settur í gang í morgun, eins og sjá má þá er ekkert að óttast, alls ekkert.

Skítadjobb

Þessir blökkusurtir, maður lifandi!

Þessir Arabar eru algjörir Arabar!

Ramses II heimtu úr helju

Hinn spengilegi flóttamaður Ramses II hefur loksin verið heimtur úr helju úr vítisvist á Ítalíu að því er fréttaritari Sósa á Keflavíkurflugvelli tjáði honum á dögunum. Ramses var víst illa til reika við komuna til Keflavíkur, tekinn í andliti með skerta heyrn og illt í hálsinum. "Fjandans spagettí maulandi Ítalaskrattarnir voru búnir að dubba kallinn upp eins og hvern annan hirðingja" sagði Venesúellen Einarsdóttir velgjörðarkona Ramses úr Hvítatunnusöfnuðinum hinum síðari, greinilega guðslifandi feginn að Ramses væri komin heim til Íslands eins og hún orðaði það. Ramses sjálfur frábað sér öll viðtöl við komuna en kraup á kné og sleikti fósturjörðinu svo fast að það stórsá bæði á henni og Ramses sem fékk í þokkabót ullabjakk á tunguna að launum fyrir gjörninginn. Ramses þó!

Stemmari í Laxveiðitúr

Þessa mynd sendi "gæd" úr Norðurá Sósa á dögunum. Á myndinni má sjá greiningardeild Kaupþings eins og hún leggur sig að sulla í Glanna sem er einn flottasti veiðistaðurinn í Norðurá. "Þetta voru mega hressir gaurar og til í allt fyrir réttan péning" sagði þessi ónafngreindur "gæd" við Sósa en vildi taka það sérstaklega fram að ekkert ósiðlegt hefði átt sér stað þarna í hylnum "þeir voru bara að skemmta sér blessaðir drengirnir, enda kannski ekki vanþörf á eftir mikið fall á mörkuðum undanfarna mánuði". Ekki fylgdi sögunni né myndinni hvort eitthvað hefði komið upp úr hylnum þann daginn en það er líka aukaatrið.

Litli og stóri hittast í fyrsta sinn

Hinn heimsfrægi leikari Sveinn Eiðsson (frændi Lommunar) og hinn skeleggi útvarpsmaður Þorgeir Ástvaldsson hittust í fyrsta sinn á dögunum í partýi hjá þeim síðarnefnda. Það væri þó ekki í frásögur færandi nema fyrir þær sakir að Þorgeir hefur verið aðdáandi Sveins númer eitt í áraraðir. "Það var geðveikt að rekast á Svein í þessu partýi því ég hef alltaf litið upp til þessa manns eftir að hann vann leiksigur í myndinni Óðal Feðranna hér um árið" sagði Þorgeir mjóróma í stuttu viðtali við Sósa á dögunum. Sósa lék einnig forvitni á að vita hvað væri á döfinni hjá kauða og spurði hann því að lokum út í það. "Ég er að skipuleggja árshátíð putalinga ásamt Halla vini mínum og það fer allur minn tími í það þessa dagana" sagði Þorgeir hrysti sig og byrsti, ruggaði sér í lendunum og sneri sér í hring.
Hér til hliðar sjáum við Þorgeir taka hróðugur í fingurinn á Sveini sem lætur sér fátt um finnast, enda mökkölvaður og illa fyrir kallaður eins og venjulega.

Rickshaw saman á ný?

Heyrst hefur að hljómsveitin Rickshaw sem sló svo eftirminnilega í gegn er nýrómantíkin stóð sem hæst, ætli sér að taka upp þráðinn á nýjan leik. Sósi setti sig því í samband við söngvara hljómsveitarinnar sálugu Richard Scobie og kallaði þegar í stað eftir viðbrögðum. "Já það er rétt, okkur fannst komin tími til að dusta rykið af hljóðfærunum og færa landanum flunkunýtt efni í bland við gamalt. Við ákváðum einnig að bæta við nýjum meðlim í hljómsveitina til þess að poppa þetta svolítið upp. Sá hinn heppni heitir Magnús Ríkharðsson og var gríðalega vinsæll plötusnúður í Hafnarfirði í denn. Við bindum miklar vonir við kappann enda svaðalegur diskótrúður" sagði Scobie eiturhress, hrissti stífspreyjaðan makkann og sló taktinn í næsta lag. Maggi Ríkharðs er annar frá vinstri á myndinni hér til hliðar íklæddur ofbirtugulu vesti og kvartbuxum í stíl.

Útvarp hjá Lommukvikindinu!

Adolf Bush

Nú fer þessi bráðum að segja af sér, guði sé lof segir Sósi nú barasta.

Er brasilískt málið?

Þessar kellingar mar!

Áreiðanlegur vatnshitamælir!

Þarf að segja meira?

Silfurpungarnir komnir heim!

Jæja, þá eru silfurpungarnir komnir heim eftir frækilega för á Ólympíuleikana í Peking með silfurpening í farteskinu. Það er óhætt að segja að guttarnir hafi komið skemmtilega á óvart með þessari mögnuðu frammistöðu sem enginn átti von á nema þá kannski þeir sjálfir.
Sósi tekur undir með þeim sem segja að þetta sé mesta afrek sem unnið hefur verið í íþróttum á landinu til þessa. Það fór því vel á því að tekið var á móti drengjunum með pompi og prakt enda áttu þeir það fyllilega skilið. Strákarnir komu einnig skemmtilega á óvart er þeir siluðust niður Skólavörðustíginn á gömlum Scania vörubíl íklæddir appelsínugulum pungdulum veifuðu eggjandi til æstra aðdáanda sem réðu sér ekki fyrir kæti yfir uppátækinu.
Hér til hliðar sjáum við Loga Geirsson, Ásgeir Örn og fyrirliðann Ólaf Stefánsson í broddi fylkingar, pungsveitta og löðrandi í rjúkandi Ólympíufíling.

P.S. Hvernig væri nú að grafa djúpa holu setja Valgeir Guðjónsson þar ofan í, og moka yfir. Jesús minn hvað maðurinn er eitthvað misheppnaður. Hverjum datt eiginlega í hug að fá þennan mann til þess að stýra fögnuðinum við Arnarhól?